OnePlus Nord Buds Launch date: వన్‌ప్లస్ నుంచి సరికొత్త ఇయర్‌బడ్స్.. భారత్‌లో లాంచ్ డేట్ కన్ఫర్మ్ చేసిన కంపెనీ

OnePlus Nord Buds Launch date confirmed in India: ప్రముఖ గ్లోబల్ టెక్ దిగ్గజం వన్‌ప్లస్ భారతీయ ఆడియో మార్కెట్లోకి సరికొత్త ప్రొడక్ట్‌ను తీసుకురావడానికి ముహూర్తం ఖరారు చేసింది. తన పాపులర్ నార్డ్ సిరీస్ లో భాగంగా వన్‌ప్లస్ నార్డ్ బడ్స్ 4ను వచ్చే వారం దేశీయ మార్కెట్లో విడుదల చేయనున్నట్లు కంపెనీ అధికారికంగా ప్రకటించింది. ఇప్పటికే మార్కెట్లో అందుబాటులో ఉన్న ప్రీమియం మోడల్ నార్డ్ బడ్స్ 4 ప్రోకి బేస్ వేరియంట్ అని చెప్పవచ్చు. లాంచ్ తేదీని వెల్లడించడంతో పాటు ఈ సరికొత్త ట్రూ వైర్‌లెస్ ఇయర్‌బడ్స్‌కు సంబంధించిన కీలక ఫీచర్లు, స్పెసిఫికేషన్లను వన్‌ప్లస్ తన అఫీషియల్ మైక్రోసైట్ ద్వారా కస్టమర్ల కోసం పంచుకుంది.

జూన్ 25 మధ్యాహ్నం 12 గంటలకు గ్రాండ్ ఎంట్రీ..

వన్‌ప్లస్ సంస్థ వెల్లడించిన సమాచారం ప్రకారం.. ఈ సరికొత్త వన్‌ప్లస్ నార్డ్ బడ్స్ 4 ఇయర్‌బడ్స్ జూన్ 25వ తేదీన మధ్యాహ్నం 12 గంటలకు భారతదేశంలో గ్రాండ్‌గా లాంచ్ కాబోతున్నాయి. లాంచ్ అయిన వెంటనే ఇవి ప్రముఖ ఈ-కామర్స్ ప్లాట్‌ఫారమ్ అమెజాన్, వన్‌ప్లస్ అధికారిక స్టోర్లలో అమ్మకానికి అందుబాటులోకి రానున్నాయి. ఈ ఇయర్‌బడ్స్ స్టైలిష్ బ్లాక్, గ్రీన్ కలర్ ఆప్షన్లలో లభించనున్నాయి. అయితే ఈ రంగులకు కంపెనీ పెట్టబోయే అఫీషియల్ మార్కెటింగ్ పేర్లు ఏంటనేది ప్రస్తుతానికి సస్పెన్స్‌గా ఉంచింది.

అదిరిపోయే యాక్టివ్ నాయిస్ క్యాన్సిలేషన్, ఆడియో డ్రైవర్లు..

ఫీచర్ల పరంగా చూస్తే ఈ ఇయర్‌బడ్స్ దాని ప్రో వేరియంట్‌కు ఏమాత్రం తీసిపోని విధంగా ఉన్నాయి. ఈ వన్‌ప్లస్ నార్డ్ బడ్స్ 4 లో ఏకంగా 52dB వరకు యాక్టివ్ నాయిస్ క్యాన్సిలేషన్ (ANC) సపోర్ట్‌ను అందించారు. ఇది 5,000Hz ఫ్రీక్వెన్సీ పరిధి వరకు బయటి అవాంఛిత శబ్దాలను సమర్థవంతంగా అడ్డుకుంటుంది. దీనివల్ల రద్దీగా ఉండే ప్రదేశాల్లో కూడా ఎలాంటి డిస్టర్బెన్స్ లేకుండా ప్రశాంతంగా మ్యూజిక్ వినవచ్చు. ఇందులో విభిన్న వాతావరణాలకు అనుగుణంగా మల్టిపుల్ లిజనింగ్ మోడ్స్ కూడా ఉన్నాయి. అంతేకాకుండా ఇందులో టైటానియం కోటింగ్‌తో కూడిన పవర్‌ఫుల్ 12mm డైనమిక్ ఆడియో డ్రైవర్లను అమర్చారు, ఇవి బేస్ క్వాలిటీని నెక్స్ట్ లెవెల్‌కు తీసుకెళ్తాయి.

Samsung : ఫోల్డబుల్ మొబైల్స్ లో శామ్‌సంగ్ సరికొత్త విప్లవం.. స్క్రీన్‌పై క్రీజ్ సమస్యకు శాశ్వతంగా చెక్

3D స్పేషియల్ ఆడియో, ఏఐ క్లియర్ కాల్స్..

సౌండ్ ఎక్స్‌పీరియన్స్‌ను మరింత అద్భుతంగా మార్చడానికి వన్‌ప్లస్ నార్డ్ బడ్స్ 4 లో 3D స్పేషియల్ ఆడియోతో పాటు గేమర్స్ కోసం ప్రత్యేకంగా  గేమ్ సౌండ్ స్పేషియల్ ఆడియో ఫీచర్‌ను కూడా జోడించారు. దీనివల్ల గేమ్స్ ఆడేటప్పుడు శత్రువుల అడుగుల శబ్దాలు కూడా చాలా స్పష్టంగా దిశలతో సహా తెలుస్తాయి. ఇక కాలింగ్ విభాగం విషయానికి వస్తే.. ఇందులో సిక్స్-మైక్రోఫోన్ ఏఐ క్లియర్ కాల్ సెటప్‌ను ఇచ్చారు. అంటే ప్రతి ఇయర్‌బడ్‌పై మూడు మైక్రోఫోన్లు ఉంటాయి. ఇవి ఆర్టిఫిషియల్ ఇంటెలిజెన్స్ సహాయంతో హోరు గాలి వీచే సమయంలో లేదా ట్రాఫిక్ లో ఉన్నప్పుడు కూడా మీ వాయిస్‌ను అవతలి వారికి ఎంతో స్పష్టంగా వినిపించేలా చేస్తాయి.

మైండ్ బ్లాయింగ్ బ్యాటరీ లైఫ్, సూపర్ ఫాస్ట్ ఛార్జింగ్..

బ్యాటరీ పరంగా వన్‌ప్లస్ ఈ బడ్స్ లో పెద్ద విప్లవమే తెచ్చింది. ఛార్జింగ్ కేస్‌తో కలిపి ఈ ఇయర్‌బడ్స్ సింగిల్ ఛార్జ్‌పై ఏకంగా 54 గంటల పాటు టోటల్ ప్లేబ్యాక్ టైమ్‌ను అందిస్తాయని కంపెనీ క్లెయిమ్ చేస్తోంది. దీనితో పాటు ఇందులో అమర్చిన సూపర్ ఫాస్ట్ ఛార్జింగ్ టెక్నాలజీ సహాయంతో.. కేవలం 10 నిమిషాలు ఛార్జ్ చేస్తే చాలు, ఏకంగా 11 గంటల పాటు నిరంతరాయంగా పాటలు వినవచ్చు. ఈ ఇయర్‌బడ్స్ అత్యుత్తమ బ్యాటరీ భద్రత ప్రమాణాలతో వస్తున్నట్లు ధృవీకరిస్తూ  TÜV Rheinland బ్యాటరీ హెల్త్ సర్టిఫికేషన్‌ను కూడా సొంతం చేసుకున్నాయి. కేవలం 4.3 గ్రాముల బరువుతో ఎంతో తేలికగా ఉండే ఈ ఇన్-ఇయర్ బడ్స్ ఆకర్షణీయమైన Pebble-shapedలో ఉండే ఛార్జింగ్ కేస్‌తో వస్తున్నాయి.