Samsung One UI 9 Update Coming Soon: శాంసంగ్ లవర్స్‌కు పండగే.. త్వరలోనే ఆండ్రాయిడ్ 17 బేస్డ్ One UI 9 సరికొత్త అప్‌డేట్!

Samsung One UI 9 Update Coming Soon: ప్రముఖ స్మార్ట్‌ఫోన్ల తయారీ సంస్థ శాంసంగ్, ఆండ్రాయిడ్ 17 ఆపరేటింగ్ సిస్టమ్ ఆధారంగా పనిచేసే తన సరికొత్త  One UI 9 సాఫ్ట్‌వేర్ అప్‌డేట్‌ను రోల్ అవుట్ చేయడానికి ముమ్మరంగా ఏర్పాట్లు చేస్తోంది. కంపెనీ ఇప్పటికే కొన్ని ఎంపిక చేసిన గెలాక్సీ డివైజ్‌ల కోసం దీనికి సంబంధించిన బీటా ప్రోగ్రామ్‌ను కూడా ప్రారంభించింది. దీని ద్వారా రాబోయే రోజుల్లో కస్టమర్లకు అందబోయే కొత్త ఫీచర్లు, డిజైన్ మార్పులపై ఒక క్లారిటీ వచ్చేసింది. అయితే, ఏ ఏ మోడళ్లకు ఈ అప్‌డేట్ లభిస్తుందనే అధికారిక లిస్ట్‌ను శాంసంగ్ ఇంకా ప్రకటించనప్పటికీ.. కంపెనీ  ప్రస్తుత సాఫ్ట్‌వేర్ అప్‌డేట్ పాలసీని బట్టి చూస్తే, ఈ లేటెస్ట్ ఓఎస్ అప్‌గ్రేడ్ పొందే మొబైల్స్ జాబితా చాలా పెద్దగానే ఉందని చెప్పొచ్చు.

జూలై 22న గెలాక్సీ అన్‌ప్యాక్డ్ ఈవెంట్..

నమ్మదగిన సమాచారం ప్రకారం.. శాంసంగ్ కంపెనీ రాబోయే జూలై 22, 2026 న నిర్వహించనున్న గ్రాండ్ గెలాక్సీ అన్‌ప్యాక్డ్ ఈవెంట్‌లో ఈ  One UI 9 సాఫ్ట్‌వేర్‌ను అధికారికంగా ప్రపంచానికి పరిచయం చేయనుంది. ఇదే వేదికపై కంపెనీ తన మోస్ట్ అవేటెడ్ ఫోల్డబుల్ ఫోన్లు అయిన Galaxy Z Fold 8, Galaxy Z Flip 8 మోడళ్లను కూడా లాంచ్ చేయబోతోంది. ఈ సరికొత్త ఫోన్లతోనే వన్ యూఐ 9 సాఫ్ట్‌వేర్ మొదటిసారిగా మార్కెట్లోకి అడుగుపెట్టనుంది. ఆ తర్వాత సెప్టెంబర్ 2026 నుంచి పాత గెలాక్సీ స్మార్ట్‌ఫోన్లు, టాబ్లెట్‌లకు స్టేబుల్ అప్‌డేట్ లభించే అవకాశం ఉంది. ప్రస్తుతం దీని బీటా వెర్షన్ కేవలం గెలాక్సీ ఎస్26  సిరీస్‌కు మాత్రమే పరిమితం కాగా, త్వరలోనే ఇతర మోడళ్లకు కూడా విస్తరించనున్నారు.

వన్ యూఐ 9 అప్‌డేట్ పొందే గెలాక్సీ డివైజ్‌ల లిస్ట్..

శాంసంగ్ అప్‌డేట్ పాలసీ ఆధారంగా (SamMobile రిపోర్ట్ ప్రకారం) లేటెస్ట్ ఆండ్రాయిడ్ 17 అప్‌డేట్ పొందే అవకాశం ఉన్న స్మార్ట్‌ఫోన్ల వివరాలు సిరీస్ వారీగా క్రింది విధంగా ఉన్నాయి:

* గెలాక్సీ S సిరీస్: Galaxy S26, S26+, S26 Ultra, Galaxy S25, S25+, S25 Ultra, S25 Edge, S25 FE, Galaxy S24, S24+, S24 Ultra, S24 FE, Galaxy S23, S23+, S23 Ultra, S23 FE.
* గెలాక్సీ Z (ఫోల్డబుల్) సిరీస్: Galaxy Z Fold 8, Galaxy Z Flip 8, Galaxy Z TriFold, Galaxy Z Fold 7, Galaxy Z Flip 7, Galaxy Z Flip 7 FE, Galaxy Z Fold Special Edition, Galaxy Z Fold 6, Galaxy Z Flip 6, Galaxy Z Fold 5, Galaxy Z Flip 5.

* గెలాక్సీ A సిరీస్: Galaxy A57, A56, A55, A54, Galaxy A37, A36, A35, A34, Galaxy A27, A26, A25, A24, Galaxy A17 (4G/5G), A16 (4G/5G), A15 (4G/5G), Galaxy A07 (4G/5G), A06 5G.
* గెలాక్సీ M సిరీస్: Galaxy M56, M55, M55s, M54, Galaxy M47, Galaxy M36, M35, M34, Galaxy M17, M17e, M16, M15, Galaxy M07, M06.
* గెలాక్సీ F సిరీస్: Galaxy F70e, Galaxy F56, F55, F54, Galaxy F36, F34, Galaxy F17, F16, F15, Galaxy F07, F06.

(గమనిక: ఇది ప్రాథమిక జాబితా మాత్రమే. శాంసంగ్ అధికారిక ప్రకటన తర్వాత కొన్ని మార్పులు ఉండవచ్చు. కొన్నిసార్లు పాలసీ పరిమితి ముగిసిన ఫోన్లకు కూడా కంపెనీ అప్‌డేట్స్ ఇస్తుంటుంది).

Oppo Find X10 : ఏకంగా 200ఎంపీతో మూడు వెనుక కెమెరాలు.. ఒప్పో ఫైండ్ X10 ప్రో మాక్స్ లీకైన క్రేజీ ఫీచర్లు

లుక్ అండ్ ఫీచర్స్ లో కొత్తదనం..

శాంసంగ్ తన మునుపటి One UI 8.5 వెర్షన్ లోనే భారీ డిజైన్ మార్పులు చేసినందున, వన్ యూఐ 9 లో ఇంటర్‌ఫేస్ మొత్తం పూర్తిగా మారిపోకపోవచ్చు. కానీ, యూజర్ ఎక్స్‌పీరియన్స్‌ను మరింత మెరుగుపరచడానికి ఎన్నో రకాల విజువల్ అప్‌గ్రేడ్స్ చేయనున్నారు. కొత్త రిపోర్ట్స్ ప్రకారం.. ఇందులో బ్రైట్‌నెస్, వాల్యూమ్ కంట్రోల్ కోసం కాస్త లావుపాటి స్లైడర్లు రాబోతున్నాయి. అలాగే మనకు నచ్చినట్లు సైజ్ మార్చుకునే మీడియా ప్లేయర్ విజెట్స్, మ్యూజిక్ ప్లే అవుతున్నప్పుడు ఆల్బమ్ ఆర్ట్‌తో పాటు వచ్చే వేవ్‌ఫార్మ్ యానిమేషన్లు, మరిన్ని లిక్విడ్ గ్లాస్ యూఐ ఎఫెక్ట్స్, సరికొత్త గెలాక్సీ ఏఐ ఫీచర్లు ఇందులో తోడుకానున్నాయి.

సిస్టమ్ యాప్స్‌లో ఏఐ హవా..

ఇవే కాకుండా, ఫోటోలు, వీడియో ఎడిటింగ్ కోసం ఉపయోగపడే  క్రియేటివ్ స్టూడియోను ఇకపై నేరుగా సిస్టమ్ యాప్‌లోనే ఇంటిగ్రేట్ చేయనున్నారు. శాంసంగ్ యూజర్లకు ఎంతో ఇష్టమైన Good Lock యాప్‌లోని హోమ్ అప్ మోడ్యూల్‌కు మల్టీ-ఫింగర్ జెస్టర్ సపోర్ట్‌ను కూడా జత చేయబోతున్నారు. అంటే ఒకటి కంటే ఎక్కువ వేళ్లతో స్క్రీన్‌పై షార్ట్‌కట్స్ వాడుకోవచ్చు. అలాగే, శాంసంగ్ బ్రౌజర్ యాప్‌లో సరికొత్త Ask AI ఫీచర్ రాబోతోంది, దీని సహాయంతో బ్రౌజింగ్ చేసేటప్పుడే ఏఐని ఏవైనా ప్రశ్నలు అడిగి క్షణాల్లో సమాధానాలు తెలుసుకోవచ్చు.