OnePlus N6 : అమెజాన్‌లో లైవ్‌లోకి వచ్చిన మైక్రోసైట్.. ‘ఆల్వేస్ ఆన్.. ఆల్వేస్ స్మూత్’ ట్యాగ్‌లైన్‌తో రచ్చ

OnePlus N6 : భారతీయ స్మార్ట్‌ఫోన్ మార్కెట్లో ప్రీమియం, మిడ్-రేంజ్ విభాగంలో తిరుగులేని బ్రాండ్ ఇమేజ్ ఉన్న వన్ ప్లస్ సంస్థ.. ఇప్పుడు బడ్జెట్ కస్టమర్లపై గట్టిగా కన్నేసింది. ఇండియాలో ఒక సరికొత్త స్మార్ట్‌ఫోన్ ఫ్యామిలీని పరిచయం చేయబోతున్నట్లు కంపెనీ అధికారికంగా ధృవీకరించింది. ఈ సరికొత్త సిరీస్ పేరు  OnePlus N Series. ఈ సిరీస్ లో భాగంగా వస్తున్న మొట్టమొదటి స్మార్ట్‌ఫోన్ వన్ ప్లస్ N6 అని కంపెనీ స్పష్టం చేసింది. దీనితో పాటు ఈ ఫోన్ అధికారిక లాంచ్ డేట్‌ను కూడా కన్ఫర్మ్ చేసింది.

జూన్ 30న గ్రాండ్ లాంచ్.. అమెజాన్‌లో మైక్రోసైట్ లైవ్
వన్ ప్లస్ అందించిన అధికారిక సమాచారం ప్రకారం.. ఈ సరికొత్త బడ్జెట్ స్మార్ట్‌ఫోన్ వన్ ప్లస్ N6 భారతదేశంలో జూన్ 30, 2026న అధికారికంగా విడుదల కానుంది. ఈ ఫోన్ సేల్స్ కోసం ప్రముఖ ఈ-కామర్స్ దిగ్గజం అమెజాన్ ఇండియా వెబ్‌సైట్‌లో ఒక ప్రత్యేక మైక్రోసైట్‌ను కూడా కంపెనీ లైవ్‌లోకి తీసుకువచ్చింది. ఈ మైక్రోసైట్‌లో "Always on. Always Smooth" అనే ఆకట్టుకునే ట్యాగ్‌లైన్‌ను ఉపయోగించారు. దీనిని బట్టి చూస్తే.. కంపెనీ ఈ ఫోన్ లో సూపర్ స్మూత్ యూజర్ ఎక్స్‌పీరియన్స్, పవర్‌ఫుల్ బ్యాటరీ లైఫ్‌పై ప్రత్యేకంగా ఫోకస్ చేసినట్లు తెలుస్తోంది.

టీజర్ చిత్రాలతో లీకైన లుక్, డిజైన్
కంపెనీ విడుదల చేసిన అధికారిక టీజర్ చిత్రాల ద్వారా వన్ ప్లస్ N6 ఫోన్ లుక్, డిజైన్ చాలా వరకు రివీల్ అయ్యాయి. ఈ ఫోన్ కనీసం బ్లాక్, గ్రీన్ కలర్ ఆప్షన్లలో లభించబోతున్నట్లు స్పష్టమైంది. ఫోన్‌కు ప్రీమియం లుక్ ఇచ్చేలా ఫ్లాట్ ఫ్రేమ్, ఫ్లాట్ బ్యాక్ ప్యానెల్‌ను అందించారు. ఫోన్ వెనుక భాగంలో వర్టికల్ షేప్‌లో అమర్చిన అద్భుతమైన ట్రిపుల్ కెమెరా సెటప్ కనిపిస్తోంది. అలాగే ఫోన్ కు కుడి వైపున పవర్ బటన్, వాల్యూమ్ కీలను అమర్చారు. చూడటానికి ఈ ఫోన్ లుక్ చాలా వరకు వన్ ప్లస్ నోర్డ్ CE 6 మోడల్‌ను పోలి ఉంది.

Specialized Levo 4 X : లైట్ వెయిట్ కార్బన్ ఫ్రేమ్, పవర్‌ఫుల్ ఫాక్స్ సస్పెన్షన్.. ఈవీ మార్కెట్లోకి సరికొత్త సైకిల్

రూ.20,000 లోపే వన్ ప్లస్ బ్రాండ్ పవర్
కంపెనీ ప్రస్తుతానికి ఈ ఫోన్ అధికారిక ధర, పూర్తి స్పెసిఫికేషన్లను వెల్లడించలేదు. కానీ ఇటీవల టెక్ వర్గాల్లో హల్ చల్ చేసిన లీక్స్ ప్రకారం.. ఈ సరికొత్త N సిరీస్ ఫోన్ల ధర మన దేశంలో రూ.20,000 కంటే తక్కువగానే ఉండబోతోంది. ఒకవేళ ఇదే నిజమైతే వన్ ప్లస్ చరిత్రలోనే ఇది అత్యంత చౌకైన, సరసమైన స్మార్ట్‌ఫోన్ లైన్అప్‌గా నిలిచిపోతుంది. ప్రస్తుతం ఇండియాలో వన్ ప్లస్ బ్రాండ్ లో లభిస్తున్న అత్యంత చౌకైన ఫోన్ వన్ ప్లస్ నోర్డ్ CE 6 లైట్. దీని ప్రారంభ ధర మార్కెట్లో రూ.20,999 గా ఉంది. దీనికంటే తక్కువ ధరకే కొత్త ఫోన్ వస్తుండటంతో కస్టమర్లలో భారీ అంచనాలు నెలకొన్నాయి.

తక్కువ బడ్జెట్ కస్టమర్లే టార్గెట్
వన్ ప్లస్ బ్రాండ్ అంటే ఇష్టముండి.. కేవలం బడ్జెట్ సమస్య వల్ల ముందడుగు వేయలేకపోతున్న మధ్యతరగతి, యువతను టార్గెట్ చేస్తూ వన్ ప్లస్ ఈ వ్యూహాన్ని రచించింది. తక్కువ ధరలోనే వన్ ప్లస్ బ్రాండ్ వాల్యూ, ఆక్సిజన్ ఓఎస్ స్మూత్‌నెస్, మంచి కెమెరా క్వాలిటీని అందించడం ద్వారా బడ్జెట్ మార్కెట్లో ఉన్న ఇతర చైనా బ్రాండ్లకు గట్టి పోటీ ఇవ్వాలని కంపెనీ భావిస్తోంది. రాబోయే రోజుల్లో ఈ ఫోన్‌కు సంబంధించిన ప్రాసెసర్, డిస్‌ప్లే, బ్యాటరీ కెపాసిటీ, కెమెరా సెన్సార్లకు సంబంధించిన మరిన్ని వివరాలు అధికారికంగా వెల్లడికానున్నాయి.