Nothing : మార్కెట్లోకి నథింగ్ కొత్త బడ్జెట్ ఫోన్.. అదిరిపోయే గ్లిఫ్ లైటింగ్‌తో Nothing Phone 4b ఎంట్రీ

Nothing : ట్రెండీ డిజైన్లతో స్మార్ట్‌ఫోన్ ప్రపంచంలో సరికొత్త క్రేజ్ సృష్టించిన నథింగ్ కంపెనీ, తాజాగా తన స్మార్ట్‌ఫోన్ లైనప్‌ను మరింత విస్తరిస్తూ సరికొత్త మొబైల్‌ను మార్కెట్లోకి తీసుకొచ్చింది. అదే నథింగ్ ఫోన్ 4బి. ప్రీమియం ఫీచర్లు, వినూత్నమైన డిజైన్లను ఇష్టపడే మధ్యతరగతి వినియోగదారులను టార్గెట్ చేస్తూ కంపెనీ దీనిని బడ్జెట్ సెగ్మెంట్లో లాంచ్ చేసింది. తక్కువ ధరలోనే నథింగ్ బ్రాండ్‌కు చెందిన సిగ్నేచర్ ట్రాన్స్‌పరెంట్ డిజైన్, ఐకానిక్ గ్లిఫ్ లైటింగ్ ఎలిమెంట్స్, అద్భుతమైన సాఫ్ట్‌వేర్ ఎక్స్‌పీరియన్స్‌ను ఈ ఫోన్ ద్వారా కస్టమర్లకు అందించబోతున్నారు.

నథింగ్ ఫోన్ 4బి ధర ఎంత? సేల్స్ ఎప్పటినుంచి?
భారత మార్కెట్లో నథింగ్ ఫోన్ 4బి ప్రారంభ ధరను రూ.34,999గా నిర్ణయించారు. ఇది బేస్ వేరియంట్ అయిన 8GB ర్యామ్, 128GB స్టోరేజ్ మోడల్ ధర. కాగా, ఇందులో ఎక్కువ స్టోరేజ్ కోరుకునే వారి కోసం 256GB వేరియంట్‌ను కూడా తీసుకొచ్చారు, దీని ధర రూ.38,999గా ఉంది. ఈ స్మార్ట్‌ఫోన్ బ్లాక్, వైట్, బ్లూ అనే మూడు ఆకర్షణీయమైన కలర్ ఆప్షన్లలో లభించనుంది. ఈ ఫోన్ కొనుగోలు చేయాలనుకునే వారు జూలై 14 నుంచి ఫ్లిప్‌కార్ట్‎తో పాటు నథింగ్ అధికారిక వెబ్‌సైట్ ద్వారా ఆర్డర్ చేసుకోవచ్చు.

ఫీచర్లు మాత్రం నెక్స్ట్ లెవెల్ 
ఫీచర్ల విషయానికొస్తే.. నథింగ్ ఫోన్ 4బి లో 6.7 ఇంచుల ఫుల్ హెచ్‌డీ ప్లస్ సూపర్ అమోలెడ్ డిస్‌ప్లేను ఇచ్చారు. ఇది 120Hz రిఫ్రెష్ రేట్, ఎండలో కూడా స్క్రీన్ స్పష్టంగా కనిపించేలా 2,000 నిట్స్ పీక్ బ్రైట్‌నెస్‌ను సపోర్ట్ చేస్తుంది. ఈ ఫోన్‌లో క్వాల్కమ్ కంపెనీకి చెందిన సరికొత్త  స్నాప్‌డ్రాగన్ 6 జెన్ 4 పవర్‌ఫుల్ ప్రొసెసర్‌ను అమర్చారు. దీనికి తోడుగా 8GB వరకు LPDDR4X ర్యామ్, 256GB వరకు UFS 2.2 స్టోరేజ్ లభిస్తుంది. గేమింగ్ లవర్స్ కోసం ఫోన్ వేడెక్కకుండా ఉండేందుకు 4,400 చదరపు మిల్లీమీటర్ల హీట్ డిసిపేషన్‌తో కూడిన వేపర్ కూలింగ్ ఛాంబర్‌ను కూడా ఇందులో జోడించారు.

ఆండ్రాయిడ్ 16 బేస్డ్ నథింగ్ ఓఎస్ 4.1 
ఈ సరికొత్త స్మార్ట్‌ఫోన్ సరికొత్త ఆండ్రాయిడ్ 16 ఆధారిత నథింగ్ ఓఎస్ 4.1 పై రన్ అవుతుంది. యూజర్లకు ఎటువంటి బగ్స్ లేని క్లీన్ సాఫ్ట్‌వేర్ అనుభూతిని ఇది ఇస్తుంది. అంతేకాకుండా, ఈ ఫోన్‌కు మూడు సంవత్సరాల పాటు మేజర్ ఆపరేటింగ్ సిస్టమ్ (OS) అప్‌గ్రేడ్స్, ఏకంగా ఆరు సంవత్సరాల పాటు సెక్యూరిటీ అప్‌డేట్స్ ఇస్తామని కంపెనీ గ్యారెంటీ ఇచ్చింది. దీనివల్ల లాంగ్ రన్‌లో ఫోన్ సెక్యూరిటీ పరంగా ఎలాంటి ఇబ్బంది ఉండదు. ఇందులో ప్రత్యేకంగా ఎసెన్షియల్ కీ ఫీచర్‌ను కూడా అందించారు.

Apps Ban : యాప్ నొక్కితే కారు, రిక్షా ఆగిపోతున్నాయ్.. గూగుల్, యాపిల్ ప్లే స్టోర్లకు కేంద్ర ఐటీ శాఖ నోటీసులు

50 మెగాపిక్సెల్ ఓఐఎస్ కెమెరా 
ఫొటోగ్రఫీ విషయానికొస్తే, నథింగ్ ఫోన్ 4బి వెనుక భాగంలో డ్యుయల్ కెమెరా సెటప్ ఉంది. ఇందులో ఆప్టికల్ ఇమేజ్ స్టెబిలైజేషన్ (OIS) సపోర్ట్ ఉన్న 50 మెగాపిక్సెల్ మెయిన్ కెమెరాను, అలాగే వైడ్ యాంగిల్ షాట్స్ కోసం 8 మెగాపిక్సెల్ ఆల్ట్రావైడ్ లెన్స్‌ను అమర్చారు. ఓఐఎస్ ఫీచర్ వల్ల ఫోటోలు, వీడియోలు తీసేటప్పుడు చేతులు వణికినా బ్లర్ అవ్వకుండా స్పష్టమైన అవుట్‌పుట్ వస్తుంది. ఇక సెల్ఫీలు, వీడియో కాల్స్ కోసం ముందు భాగంలో 16 మెగాపిక్సెల్ స్మార్ట్ కెమెరాను కేటాయించారు. దీనితో పాటు ఎన్నో సరికొత్త ఏఐ బేస్డ్ సాఫ్ట్‌వేర్ ఫీచర్లు కూడా కెమెరా యాప్‌లో అందుబాటులో ఉన్నాయి.

6000mAh భారీ బ్యాటరీ.. ఇతర కనెక్టివిటీ ఫీచర్లు 
ఛార్జింగ్ సమస్యలకు చెక్ పెడుతూ ఈ ఫోన్‌లో ఏకంగా 6000mAh సామర్థ్యం గల భారీ బ్యాటరీని ఇచ్చారు. దీనికి తోడుగా 33W ఫాస్ట్ ఛార్జింగ్ సపోర్ట్ కూడా ఉంది. అదనంగా, ఈ ఫోన్ ద్వారా వేరే చిన్న గ్యాడ్జెట్లను ఛార్జ్ చేసుకునేందుకు వీలుగా 7.5W రివర్స్ వైర్డ్ ఛార్జింగ్ ఫీచర్‌ను కూడా అందించడం విశేషం. ఈ ఫోన్ 8.6mm మందం, 210 గ్రాముల బరువుతో ఉంటుంది. భద్రత కోసం ఇన్-డిస్ప్లే ఫింగర్‌ప్రింట్ సెన్సార్, మంచి సౌండ్ కోసం స్టీరియో స్పీకర్లు ఉన్నాయి. నీటి చుక్కలు, దుమ్ము నుంచి రక్షణ కోసం ఈ ఫోన్‌కు IP64 రేటింగ్ లభించింది. కనెక్టివిటీ కోసం బ్లూటూత్ 6.0, వైఫై 6, జీపీఎస్, QZSS వంటి అడ్వాన్స్డ్ ఫీచర్లు ఇందులో ఉన్నాయి.