Oppo Reno 16 : ఏకంగా 200MP కెమెరాతో మార్కెట్‌ను షేక్ చేయబోతున్న ఒప్పో Reno 16

Oppo Reno 16 : స్మార్ట్‌ఫోన్ ప్రపంచంలో స్టైలిష్ లుక్, అదిరిపోయే కెమెరాలకు కేరాఫ్ అడ్రస్‌గా నిలిచే ఒప్పో మరో సంచలనానికి తెరలేపింది. తన పాపులర్ Reno సిరీస్‌లో సరికొత్త ఒప్పో Reno 16 సిరీస్‌ను చైనాలో లాంచ్ చేసేందుకు సర్వం సిద్ధం చేసింది. వచ్చే వారం ఈ ఫోన్లు మార్కెట్లోకి రాబోతున్న తరుణంలో, కంపెనీ ఈ సిరీస్ బ్యాక్ కెమెరా వివరాలను అధికారికంగా లీక్ చేసి పసిడి ప్రియులైన టెక్ లవర్స్‌లో అంచనాలను భారీగా పెంచేసింది. చైనా సామాజిక మాధ్యమం  వైబోలో ఒప్పో షేర్ చేసిన టీజర్ల ప్రకారం, ఈ కొత్త సిరీస్ కెమెరా విభాగంలో సరికొత్త బెంచ్‌మార్క్ సెట్ చేయబోతోంది.

మైండ్ బ్లోయింగ్ 200MP కెమెరా సెటప్
ఒప్పో వెల్లడించిన వివరాల ప్రకారం.. Reno 16 సిరీస్‌లోని బేసిక్ మోడల్‌తో పాటు ప్రో మోడల్‌లో కూడా ఏకంగా 200 మెగాపిక్సెల్ ప్రైమరీ కెమెరాను ఇస్తున్నారు. ఈ మెయిన్ కెమెరాకు తోడుగా వెనుక వైపు 50 మెగాపిక్సెల్ అల్ట్రా-వైడ్ యాంగిల్ సెన్సార్, దూరం ఉన్న వస్తువులను కూడా క్రిస్టల్ క్లియర్‌గా క్యాప్చర్ చేసేందుకు 50 మెగాపిక్సెల్ పెరిస్కోప్ టెలిఫోటో కెమెరాను జత చేశారు. చీకట్లో కూడా అద్భుతమైన ఫోటోలు తీసేందుకు పవర్‌ఫుల్ ఎల్‌ఈడీ ఫ్లాష్ యూనిట్ కూడా ఉంది. రెండు ఫోన్లలో మెగాపిక్సెల్ కౌంట్ ఒకేలా ఉన్నప్పటికీ, అంతర్గత కెమెరా హార్డ్‌వేర్, సెన్సార్ల సైజులో స్వల్ప మార్పులు ఉండవచ్చని తెలుస్తోంది.

ఇండియా లాంచ్ టైమ్‌లైన్ 
భారతీయ వినియోగదారులకు ఈ సిరీస్ ఎప్పుడు అందుబాటులోకి వస్తుందనే దానిపై ప్రముఖ టెక్ వెబ్‌సైట్ 91mobiles ఒక ఆసక్తికరమైన కథనాన్ని ప్రచురించింది. చైనాలో మే 25న గ్రాండ్‌గా లాంచ్ అయిన సరిగ్గా నెల రోజుల తర్వాత, అంటే ఈ ఏడాది జూలై నెలలో ఒప్పో Reno 16 సిరీస్ భారత్‌లో అడుగుపెట్టనుంది. చైనాలో కేవలం రెండు లేదా మూడు మోడల్స్ రానుండగా, ఇండియాలో మాత్రం ఒకేసారి నాలుగు మోడల్స్ విడుదల కానున్నట్లు సమాచారం. ఈ జాబితాలో ఒప్పో Reno 16, Reno 16 Pro లతో పాటు సరికొత్తగా Reno 16 Pro Mini, బడ్జెట్ ఫ్రెండ్లీ మోడల్ Reno 16c కూడా ఉండబోతున్నాయి.

హెవీ స్టోరేజ్ ఆప్షన్లు, కలర్ వేరియంట్లు
చైనాలో విడుదల కాబోయే బేసిక్ ఒప్పో Reno 16 స్మార్ట్‌ఫోన్ గెలాక్సీ పర్పుల్, హార్ట్‌బీట్, మూన్‌లైట్ ఈజ్ డార్క్ అనే మూడు ఆకర్షణీయమైన రంగుల్లో లభించనుంది. స్టోరేజ్ విషయంలో కస్టమర్లకు ఎలాంటి ఇబ్బంది లేకుండా ఒప్పో భారీ ఆప్షన్లను ఇస్తోంది. ఈ ఫోన్ 12GB+256GB, 12GB+512GB వేరియంట్లతో పాటు, హెవీ యూజర్ల కోసం 16GB రామ్ తో 256GB, 512GB, ఏకంగా 1TB ఇంటర్నల్ స్టోరేజ్ వేరియంట్లలో రాబోతోంది. 1TB స్టోరేజ్ అంటే ఫోన్లో వేల సంఖ్యలో హై-క్వాలిటీ ఫోటోలు, వీడియోలను దాచుకోవచ్చు.

లాంచ్ డేట్, లీకైన ఇతర స్పెసిఫికేషన్లు
ఒప్పో Reno 16 సిరీస్ అధికారిక లాంచ్ ఈనెల మే 25న స్థానిక కాలమానం ప్రకారం సాయంత్రం 6 గంటలకు జరగనుంది. ఈ గ్రాండ్ ఈవెంట్‌లో ఫోన్లతో పాటు ఒప్పో ప్యాడ్ 6  టాబ్లెట్, ఒప్పో ఎంకో ఎయిర్ 5s బ్లూటూత్ ఇయర్‌బడ్స్‌ను కూడా లాంచ్ చేయనున్నారు. ప్రస్తుతం చైనాలో ఈ డివైజ్‌ల కోసం ప్రీ-బుకింగ్స్  నడుస్తున్నాయి.

మరోవైపు, లీకైన సమాచారం ప్రకారం ఈ సిరీస్‌లోని ప్రీమియం మోడల్ అయిన ఒప్పో Reno 16 Proలో 6.78 అంగుళాల ఎల్‌టీపీఓ కర్వ్‌డ్ డిస్‌ప్లేను ఇవ్వబోతున్నారు. ఇది 1.5K రిజల్యూషన్, 120Hz రిఫ్రెష్ రేట్‌తో కళ్లకు అద్భుతమైన విజువల్స్ అందిస్తుంది. ఈ ప్రో మోడల్ మీడియాటెక్ సంస్థకు చెందిన పవర్‌ఫుల్  డైమెన్సిటీ 9500s ఆక్టా-కోర్ చిప్‌సెట్‌పై రన్ కానున్నట్లు టెక్ వర్గాలు చెబుతున్నాయి.