iQOO Buds: ఐకూ లవర్లకు గుడ్ న్యూస్.. ఆగస్టు 20న మార్కెట్లోకి అదిరిపోయే బడ్స్

iQOO Buds: మ్యూజిక్ లవర్స్, గేమర్స్ ఎంతో ఆసక్తిగా ఎదురుచూస్తున్న ఐకూ బడ్స్ అధికారిక లాంచ్ డేట్ వచ్చేసింది. ఆగస్టు 20న ఈ సరికొత్త ట్రూ వైర్‌లెస్ (TWS) ఇయర్ బడ్స్‌ను భారతీయ మార్కెట్లోకి తీసుకొస్తున్నట్లు కంపెనీ వెల్లడించింది. ఇందుకు సంబంధించిన ప్రత్యేక మైక్రోసైట్‌ను ఈ కామర్స్ దిగ్గజం అమెజాన్ లో ఇప్పటికే ప్రత్యక్షం చేశారు. బ్లాక్ కలర్ వేరియంట్‌లో దర్శనమిస్తున్న ఈ బడ్స్, స్టైలిష్ లుక్‌తో పాటు ఆడియో రంగంలో కొత్త ప్రమాణాలు నెలకొల్పబోతున్నాయి.

అమెజాన్ టీజర్ చూపిస్తున్న విశేషాలు 
అమెజాన్ సైట్‌లో ప్రత్యక్షమైన టీజర్ ప్రకారం ఈ కొత్త ఇయర్ బడ్స్ ఇయర్-ఫిట్ డిజైన్‌ను కలిగి ఉంటాయి. కేస్ గుండ్రటి, ఓవల్ ఆకారంలో ఉండి ఐకూ బ్రాండింగ్‌తో చాలా ప్రీమియమ్‌గా కనిపిస్తోంది. ఛార్జింగ్ స్థితిని తెలిపేందుకు వీలుగా కేస్ కింద భాగంలో గ్రీన్ కలర్ ఇండికేటర్ లైట్‌ను అమర్చారు. "ఇంజనీర్డ్ ఫర్ ఎవరీ బీట్" అనే ట్యాగ్‌లైన్‌తో వస్తున్న ఈ సాధనం, విభిన్నమైన రంగుల్లో అందుబాటులోకి వచ్చే అవకాశం ఉంది.
 

ఐకూ Z11 స్మార్ట్‌ఫోన్ తోడుగా అరంగేట్రం 
ఈ ఐకూ బడ్స్‌ను కేవలం ఒంటరిగా కాకుండా, అత్యంత శక్తివంతమైన ఐకూ Z11 స్మార్ట్‌ఫోన్‌తో కలిసి మార్కెట్లోకి తీసుకురానున్నారు. దీంతో ఆగస్టు 20న టెక్ ప్రియులకు డబుల్ ధమాకా లభించనుంది. ఫోన్ తో పాటుగా బడ్స్ కూడా ఒకే వేదికపై లాంచ్ కానుండటం వల్ల వినియోగదారుల్లో ఆసక్తి రెట్టింపైంది.

Oppo Find X9s: ఒప్పో ఫైండ్ X9s పై ఏకంగా రూ.60,000 తగ్గిన ధర.. భారీ డిస్కౌంట్ ఆఫర్ చూస్తే షాకే

జతగా రానున్న ఐకూ Z11 ఫోన్ ప్రత్యేకతలు 
ఐకూ Z11 స్మార్ట్‌ఫోన్ 6.8-ఇంచీల 1.5K కర్వ్‌డ్ అమోలెడ్ డిస్‌ప్లేతో రాబోతోంది. ఇది 144Hz రిఫ్రెష్ రేట్, 5,000 నిట్స్ పీక్ బ్రైట్‌నెస్‌ను సపోర్ట్ చేస్తుంది. మీడియాటెక్ డైమెన్సిటీ 7500 టర్బో చిప్‌సెట్‌తో పనిచేసే ఈ హ్యాండ్‌సెట్‌లో పలు కృత్రిమ మేధ ఫీచర్లను చేర్చారు. మెరుగైన గేమింగ్ అనుభూతిని అందించేలా ఈ డివైజ్‌ను తీర్చిదిద్దారు.

సరికొత్త ఐకూ బడ్స్ లాంచ్ కావడం ద్వారా బడ్జెట్ ఆడియో విపణిలో పోటీ మరింత పెరగనుంది. సౌండ్ క్వాలిటీ, స్టైలిష్ డిజైన్‌తో వస్తున్న ఈ డివైజ్ భారతీయ యువతను విశేషంగా ఆకట్టుకుంటుందని టెక్ నిపుణులు భావిస్తున్నారు.