Red Magic : గేమర్లకు పండగే.. అదిరిపోయే ఫీచర్లతో కొత్త రెడ్ మ్యాజిక్ గేమింగ్ టాబ్లెట్ 5 ప్రో లాంచ్

Red Magic : ప్రముఖ చైనీస్ గేమింగ్ డివైజెస్ మేకర్ రెడ్ మ్యాజిక్ తన కొత్త గేమింగ్ టాబ్లెట్  Red Magic Gaming Tablet 5 Proను అధికారికంగా లాంచ్ చేసింది. గేమర్ల కోసం ప్రత్యేకంగా రూపొందించిన ఈ టాబ్లెట్, అత్యున్నత స్థాయి పెర్ఫార్మెన్స్‌ను అందించేలా అత్యాధునిక హార్డ్‌వేర్‌తో వస్తోంది. ప్రస్తుతం చైనా మార్కెట్లో అందుబాటులోకి వచ్చిన ఈ డివైజ్, త్వరలోనే గ్లోబల్ మార్కెట్లో రెడ్ మ్యాజిక్ ఆస్ట్రా 2 పేరుతో విడుదల కానుంది.

పవర్‌ఫుల్ ప్రాసెసర్, అద్భుతమైన డిస్‌ప్లే
ఈ టాబ్లెట్ ప్రధాన ఆకర్షణ దీనిలోని స్నాప్‌డ్రాగన్ 8 ఎలైట్ చిప్‌సెట్. దీనికి తోడు గ్రాఫిక్స్ కోసం Adreno 840 GPU, ప్రత్యేకమైన  RedCore R4 గేమింగ్ చిప్‌ను అందించారు. డిస్‌ప్లే విషయానికొస్తే, ఇందులో 9.06 అంగుళాల 2.4K OLED స్క్రీన్ ఉంది. ఇది 165Hz రిఫ్రెష్ రేట్‌తో వస్తుండటంతో గేమింగ్ చాలా స్మూత్‌గా ఉంటుంది. అలాగే 1,600 నిట్స్ పీక్ బ్రైట్‌నెస్, 2,000Hz టచ్ శాంప్లింగ్ రేట్‌తో గేమర్లకు సరికొత్త అనుభవాన్ని అందిస్తుంది.

Redmi : ఏకంగా 72 గంటల నాన్‌స్టాప్ బ్యాటరీ బ్యాకప్.. రెడ్‌మి సరికొత్త వైర్‌లెస్ హెడ్‌ఫోన్స్ ప్రత్యేకతలివే

డిజైన్, బ్యాటరీ, కూలింగ్ సిస్టమ్
కేవలం 363 గ్రాముల బరువుతో అత్యంత తేలికగా ఉండే ఈ టాబ్లెట్, గేమింగ్ సమయంలో వేడెక్కకుండా ఉండటానికి 12,016 sq mm VC కూలింగ్ సిస్టమ్ ను కలిగి ఉంది. ఇందులో 8,300mAh బ్యాటరీని అమర్చారు, ఇది 80W ఫాస్ట్ ఛార్జింగ్‌కు సపోర్ట్ చేస్తుంది. దీనికి డ్యూయల్ టైప్-సి పోర్ట్‌లు ఉండటం విశేషం. సిల్వర్ వింగ్, డార్క్ నైట్ అనే రెండు రంగులలో లభించే ఈ టాబ్లెట్‌లో 13MP వెనుక కెమెరా, 8MP సెల్ఫీ కెమెరా ఉన్నాయి.

ధరల వివరాలు
చైనాలో వేరియంట్ల వారీగా దీని ధరలు ఇలా ఉన్నాయి 

12 GB RAM + 256 GB స్టోరేజ్: సుమారు రూ. 74,500.

16 GB RAM + 512 GB స్టోరేజ్: సుమారు రూ. 84,300.

16 GB RAM + 1 TB స్టోరేజ్: సుమారు రూ. 98,300.