Vivo : స్మార్ట్‌ఫోన్ మార్కెట్లో సరికొత్త సంచలనం.. వివో నుంచి రాబోతున్న కాంపాక్ట్ బాహుబలి వివో X500 ప్రో మినీ

Vivo :ప్రముఖ స్మార్ట్‌ఫోన్ తయారీ సంస్థ వీవో మార్కెట్లోకి సరికొత్త ఫ్లాగ్‌షిప్ ఫోన్‌లను తీసుకురావడానికి చురుగ్గా పనిచేస్తోంది. ఈ క్రమంలో కంపెనీ తన మోస్ట్ పాపులర్ ప్రీమియం సిరీస్ కింద వివో X500ను లాంచ్ చేయడానికి సన్నాహాలు చేస్తోంది. ఈ సిరీస్‌లో వివో X500 ప్రో మోడల్ ప్రధాన ఆకర్షణగా నిలవనుంది. అయితే ఈసారి కథలో ఒక ఆసక్తికరమైన ట్విస్ట్ ఉంది. భారీ సైజ్ ఫోన్‌లను ఇష్టపడని వారి కోసం, వివో ఇదే సిరీస్‌లో ఒక చేత్తో సులభంగా ఆపరేట్ చేయగల కాంపాక్ట్ సైజ్ ఫ్లాగ్‌షిప్ స్మార్ట్‌ఫోన్‌ను పరిచయం చేయబోతోంది. టెక్ వర్గాల్లో దీనిని వివో X500 ప్రో మినీ అని పిలుస్తున్నారు. సైజ్ చిన్నదైనా, ఫీచర్లు, పర్ఫార్మెన్స్ పరంగా ఇది మార్కెట్లోని పెద్ద పెద్ద ఫోన్‌లకు గట్టి పోటీ ఇవ్వనుంది.

మీడియాటెక్ సరికొత్త చిప్‌సెట్ పవర్ 
చైనాకు చెందిన ప్రముఖ టెక్ టిప్‌స్టర్  డిజిటల్ చాట్ స్టేషన్ లీక్ చేసిన తాజా సమాచారం ప్రకారం, ఈ వివో X500 ప్రో మినీ స్మార్ట్‌ఫోన్‌లో మీడియాటెక్  సంస్థకు చెందిన అత్యంత అధునాతన, ఎఫిషియంట్ ప్రాసెసర్‌ను ఉపయోగించనున్నారు. ఇది నెక్స్ట్ జనరేషన్ 2ఎన్ఎమ్ ప్రాసెసింగ్ టెక్నాలజీపై రూపొందించబడిన సరికొత్త చిప్‌సెట్ కానుంది. మార్కెట్లోకి ఇది డైమెన్సిటీ 9600 ప్రో అనే పేరుతో ఎంట్రీ ఇచ్చే అవకాశం ఉంది. ఈ పవర్‌ఫుల్ ప్రాసెసర్ వల్ల ఫోన్ వేగం అద్భుతంగా ఉండటమే కాకుండా, ఎంత భారీ గేమ్స్ ఆడినా ఫోన్ వేడెక్కకుండా స్మూత్‌గా రన్ అవుతుందని టెక్ నిపుణులు చెబుతున్నారు.

చిన్న సైజ్ ఫోన్‌లో భారీ బ్యాటరీ మ్యాజిక్ 
సాధారణంగా చిన్న సైజ్ లేదా కాంపాక్ట్ ఫోన్‌లలో బ్యాటరీ సామర్థ్యం చాలా తక్కువగా ఉంటుంది. కానీ వివో ఈ అపవాదును చెరిపేస్తూ X500 ప్రో మినీ మోడల్‌లో ఒక భారీ విప్లవాత్మక మార్పుకు శ్రీకారం చుట్టింది. ఈ చిన్న ఫోన్‌లో ఏకంగా 6500mAh సామర్థ్యం కలిగిన భారీ బ్యాటరీని అమర్చబోతున్నట్లు లీక్స్ ద్వారా తెలిసింది. అంతటితో ఆగకుండా, ఈ బ్యాటరీ కెపాసిటీని ఏకంగా 7000mAh వరకు పెంచే ఆలోచనలో కూడా కంపెనీ ఉన్నట్లు టిప్‌స్టర్ పేర్కొన్నారు. బ్యాటరీ ఫైనల్ కెపాసిటీపై ఇంకా పూర్తి స్పష్టత రానప్పటికీ, ఈ ఫోన్‌లో యూజర్లు మునుపెన్నడూ చూడని విధంగా ఒక బ్రహ్మాండమైన, లాంగ్ లాస్టింగ్ బ్యాటరీ లైఫ్‌ను ఆస్వాదించవచ్చని మాత్రం ఖచ్చితంగా చెప్పవచ్చు.

Google : టెక్ లవర్స్‌కు పండగే.. మేడ్ బై గూగుల్ ఈవెంట్ డేట్ కన్ఫర్మ్.. పిక్సెల్ 11 సిరీస్ వచ్చేస్తోంది

200 ఎమ్‌పీ సెన్సార్‌కు నో 
వివో ఎక్స్ సిరీస్ ఫోన్‌లు ఎప్పుడూ తమ కెమెరా క్వాలిటీకి చాలా ఫేమస్. ఈ కొత్త మోడల్‌లోనూ కంపెనీ ప్రీమియం కెమెరా హార్డ్‌వేర్‌ను అందిస్తోంది. అయితే, ఇందులో ఎలాంటి 200MP కెమెరా సెన్సార్ ఉండబోవడం లేదు. దీనికి బదులుగా ఫోన్ వెనుక వైపు 50 ఎమ్‌పీ ప్రధాన కెమెరాను ఇవ్వనున్నారు, ఇది సరికొత్త  లోఫిక్ టెక్నాలజీతో పనిచేస్తుంది. దీనివల్ల అతి తక్కువ వెలుతురు ఉన్న ప్రదేశాలలో కూడా ఫోటోలు చాలా బ్రైట్‌గా, స్పష్టంగా వస్తాయి. దీనితో పాటు, ఇందులో 64 ఎమ్‌పీ సామర్థ్యం కలిగిన 85mm పెరిస్కోప్ టెలిఫోటో కెమెరా,  వైడ్ యాంగిల్ షాట్స్ కోసం మరొక 50 ఎమ్‌పీ అల్ట్రావైడ్ కెమెరాను కూడా అమర్చనున్నారు.

1.5K రిజల్యూషన్, 144Hz డిస్ ప్లే  
మునుపటి నివేదికల ప్రకారం, వివో X500 ప్రో స్మార్ట్‌ఫోన్ 6.37 ఇంచుల అద్భుతమైన OLED రకానికి చెందిన LTPO డిస్‌ప్లే ప్యానెల్‌తో రానుంది. ఇది కంటికి ఎలాంటి శ్రమ లేకుండా 1.5K హై-రిజల్యూషన్‌ను సపోర్ట్ చేస్తుంది. గేమింగ్, స్క్రోలింగ్ స్మూత్‌గా సాగడం కోసం ఇందులో రికార్డు స్థాయిలో 144Hz రీఫ్రెష్ రేట్‌ను అందించబోతున్నారు. సాఫ్ట్‌వేర్ విషయానికి వస్తే, ఈ ఫోన్ సరికొత్త ఆండ్రాయిడ్ 17 ఆధారిత ఆరిజిన్ ఓఎస్ 7  ఆపరేటింగ్ సిస్టమ్‌పై పనిచేయనుంది. ఈ సరికొత్త వివో X500 సిరీస్ స్మార్ట్‌ఫోన్‌లు ఈ ఏడాది సెప్టెంబర్ నెలలో మార్కెట్లోకి వచ్చే అవకాశాలు ఉన్నాయి. కంపెనీ వీటిని మొదటి విడతలో భాగంగా చైనా మార్కెట్లో విడుదల చేసి, ఆ తర్వాత ప్రపంచవ్యాప్తంగా, భారత మార్కెట్లోకి తీసుకురానుంది.