Amazon : అమెజాన్ సేల్‌లో సగం ధరకే బ్రాండెడ్ వాషింగ్ మెషీన్లు.. కరెంట్ ఆదా చేసే 5-స్టార్ మోడళ్లపై భారీ ఆఫర్లు

Amazon : వేసవి ఎండలతో పాటు అమెజాన్ గ్రేట్ సమ్మర్ సేల్ 2026 ఆఫర్లు కూడా దంచికొడుతున్నాయి. కొత్త వాషింగ్ మెషీన్ కొనాలన్నా లేదా పాత దానిని అప్‌గ్రేడ్ చేయాలన్నా ఇదే సరైన సమయం. శామ్‌సంగ్, ఎల్‌జీ, బాష్, ఐఎఫ్‌బీ వంటి దిగ్గజ కంపెనీలు తమ లేటెస్ట్ 5-స్టార్ రేటింగ్ వాషింగ్ మెషీన్లపై కనీవినీ ఎరుగని డిస్కౌంట్లను ప్రకటిస్తున్నాయి. కేవలం ధర తగ్గించడమే కాకుండా, విద్యుత్ ఆదా చేసే అధునాతన మోడళ్లను సామాన్యులకు అందుబాటులోకి తీసుకురావడమే లక్ష్యంగా ఈ సేల్ కొనసాగుతోంది.  

సగం ధరకే బాష్ ప్రీమియం మెషీన్ 
ఈ సేల్‌లో అందరినీ ఆశ్చర్యపరుస్తున్న డీల్ బాష్ 9 కేజీల ఫ్రంట్ లోడ్ మెషీన్‌ది. రూ.60,990 విలువైన ఈ ప్రీమియం మెషీన్ ఏకంగా రూ.31,990కే లభిస్తోంది. అంటే దాదాపు 50 శాతం డిస్కౌంట్ అన్నమాట. అలాగే శామ్‌సంగ్ 8 కేజీల టాప్ లోడ్ మెషీన్ రూ.27,000 నుంచి రూ.19,490కి తగ్గింది. ఫ్రంట్ లోడ్ ఇష్టపడే వారి కోసం ఎల్‌జీ 7 కేజీల స్మార్ట్ ఛాయిస్ మెషీన్ రూ.26,990కే అందుబాటులో ఉంది. బడ్జెట్ ధరలో కావాలనుకుంటే వర్ల్‌పూల్ 7 కేజీల మ్యాజిక్ క్లీన్ మోడల్ కేవలం రూ.15,490కే సొంతం చేసుకోవచ్చు. ఐఎఫ్‌బీ 7 కేజీల ఫ్రంట్ లోడ్ మెషీన్ రూ.28,989కి లభిస్తుండగా, పెద్ద కుటుంబాల కోసం శామ్‌సంగ్ 12 కేజీల భారీ మెషీన్ రూ.46,489కే అందుబాటులో ఉంది.

బ్యాంక్ ఆఫర్లు, అదనపు ప్రయోజనాలు 
అమెజాన్ ఈసారి హెచ్‌డీఎఫ్‌సీ బ్యాంక్‌తో జతకట్టింది. క్రెడిట్ కార్డులు లేదా ఈఎంఐ లావాదేవీల ద్వారా కొనుగోలు చేస్తే 10 శాతం తక్షణ డిస్కౌంట్ లభిస్తుంది. దీనికి తోడు పాత మెషీన్లను ఎక్స్ఛేంజ్ చేసుకునే వెసులుబాటు కూడా ఉంది, దీనివల్ల వేల రూపాయల అదనపు తగ్గింపు పొందవచ్చు. అమెజాన్ పే రివార్డ్స్, కూపన్ డిస్కౌంట్లు కూడా అదనం. ముఖ్యంగా అమెజాన్ ప్రైమ్ మెంబర్ల కోసం స్పెషల్ డీల్స్, ఫాస్ట్ డెలివరీ ఆప్షన్లు ఉన్నాయి. క్యాష్ ఆన్ డెలివరీ, ఈజీ రిటర్న్స్ వంటి సదుపాయాలతో షాపింగ్ మరింత సులభతరం అవుతోంది.

కరెంట్ బిల్లు టెన్షన్ లేని 5-స్టార్ టెక్నాలజీ 
చాలామంది వాషింగ్ మెషీన్ కొంటే కరెంట్ బిల్లు బాదుతుందని భయపడతారు. కానీ ఈ సేల్‌లో ఉన్నవన్నీ దాదాపు 5-స్టార్ ఎనర్జీ రేటింగ్ ఉన్నవే. ఇవి తక్కువ నీటిని, తక్కువ విద్యుత్తును వాడుకుంటూ బట్టలను శుభ్రంగా ఉతుకుతాయి. ఇన్వర్టర్ టెక్నాలజీ వల్ల మోటార్ శబ్దం కూడా చాలా తక్కువగా ఉంటుంది. వ్యాక్యూమ్ క్లీనర్లు, రిఫ్రిజిరేటర్లపై కూడా ఇలాంటి భారీ ఆఫర్లు ఉన్నప్పటికీ, వాషింగ్ మెషీన్ల విభాగంలో మాత్రం పోటీ తీవ్రంగా ఉంది. స్టాక్ అయిపోకముందే మీకు నచ్చిన మోడల్‌ను ఇతర వెబ్‌సైట్లతో పోల్చుకుని బెస్ట్ డీల్‌ను బుక్ చేసుకోవడం మంచిది.

Amazon Great Summer Sale 2026: Best Deals on 5-Star Washing Machines