Vivo : ఫోటోగ్రఫీ లవర్స్‌కు పండగే.. వివో ప్రీమియం కెమెరా ఫోన్ Vivo X200T పై భారీ డిస్కౌంట్

Vivo : స్మార్ట్‌ఫోన్ మార్కెట్లో కెమెరా క్వాలిటీకి కేరాఫ్ అడ్రస్‌గా నిలిచే వివో కంపెనీ.. ఈ ఏడాది లాంచ్ చేసిన తన మోస్ట్ పవర్‌ఫుల్ ప్రీమియం మోడల్ Vivo X200T పై ఫ్లిప్‌కార్ట్‌లో అదిరిపోయే డీల్‌ను ప్రకటించింది. లగ్జరీ లుక్స్, జైస్ బ్రాండెడ్ ట్రిపుల్ కెమెరా సెటప్, సరికొత్త మీడియాటెక్ డైమెన్సిటీ ప్రాసెసర్, పవర్‌ఫుల్ బ్యాటరీతో వచ్చిన ఈ ఫోన్‌ను కొనుగోలు చేయాలని చూస్తున్న వారికి ఇది ఒక అద్భుతమైన అవకాశం. ప్రస్తుతం ఈ ఫోన్ లాంచ్ ధరకే లిస్ట్ అయినప్పటికీ, బ్యాంక్ కార్డ్స్, ఎక్స్ఛేంజ్ ఆఫర్లను ఉపయోగించి వేల రూపాయల డిస్కౌంట్ సొంతం చేసుకోవచ్చు.

భారత మార్కెట్లో Vivo X200T బేస్ వేరియంట్ అయిన 12GB రామ్ + 256GB స్టోరేజ్ మోడల్ ధర ఫ్లిప్‌కార్ట్ ఈ-కామర్స్ ప్లాట్‌ఫారమ్‌పై రూ.59,999గా లిస్ట్ చేయబడింది. అయితే మీ దగ్గర కనుక  Flipkart Axis Bank క్రెడిట్ కార్డ్ ఉంటే, దానితో పేమెంట్ చేయడం ద్వారా ఏకంగా రూ.8,700 భారీ క్యాష్‌బ్యాక్ లభిస్తుంది. ఈ ఆఫర్ వర్తిస్తే ఈ ప్రీమియం ఫోన్ ఎఫెక్టివ్ ధర కేవలం రూ.51,299కే మీకు అందుతుంది. ఒకవేళ మీ వద్ద యాక్సిస్ బ్యాంక్ కార్డ్ లేకపోయినా బాధపడాల్సిన అవసరం లేదు. ఎస్‌బీఐ, హెచ్‌డీఎఫ్‌సీ, యాక్సిస్ బ్యాంక్ ఇతర క్రెడిట్ కార్డ్‌లపై కూడా నేరుగా రూ.6,000 ఫ్లాట్ డిస్కౌంట్ అందుబాటులో ఉంది.

కార్డ్ ఆఫర్లతో పాటు మీ వద్ద ఉన్న పాత స్మార్ట్‌ఫోన్‌ను ఎక్స్ఛేంజ్ చేసుకోవడం ద్వారా మరింత ఎక్కువ ప్రయోజనాన్ని పొందవచ్చు. ఈ ఫోన్‌పై ఫ్లిప్‌కార్ట్ ఏకంగా రూ.48,800 వరకు గరిష్ట ఎక్స్ఛేంజ్ వాల్యూను అందిస్తోంది. దీనికి అదనంగా మరో రూ.6,000 ప్రత్యేక ఎక్స్ఛేంజ్ బోనస్ కూడా లభిస్తుంది. అయితే మీ పాత ఫోన్  మోడల్, బ్రాండ్, అది ఎంతవరకు వర్కింగ్ కండిషన్‌లో ఉందనే దానిపైనే ఈ గరిష్ట ఎక్స్ఛేంజ్ విలువ ఆధారపడి ఉంటుందని గమనించాలి. ఒకవేళ మీ పాత ఫోన్‌కు మంచి వాల్యూ వస్తే, ఈ ఫ్లాగ్‌షిప్ కారు లాంటి ఫోన్‌ను అతి తక్కువ ధరకే మీ సొంతం చేసుకోవచ్చు.

Samsung Galaxy A57 5G : రూ.50 వేల బడ్జెట్‌లో ఆల్‌రౌండర్ ఫోన్.. ప్రీమియం ఫీచర్లతో శామ్‌సంగ్ సరికొత్త స్కెచ్

 
ఫీచర్ల విషయానికి వస్తే Vivo X200T స్మార్ట్‌ఫోన్ అత్యంత విలాసవంతమైన స్పెసిఫికేషన్లతో వస్తుంది. ఇందులో 6.67 ఇంచుల కలర్ మాస్టర్ అమోలెడ్ డిస్‌ప్లేను అమర్చారు. ఇది 1260x2800 పిక్సెల్స్ హై-రెజల్యూషన్, 120Hz స్మూత్ రిఫ్రెష్ రేట్, ఎండలో కూడా స్క్రీన్ స్పష్టంగా కనిపించేలా ఏకంగా 5,000 నిట్స్ పీక్ బ్రైట్‌నెస్‌ను కలిగి ఉంది. ఈ ఫోన్ అత్యంత వేగవంతమైన మీడియాటెక్ డైమెన్సిటీ 9400+ ఫ్లాగ్‌షిప్ చిప్‌సెట్‌తో పనిచేస్తుంది. ఇందులో 256GB ఇంటర్నల్ స్టోరేజ్ ఇవ్వగా, ఇది లేటెస్ట్ UFS 4.1 స్టోరేజ్ టైప్‌తో రావడం విశేషం.

ఈ ఫోన్‌లో మరో ప్రధాన ఆకర్షణ దీని భారీ బ్యాటరీ. ఏకంగా 6200mAh కెపాసిటీ గల మెగా బ్యాటరీని ఈ స్లిమ్ ఫోన్ లో అందించారు. ఇది చాలా వేగంగా ఛార్జ్ అవ్వడానికి 90W వైర్డ్ ఫాస్ట్ ఛార్జింగ్, 40W వైర్‌లెస్ ఛార్జింగ్ సపోర్ట్‌ను ఇస్తుంది. సాఫ్ట్‌వేర్ పరంగా చూస్తే, ఈ స్మార్ట్‌ఫోన్ సరికొత్త ఆండ్రాయిడ్ 16 ఆధారిత ఆరిజిన్ ఓఎస్ 6తో రన్ అవుతుంది. వినియోగదారుల నమ్మకాన్ని పెంచేలా కంపెనీ ఈ ఫోన్‌కు 5 ఏళ్ల పాటు మేజర్ ఆపరేటింగ్ సిస్టమ్ అప్‌డేట్స్, 7 ఏళ్ల పాటు సెక్యూరిటీ అప్‌డేట్స్ ఇస్తామని గ్యారెంటీ ఇచ్చింది. అంతేకాకుండా ధూళి, నీటి నుంచి పూర్తి రక్షణ కోసం ఈ ఫోన్‌కు ఐపీ68, ఐపీ69 రేటింగ్స్ ఉన్నాయి.

కెమెరా విభాగంలో వివో మార్కెట్లోనే అత్యుత్తమ టెక్నాలజీని వాడింది. ఈ ఫోన్ వెనుక వైపు మూడు కెమెరాలను ఇచ్చారు. ఈ మూడు కూడా 50 మెగాపిక్సెల్ కెపాసిటీ కలిగి ఉండటం విశేషం. ఇందులో 50 ఎంపీ సూపర్ టెలిఫోటో కెమెరా, 50 ఎంపీ ప్రైమరీ కెమెరా, 50 ఎంపీ అల్ట్రా వైడ్ యాంగిల్ కెమెరాలు ఉన్నాయి. వీటి ద్వారా ప్రొఫెషనల్ రేంజ్ లో ఫొటోలు, పోర్ట్రెయిట్స్, ల్యాండ్‌స్కేప్స్ తీసుకోవచ్చు. అలాగే సెల్ఫీల కోసం ముందు భాగంలో f/2.0 అపెర్చర్‌తో కూడిన 32 మెగాపిక్సెల్ ఫ్రంట్ కెమెరాను అమర్చారు. కనెక్టివిటీ పరంగా 5G, వై-ఫై 7, బ్లూటూత్ 5.4, ఎన్‌ఎఫ్‌సీ, యూఎస్‌బీ టైప్-సి పోర్ట్ ఉన్నాయి. ఈ ఫోన్ కేవలం 7.9 మిమీ మందం, 203 గ్రాముల బరువుతో చేతిలో పట్టుకోవడానికి చాలా ప్రీమియంగా ఉంటుంది.