ఐఫోన్ యూజర్లకు గుడ్ న్యూస్! ఇక ఒకే ఫోన్‌లో రెండు వాట్సాప్ అకౌంట్లు వాడుకోవచ్చు..!

వాట్సాప్ అంటే కేవలం మెసేజింగ్ యాప్ మాత్రమే కాదు, మన లైఫ్‌లో అదొక పార్ట్ అయిపోయింది. రీసెంట్‌గా మెటా సంస్థ ఈ యాప్‌లో తీసుకొచ్చిన క్రేజీ అప్ డేట్స్ చూస్తుంటే యూజర్ ఎక్స్ పీరియన్స్‌ని నెక్స్ట్ లెవల్‌కి తీసుకెళ్లడమే వాళ్ల టార్గెట్ అని క్లియర్‌గా అర్థమవుతోంది. ముఖ్యంగా ఆండ్రాయిడ్, ఐఓఎస్ మధ్య ఉండే ఆ గ్యాప్ ని తగ్గించడానికి వాట్సాప్ గట్టిగానే ప్లాన్ చేసింది. స్టోరేజ్ మేనేజ్ మెంట్ నుంచి మొదలుకొని ఏఐ ఫీచర్స్ వరకు అన్నీ కూడా యూజర్స్‌కి చాలా కన్వీనియంట్‌గా ఉండేలా డిజైన్ చేశారు. ఈ కొత్త ఫీచర్స్‌తో చాటింగ్ చేయడం ఇకపై మరింత స్మార్ట్‌గా, స్టైలిష్‌గా మారబోతోంది.

ఈ అప్ డేట్స్‌లో అందరినీ బాగా ఇంప్రెస్ చేస్తున్న విషయం క్రాస్ ప్లాట్ ఫామ్ చాట్ ట్రాన్స్ ఫర్. గతంలో ఐఫోన్ నుంచి ఆండ్రాయిడ్‌కి లేదా ఆండ్రాయిడ్ నుంచి ఐఫోన్‌కి మారాలంటే చాట్ హిస్టరీ పోతుందేమో అన్న భయం ఉండేది. కానీ ఇకపై ఆ టెన్షన్ అక్కర్లేదు. మన అకౌంట్ ఇన్ఫర్మేషన్, గ్రూప్ చాట్స్, కమ్యూనిటీ అప్ డేట్స్, ఛానల్స్‌తో పాటు కాల్ హిస్టరీని కూడా ఈజీగా ఒక ప్లాట్ ఫామ్ నుంచి ఇంకో దానికి షిఫ్ట్ చేసుకోవచ్చు. ఫొటోలు, వీడియోలు కూడా సేఫ్‌గా ట్రాన్స్ ఫర్ అయిపోతాయి కాబట్టి కొత్త ఫోన్ కొన్నప్పుడు డేటా గురించి వర్రీ అవ్వాల్సిన అవసరం అస్సలు ఉండదు.

స్టోరేజ్ విషయంలో వాట్సాప్ తీసుకొచ్చిన మార్పులు చాలా మందికి ఊరటనిస్తాయి. మన ఫోన్ మెమరీ ఫుల్ అయిపోయినప్పుడు ఏ ఫైల్స్ డిలీట్ చేయాలో అర్థం కాక సతమతమవుతుంటాం. ఇప్పుడు ఆ ఇబ్బంది లేకుండా డైరెక్ట్‌గా ఏదైనా చాట్ ఓపెన్ చేసి అందులో ఉన్న పెద్ద సైజు ఫైల్స్ ని మాన్యువల్ గా వెతికి మరీ డిలీట్ చేసే ఆప్షన్ ఇచ్చారు. చాట్ హిస్టరీని అలాగే ఉంచుకుంటూ కేవలం మీడియా ఫైల్స్ ని మాత్రమే రిమూవ్ చేసే వీలుండటం వల్ల ఫోన్ లో స్పేస్ ని ఈజీగా మేనేజ్ చేయొచ్చు. దీనివల్ల ఇంపార్టెంట్ కాన్వర్జేషన్స్ మిస్ అవ్వకుండానే ఫోన్ ని స్పీడ్ అప్ చేసుకోవచ్చు.

ఐఫోన్ యూజర్స్‌కి ఇదొక బిగ్ న్యూస్ అని చెప్పాలి. ఇప్పటివరకు కేవలం ఆండ్రాయిడ్ లోనే ఉన్న 'డ్యూయల్ అకౌంట్' ఫీచర్ ఇప్పుడు ఐఓఎస్ లోకి కూడా వచ్చేసింది. ఇకపై ఒకే ఐఫోన్ లో రెండు వాట్సాప్ అకౌంట్స్‌ని మెయింటైన్ చేయొచ్చు. వర్క్ లైఫ్ ని పర్సనల్ లైఫ్‌ని వేరుగా ఉంచుకోవాలనుకునే వారికి ఇది పర్ఫెక్ట్ అప్ డేట్. ప్రస్తుతం మనం ఏ అకౌంట్ వాడుతున్నామో తెలుసుకోవడానికి బాటమ్ ట్యాబ్‌లో ప్రొఫైల్ పిక్చర్ కనిపిస్తుంది. దీనివల్ల ఏ అకౌంట్‌లో మెసేజ్ చేస్తున్నామనే కన్ఫ్యూజన్ లేకుండా చాలా స్మూత్‌గా స్విచ్ అవ్వచ్చు, ఇది మల్టీటాస్కింగ్ చేసేవారికి సూపర్ ప్లస్ అవుతుంది.

ఆర్టిఫిషియల్ ఇంటెలిజెన్స్ రంగంలో మెటా దూసుకుపోతున్న క్రమంలో వాట్సాప్‌లో కూడా మెటా ఏఐ ఫీచర్స్‌ని మరింత పవర్ ఫుల్‌గా మార్చారు. ఇప్పుడు మనం పంపే ఫొటోలని చాట్ లోనే ఎడిట్ చేసుకోవచ్చు. ఫొటో బ్యాక్ గ్రౌండ్ మార్చాలన్నా లేదా మనకు నచ్చని ఆబ్జెక్ట్స్ ని రిమూవ్ చేయాలన్నా వేరే ఎడిటింగ్ యాప్స్ అవసరం లేదు. ఏఐ ద్వారా డిఫరెంట్ స్టైల్స్‌ని కూడా అప్లై చేయొచ్చు. దీనివల్ల మన చాట్స్ మరింత కలర్ ఫుల్ గా, క్రియేటివ్‌గా తయారవుతాయి. ఫొటోస్ తో ప్లే చేయడం ఇష్టపడే ఈ జనరేషన్ కి ఈ ఫీచర్ ఒక స్పెషల్ గిఫ్ట్ లాంటిదే.

చివరిగా రైటింగ్ హెల్ప్ ఫీచర్ గురించి చెప్పుకోవాలి. ఎదుటివారు పంపిన మెసేజ్ సందర్భాన్ని బట్టి ఎలాంటి రిప్లై ఇవ్వాలో ఇది సజెస్ట్ చేస్తుంది. బిజీగా ఉన్నప్పుడు లేదా ఏం రిప్లై ఇవ్వాలో తోచనప్పుడు ఈ ఫీచర్ చాలా యూజ్ అవుతుంది. మెటా చెబుతున్న దాని ప్రకారం ఈ అప్ డేట్స్ అన్నీ ప్రైవసీకి ఎలాంటి భంగం కలగకుండానే జరుగుతాయి. రాబోయే కొద్ది వారాల్లో ఈ కొత్త ఫీచర్స్ అందరికీ అందుబాటులోకి రానున్నాయి. టెక్నాలజీని వాడుకుంటూ మన కమ్యూనికేషన్ ని మరింత సింప్లిఫై చేయడానికి వాట్సాప్ చేస్తున్న ఈ ప్రయత్నం నిజంగా గ్రేట్ అని చెప్పక తప్పదు.