Vivo S-Series : వివో అదిరిపోయే కంబ్యాక్.. చాలా ఏళ్ల తర్వాత భారత్‌లోకి S సిరీస్

వివో S2 స్మార్ట్‌ఫోన్ ఈ ఏడాది జూలై నెలలో భారత మార్కెట్లో అడుగుపెట్టనుంది.

Written by Gadgets360 Staff నవీకరించబడింది: 23 మే 2026 11:43 IST

Vivo S-Series : వివో అదిరిపోయే కంబ్యాక్.. చాలా ఏళ్ల తర్వాత భారత్‌లోకి S సిరీస్

Vivo S1 was launched in 2019

ముఖ్యాంశాలు

వివో S2 స్మార్ట్‌ఫోన్ ఈ ఏడాది జూలై నెలలో భారత మార్కెట్లో అడుగుపెట్టనుంది.
దీని ధర దాదాపు రూ.45,000 నుంచి రూ.50,000 వరకు ఉండే అవకాశం ఉంది
వివో V-సిరీస్‎లోని పాపులర్ మోడల్‌ను ఇండియాలో పేరు మార్చి వివో S2గా లాంచ్

ప్రకటన

Vivo S-Series : ప్రముఖ స్మార్ట్‌ఫోన్ల తయారీ సంస్థ వివో భారతీయ మొబైల్ ప్రియులకు ఒక క్రేజీ సర్ప్రైజ్ ఇవ్వబోతోంది. చాలా ఏళ్ల గ్యాప్ తర్వాత దేశంలో తన పాపులర్ 'S సిరీస్' స్మార్ట్‌ఫోన్లను మళ్లీ రీ-ఇంట్రడ్యూస్ చేయడానికి కంపెనీ లైన్ క్లియర్ చేసింది. ఇందులో భాగంగా వివో S2 పేరుతో సరికొత్త మోడల్‌ను లాంచ్ చేసేందుకు ఏర్పాట్లు చేస్తోంది. గతంలో 2019 లో విడుదలైన వివో S1 మోడల్‌కు సక్సెసర్‌గా ఈ సరికొత్త ఫోన్ రాబోతోంది. అయితే పాత మోడల్‌తో పోలిస్తే ఈ కొత్త వేరియంట్ లుక్, ఫీచర్లు మరియు ధర పరంగా పూర్తిగా నెక్స్ట్ లెవెల్‌లో ఉండబోతున్నట్లు టెక్ వర్గాలు చెబుతున్నాయి.

జూలైలోనే లాంచ్.. ప్రీమియం సెగ్మెంట్‌లో భారీ ధర
ప్రముఖ టెక్ వెబ్‌సైట్ 91Mobiles పరిశ్రమ వర్గాల నుంచి సేకరించిన సమాచారం ప్రకారం.. ఈ సరికొత్త వివో S2 స్మార్ట్‌ఫోన్ ఈ ఏడాది జూలై నెలలో భారత మార్కెట్లో అడుగుపెట్టనుంది. గతంలో వచ్చిన వివో S1 కేవలం రూ.17,990 బడ్జెట్ ధరలో రాగా, ఈ కొత్త వివో S2 మాత్రం లగ్జరీ అండ్ ప్రీమియం సెగ్మెంట్‌లో రాబోతోంది. మార్కెట్లో దీని ధర దాదాపు రూ.45,000 నుంచి రూ.50,000 వరకు ఉండే అవకాశం ఉందని తెలుస్తోంది. ఈ ప్రైస్ రేంజ్‌లో ఇది మార్కెట్లో ఇప్పటికే మంచి డిమాండ్ ఉన్న వన్‌ప్లస్ 15R, ఐకూ 15R వంటి పవర్‌ఫుల్ ఫ్లాగ్‌షిప్ ఫోన్లకు గట్టి పోటీ ఇవ్వనుంది.

రీబ్రాండెడ్ వెర్షన్‌గా ఎంట్రీ.. అల్ట్రా స్లిమ్ డిజైన్ ప్రత్యేకత
టెక్ ఇండస్ట్రీలో నడుస్తున్న లేటెస్ట్ టాక్ ప్రకారం.. ఈ వివో S2 స్మార్ట్‌ఫోన్ సరికొత్తగా డిజైన్ చేసిన ఫోన్ ఏమీ కాదు. చైనా లేదా గ్లోబల్ మార్కెట్లో ఇప్పటికే అందుబాటులో ఉన్న వివో V-సిరీస్‎లోని ఒక పాపులర్ మోడల్‌ను ఇండియాలో పేరు మార్చి వివో S2గా లాంచ్ చేయబోతున్నారట. ఈ ఫోన్ ప్రధానంగా అల్ట్రా స్లిమ్, లైట్‌వెయిట్ డిజైన్‌తో రానుంది. చేతిలో పట్టుకుంటే చాలా ప్రీమియం ఫీలింగ్ ఇచ్చేలా దీని బాడీని డిజైన్ చేస్తున్నట్లు సమాచారం. ఇటీవల ఈ ఫోన్ GSMA డేటాబేస్‌లో V2576 అనే మోడల్ నంబర్‌తో దర్శనమివ్వడం ఈ లాంచ్ వార్తలకు మరింత బలాన్ని చేకూర్చింది.

ఫోటోగ్రఫీ ప్రియుల కోసం స్పెషల్ కెమెరా ఫీచర్లు
వివో S2 స్మార్ట్‌ఫోన్‌ను కంపెనీ కంప్లీట్ కెమెరా-సెంట్రిక్ ఫోన్‌గా ప్రమోట్ చేయబోతోంది. అంటే పెర్ఫార్మెన్స్ కంటే కూడా కెమెరా క్వాలిటీ, ఫోటోగ్రఫీ ఇష్టపడే వారికి ఇది బెస్ట్ ఛాయిస్ కానుంది. ఇందులో హై-రెజల్యూషన్ కలిగిన మెయిన్ కెమెరాతో పాటు, అల్ట్రా-వైడ్ మరియు పోర్ట్రెయిట్ షాట్స్ కోసం నెక్స్ట్ జనరేషన్ ఏఐ కెమెరా ఫీచర్లను ఇస్తున్నారు. సోషల్ మీడియాలో రీల్స్ చేసేవారికి, ఫోటోగ్రాఫర్లకు నచ్చేలా ఇందులో బోకె మోడ్స్, నైట్ ఫోటోగ్రఫీ ఆప్షన్లు చాలా అద్భుతంగా ఉంటాయని లీకుల ద్వారా తెలుస్తోంది.

పాత వివో S1 స్పెసిఫికేషన్లు ఒకసారి చూస్తే..
ఈ కొత్త ఫోన్ రేంజ్ ఏంటో అర్థం కావాలంటే 2019 లో వచ్చిన పాత వివో S1 ఫీచర్లు ఒకసారి గుర్తు చేసుకోవాలి. ఆ ఫోన్ లో 6.38 అంగుళాల ఫుల్-హెచ్‌డీ+ సూపర్ అమోలెడ్ డిస్‌ప్లే ఉండేది. అలాగే అప్పట్లో ట్రెండ్ అయిన వాటర్‌డ్రాప్ స్టైల్ నాచ్ స్క్రీన్‌తో వచ్చింది. ఇందులో మీడియాటెక్ హెలియో P65 ప్రాసెసర్‌తో పాటు 4GB, 6GB రామ్ ఆప్షన్లు ఉండేవి. వెనుక వైపు 16MP+8MP+2MP ట్రిపుల్ కెమెరా సెటప్, ముందు వైపు 32MP సెల్ఫీ కెమెరా ఉండేది. 4,500mAh బ్యాటరీతో వచ్చిన ఆ ఫోన్ అప్పట్లో సూపర్ హిట్ అయింది. ఇప్పుడు రాబోయే వివో S2 మాత్రం ఆ పాత ఫీచర్లకు వంద రెట్లు పవర్‌ఫుల్‌గా, అదిరిపోయే అప్‌గ్రేడ్స్‌తో మార్కెట్లోకి వస్తోంది.