Samsung : ఒక్కసారి చార్జ్ చేస్తే 22 గంటల బ్యాకప్.. శాంసంగ్ ప్రీమియం లాప్‌టాప్ ఫీచర్లు అదరహో

Samsung : ప్రముఖ గ్లోబల్ బ్రాండ్ శాంసంగ్, ప్రీమియం, ఆర్టిఫిషియల్ ఇంటెలిజెన్స్ (AI) ఆధారిత కంప్యూటింగ్ కోరుకునే వారి కోసం తన మోస్ట్ అవేటెడ్ లాప్‌టాప్  శాంసంగ్ గెలాక్సీ బుక్6 ఎడ్జ్‎ను గ్లోబల్ మార్కెట్లో లాంచ్ చేసింది. అత్యాధునిక హార్డ్‌వేర్, వినూత్న సాఫ్ట్‌వేర్ ఫీచర్లతో రూపొందిన ఈ లాప్‌టాప్ డిజైన్ పరంగా ఎంతో ఆకర్షణీయంగా ఉంది. ప్రస్తుతం ఈ డివైజ్ అమెరికాలోని శాంసంగ్ అధికారిక వెబ్‌సైట్ లో లభిస్తోంది.

గెలాక్సీ బుక్6 ఎడ్జ్ ధర, లభ్యత
ప్రీమియం కేటగిరీలో వచ్చిన శాంసంగ్ గెలాక్సీ బుక్6 ఎడ్జ్ లాప్‌టాప్ ధరను USD 2,099.99గా నిర్ణయించారు. అంటే మన భారతీయ కరెన్సీలో దీని విలువ సుమారు రూ.1,98,740 గా ఉంటుంది. ఈ లాప్‌టాప్ ఒకే ఒక్క క్లాసీ గ్రే బ్లూ కలర్ ఆప్షన్ లో అందుబాటులోకి వచ్చింది. ఇందులో భారీ స్థాయి లో 1TB అంతర్గత స్టోరేజ్ సామర్థ్యాన్ని అందించారు. ప్రస్తుతానికి ఇది యూఎస్ మార్కెట్ లో మాత్రమే అందుబాటులో ఉన్నప్పటికీ, త్వరలోనే భారత మార్కెట్లోకి కూడా వచ్చే అవకాశాలు ఉన్నాయి.

అద్భుతమైన డైనమిక్ అమోలెడ్ 2X టచ్ డిస్‌ప్లే
విజువల్ ఎక్స్‌పీరియన్స్ పరంగా ఈ లాప్‌టాప్ అగ్రస్థానంలో నిలుస్తుంది. ఇందులో 16 ఇంచుల భారీ డైనమిక్ అమోలెడ్ 2X యాంటీ-రిఫ్లెక్టివ్ టచ్‌స్క్రీన్ డిస్‌ప్లేను అందించారు. ఇది 2880×1800 పిక్సెల్స్ హై-రిజల్యూషన్, 120Hz రిఫ్రెష్ రేట్ తో పనిచేస్తుంది. యాంటీ-రిఫ్లెక్టివ్ టెక్నాలజీ వల్ల స్క్రీన్ పై కాంతి పడినా కూడా కళ్లకు శ్రమ లేకుండా స్క్రీన్ స్పష్టంగా కనిపిస్తుంది. పైగా ఇది టచ్‌స్క్రీన్ కావడంతో వినియోగదారులు మొబైల్ లేదా టాబ్లెట్ లాగా చేతి వేళ్లతోనే ఈజీగా ఆపరేట్ చేయవచ్చు.

స్నాప్‌డ్రాగన్ X2 ఎలిట్ పవర్‌ఫుల్ ఏఐ ప్రొసెసర్
హెవీ లోడ్ పనులను సైతం చిటికెలో పూర్తి చేయడానికి ఈ లాప్‌టాప్ లో క్వాల్కమ్ సంస్థకు చెందిన అత్యంత శక్తివంతమైన స్నాప్‌డ్రాగన్ X2 ఎలిట్ X2E-88-100 చిప్‌సెట్ ను ఉపయోగించారు. దీనికి తోడుగా గ్రాఫిక్స్ కోసం క్వాల్కమ్ అడ్రెనో జీపీయూ, ఏఐ టాస్క్ ల కోసం క్వాల్కమ్ హెక్సాగాన్ ఎన్‌పీయూలని జత చేశారు. ఇందులో 16GB LPDDR5X రామ్,  1TB వేగవంతమైన eUFS స్టోరేజ్ ఉన్నాయి. ఈ అడ్వాన్స్‌డ్ సాఫ్ట్‌వేర్ కాంబినేషన్ వల్ల లాప్‌టాప్ అస్సలు హ్యాంగ్ అవ్వకుండా విపరీతమైన వేగంతో పనిచేస్తుంది.

రోజంతా నడిచే పవర్‌ఫుల్ బ్యాటరీ, ఫాస్ట్ చార్జింగ్
బ్యాటరీ లైఫ్ విషయంలో ఈ లాప్‌టాప్ సరికొత్త రికార్డులను సృష్టిస్తోంది. ఇందులో 61.8Wh సామర్థ్యం గల లీథియం-అయాన్ బ్యాటరీని అమర్చారు. శాంసంగ్ ల్యాబ్ టెస్టుల ప్రకారం, ఈ లాప్‌టాప్ ను ఒక్కసారి ఫుల్ చార్జ్ చేస్తే ఏకంగా 22 గంటల పాటు నిరంతరాయంగా వాడుకోవచ్చు. లాంగ్ జర్నీలు చేసే వారికి, అవుట్ డోర్ లో వర్క్ చేసే వారికి ఈ బ్యాటరీ లైఫ్ ఎంతో ప్లస్ అవుతుంది. ఇంత పెద్ద బ్యాటరీని త్వరగా చార్జ్ చేయడానికి వీలుగా 65W సూపర్ ఫాస్ట్ చార్జింగ్ సపోర్ట్ ను కూడా అందించారు.

Google : గూగుల్ అదిరిపోయే గుడ్ న్యూస్.. అధికారికంగా వచ్చేసిన సరికొత్త ఆండ్రాయిడ్ 17 ఓఎస్

అద్భుతమైన ఆడియో, కెమెరా, కనెక్టివిటీ ఫీచర్లు
ఆడియో విషయానికి వస్తే, ఇందులో డాల్బీ అట్మాస్, స్మార్ట్ యాంప్ సపోర్ట్ ఉన్న క్వాడ్ స్పీకర్లను (నాలుగు స్పీకర్లు) అందించారు. దీనివల్ల సినిమా చూసినా, పాటలు విన్నా థియేటర్ లాంటి సౌండ్ ఎఫెక్ట్ లభిస్తుంది. ఆఫీస్ మీటింగులు, వీడియో కాల్స్ కోసం ముందు భాగంలో 2 మెగాపిక్సెల్ ప్రైమరీ కెమెరాతో పాటు డ్యూయల్ అరే డిజిటల్ మైక్రోఫోన్లు ఉన్నాయి. ఈ లాప్‌టాప్ విండోస్ 11 హోమ్ ఆపరేటింగ్ సిస్టమ్ పై రన్ అవుతుంది. అలాగే శాంసంగ్  స్మార్ట్‌థింగ్స్ కు కూడా ఇది సపోర్ట్ చేస్తుంది.

స్లిమ్ డిజైన్, కనెక్టివిటీ ఆప్షన్లు
ఇంత భారీ ఫీచర్లు ఉన్నప్పటికీ, కారు లోపల పెట్టి ఎక్కడికైనా సులభంగా తీసుకెళ్లేలా ఈ లాప్‌టాప్ ను చాలా స్లిమ్ గా, తక్కువ బరువుతో డిజైన్ చేశారు. దీని పొడవు 355.4 మిమీ, వెడల్పు 250.4 మిమీ, మందం కేవలం 12.3 మిమీ మాత్రమే. దీని బరువు కేవలం 1.55 కిలోలు మాత్రమే ఉండటం విశేషం. కనెక్టివిటీ ఫీచర్లలో సరికొత్త వై-ఫై 7, బ్లూటూత్ 5.4, 3.5 మిమీ హెడ్‌ఫోన్ జాక్, ఒక హెచ్‌డీఎమ్ఐ 2.1 పోర్ట్, ఒక యూఎస్‌బీ 3.2, రెండు హై-స్పీడ్ USB4 పోర్టులు ఉన్నాయి.