AC Maintenance : ఏసీ రిమోట్‌లో ఈ ఒక్క బటన్ నొక్కితే చాలు.. కరెంట్ బిల్లు సగానికి సగం తగ్గిపోవడం ఖాయం

AC Maintenance : దేశవ్యాప్తంగా ఎండల తీవ్రత తగ్గి వర్షాలు ప్రారంభమయ్యాయి. ఈ వర్షాకాలం చల్లదనాన్ని ఇచ్చి ఉపశమనం కలిగించినప్పటికీ, తనతో పాటు సరికొత్త సమస్యలను కూడా మోసుకొస్తుంది. వర్షాలు పడేటప్పుడు ఉష్ణోగ్రత తగ్గినప్పటికీ, గాలిలో తేమ శాతం విపరీతంగా పెరిగిపోతుంది. దీనివల్ల ఇళ్లలో ఒక రకమైన ఉక్కపోత, గుబులు లేదా అసౌకర్యంగా అనిపిస్తుంది. ఇలాంటి సమయంలో ఇంట్లో ఎయిర్ కండిషనర్ (AC) ఆన్ చేసినా కూడా గదిలో అనుకున్నంత కంఫర్ట్ దొరకదు. వర్షాకాలం అనేది ఏసీల పనితీరుకు పెద్ద సవాల్ లాంటిది. ఈ సీజన్‌లో డ్రైనేజీ పైపులు బ్లాక్ అవ్వడం, అవుట్‌డోర్ యూనిట్ దగ్గర చెత్త పేరుకుపోవడం వంటి ఇబ్బందులు వస్తాయి. అందుకే ఈ వర్షాకాలంలో ఏసీని ఎలా కాపాడుకోవాలో, కరెంట్ బిల్లును ఎలా తగ్గించుకోవాలో ఇప్పుడు వివరంగా తెలుసుకుందాం.

సమస్య ఉష్ణోగ్రతతో కాదు.. గాలిలో ఉండే తేమతోనే అసలు తలనొప్పి 
వర్షాకాలంలో గదిలో ఉష్ణోగ్రత తక్కువగా ఉన్నప్పటికీ మనకు ఎందుకు అంత అశాంతిగా ఉంటుందో ఎప్పుడైనా ఆలోచించారా? దానికి కారణం డిగ్రీల వేడి కాదు, గాలిలో ఉండే జిగురు లాంటి తేమ. వేసవి కాలంలో ఉండే పొడి వేడి కంటే ఈ వర్షాకాలపు ఉక్కపోత మనుషులను ఎక్కువగా ఇబ్బంది పెడుతుంది. ఇలాంటి టైంలో మీ ఏసీ ఎలాంటి ఇబ్బంది లేకుండా పర్ఫెక్ట్‌గా పని చేయాలన్నా, దాని లైఫ్ పెరగాలన్నా కొన్ని చిన్న చిన్న మెయింటెనెన్స్ టిప్స్ పాటించడం చాలా అవసరం. లేకపోతే ఏసీ త్వరగా పాడయ్యే ప్రమాదం ఉంది.

ఎయిర్ ఫిల్టర్లను ఎప్పటికప్పుడు క్లీన్ చేయండి 
ఏసీ మెయింటెనెన్స్‌లో అన్నిటికంటే ముఖ్యమైనది ఎయిర్ ఫిల్టర్లను శుభ్రం చేయడం. వర్షాకాలంలో గాలిలో తేమ వల్ల ఫిల్టర్లపై దుమ్ము, ధూళి త్వరగా పేరుకుపోయి గట్టిగా మారుతుంది. ఫిల్టర్లు మురికిగా ఉంటే ఏసీ గదిని చల్లబరచడానికి చాలా ఎక్కువ సమయం తీసుకుంటుంది. దీనివల్ల కంప్రెషర్‌పై లోడ్ పడి ఏసీ ఎక్కువసేపు నడవాల్సి వస్తుంది. ఫలితంగా నెలాఖరులో కరెంట్ బిల్లు ఊహించని రేంజ్‌లో వస్తుంది. అందుకే వారానికి ఒకసారైనా ఏసీ ఫిల్టర్లను తీసి నీటితో శుభ్రం చేసుకోవడం చాలా మంచిది.

OnePlus : బడ్జెట్ ఫోన్లలోనూ 185Hz డిస్‌ప్లే టెక్నాలజీ.. సరికొత్త ప్లాన్‌తో వస్తున్న వన్‌ప్లస్

డ్రై మోడ్ మ్యాజిక్ 
చాలామంది వర్షాకాలంలో కూడా ఏసీని ఎప్పటిలాగే కూల్ మోడ్‎లోనే నడుపుతుంటారు. దీనివల్ల గదిలోని తేమను తగ్గించడం కోసం ఏసీ గదిని అవసరానికంటే ఎక్కువగా చల్లబరుస్తుంది. దీనివల్ల చలి ఎక్కువై ఇబ్బంది పడటమే కాకుండా విద్యుత్ వినియోగం కూడా విపరీతంగా పెరుగుతుంది. దీనికి బదులుగా ఏసీ రిమోట్‌లో ఉండే డ్రై మోడ్‎ను ఆన్ చేయాలి. ఈ రోజుల్లో వచ్చే దాదాపు అన్ని కొత్త ఏసీలలో ఈ ఫీచర్ ఉంటోంది. ఇది గది ఉష్ణోగ్రతను తగ్గించడం కంటే గాలిలో ఉన్న అదనపు తేమను  పీల్చేయడంపైనే ఎక్కువగా ఫోకస్ చేస్తుంది. ఈ మోడ్‌లో కంప్రెషర్ నిరంతరాయంగా నడవకుండా మధ్యమధ్యలో ఆగుతూ, స్టార్ట్ అవుతూ ఉంటుంది. కాబట్టి కూలింగ్ మోడ్‌తో పోలిస్తే డ్రై మోడ్‌లో కరెంట్ బిల్లు చాలా తక్కువగా వస్తుంది.

అవుట్‌డోర్ యూనిట్ రక్షణ 
ఇంటి లోపల ఉండే ఏసీ యూనిట్ ఎంత ముఖ్యమో, బయట ఉండే అవుట్‌డోర్ యూనిట్ కూడా అంతే ముఖ్యం. వర్షాకాలంలో అవుట్‌డోర్ యూనిట్ నుంచి నీరు బయటకు వెళ్లే డ్రైనేజీ లైన్ సక్రమంగా ఉందో లేదో చూసుకోవాలి. వర్షానికి రాలిన తడి ఆకులు లేదా చెత్త పేరుకుపోయి డ్రైన్ పైపులు బ్లాక్ అయితే, నీరు లోపలే నిలిచిపోతుంది. అవుట్‌డోర్ యూనిట్ చుట్టుపక్కల నీరు నిల్వ ఉంటే, అందులోని ఎలక్ట్రికల్ విభాగాలు తుప్పు పట్టి షార్ట్ సర్క్యూట్ అయ్యే ప్రమాదం ఉంది. ఇది ఏసీ మొత్తం జీవితకాలాన్ని తగ్గించేస్తుంది. కాబట్టి అవుట్‌డోర్ యూనిట్ పరిసరాలను ఎల్లప్పుడూ పొడిగా, శుభ్రంగా ఉంచుకోవాలి.