Ugreen 100W Mini Ice GaN Charger : క్రెడిట్ కార్డ్ సైజులో 100W సూపర్ ఛార్జర్.. చూస్తే మైండ్ బ్లాంక్ అవ్వాల్సిందే

Ugreen 100W Mini Ice GaN Charger : ప్రముఖ ఆక్సెసరీల తయారీ సంస్థ యుగ్రీన్ మార్కెట్‌లోకి ఒక సరికొత్త, అత్యంత ఉపయోగకరమైన ఆల్ట్రా స్లిమ్ ఛార్జర్‌ను ప్రవేశపెట్టింది. కంపెనీ దీనికి యుగ్రీన్ 100W మిని ఐస్ GaN ఛార్జర్ అని నామకరణం చేసింది. సాధారణ ఛార్జర్లతో పోలిస్తే ఇది అత్యంత యూజర్ ఫ్రెండ్లీగా, ఫ్లాట్‌గా, ఎక్కడికైనా సులభంగా తీసుకెళ్లే విధంగా పోర్టబుల్‌గా రూపుదిద్దుకుంది. ఈ ఒక్క ఛార్జర్‌తోనే ల్యాప్‌టాప్‌లు, స్మార్ట్‌ఫోన్లు, ఇయర్ బడ్స్ వంటి పలు రకాల డివైజ్‌లను వేగంగా ఛార్జ్ చేసుకోవచ్చు.

ఆకట్టుకునే ధర, అందుబాటు వివరాలు
ధర విషయానికి వస్తే యుగ్రీన్ 100W మిని ఐస్ GaN ఛార్జర్‌ను కంపెనీ ప్రస్తుతం తన స్వదేశీ మార్కెట్ అయిన చైనాలో విడుదల చేసింది. అక్కడ దీని ధరను 189 యువాన్లుగా నిర్ణయించారు. మన భారతీయ కరెన్సీలో ఇది సుమారు రూ.2,500 వరకు ఉంటుంది. చైనాలోని కంపెనీ అధికారిక వెబ్‌సైట్ ద్వారా వినియోగదారులు దీనిని కొనుగోలు చేయవచ్చు. త్వరలోనే ఇది ఇతర అంతర్జాతీయ మార్కెట్లలోకి కూడా అందుబాటులోకి వచ్చే అవకాశం ఉందని భావిస్తున్నారు.

క్రెడిట్ కార్డ్ సైజు డిజైన్, పోర్టబిలిటీ
ఈ ఛార్జర్  ప్రధాన ప్రత్యేకత దాని క్రెడిట్ కార్డ్ తరహా ఫ్లాట్ స్లిమ్ డిజైన్. దీని కొలతలు 90.2 x 55.6 x 18.2 మిమీగా ఉన్నాయి. బరువు కేవలం 178 గ్రాములు మాత్రమే. ఇందులో ఫోల్డబుల్ ప్రొంగ్స్ (పిన్స్) ఇచ్చారు. దీనివల్ల ఛార్జర్‌ను జేబులో లేదా ల్యాప్‌టాప్ బ్యాగ్ స్లీవ్‌లో వేసుకున్నా పిన్స్ బట్టలకు నిలబడవు, అలాగే బ్యాగ్‌లోని ఇతర గ్యాడ్జెట్లపై గీతలు పడకుండా ఉంటాయి. అత్యంత తేలికగా ఉండటం వల్ల ప్రయాణాల్లో ఇది అద్భుతంగా ఉపయోగపడుతుంది.

Crypto : దేశంలో క్రిప్టో కరెన్సీపై మళ్లీ మొదలైన చర్చ.. నిబంధనలు లేవు కానీ.. టాక్స్ రూల్స్ మాత్రం పక్కా

త్రీ-ఇన్-వన్ పోర్టులు, ఛార్జింగ్ స్పీడ్
ఈ ఛార్జర్‌లో ఒకేసారి మూడు డివైజ్‌లను ఛార్జ్ చేసేలా మొత్తం 3 పోర్టులను అందించారు. ఇందులో రెండు టైప్-సి పోర్టులు, ఒక టైప్-ఎ పోర్ట్ ఉన్నాయి. రెండు USB-C పోర్టులు కూడా గరిష్టంగా 100W వరకు పవర్ డెలివరీని ఇస్తాయి. ఇది ల్యాప్‌టాప్‌లను కూడా సులభంగా ఛార్జ్ చేయగలదు. కంపెనీ క్లెయిమ్ ప్రకారం 2022 మోడల్ మ్యాక్‌బుక్ ఎయిర్‌ను కేవలం 30 నిమిషాల్లో 53% వరకు ఛార్జ్ చేయగలదు. ఇక USB-A పోర్ట్ 22.5W అవుట్‌పుట్‌ను ఇస్తుంది, ఇది స్మార్ట్‌వాచ్‌లు, కెమెరాలు, ఇయర్‌బడ్స్ లేదా పాత కేబుల్స్ ఉన్న ఇతర పరికరాలను ఛార్జ్ చేయడానికి ఉపయోగపడుతుంది.

అధునాతన సేఫ్టీ, ఫాస్ట్ ఛార్జింగ్ ప్రోటోకాల్స్
ఛార్జింగ్ సమయంలో వేడెక్కకుండా నిరోధించడానికి ఇందులో అధునాతన థర్మల్ మానిటరింగ్ సిస్టమ్‌ను ఏర్పాటు చేశారు. ఈ సిస్టమ్ ఛార్జర్ ఉష్ణోగ్రతను నిరంతరం పర్యవేక్షిస్తూ, ఓవర్ హీటింగ్ కాకుండా పవర్ డెలివరీని ఆటోమేటిక్‌గా అడ్జస్ట్ చేస్తుంది. దీనికి తోడు షార్ట్-సర్క్యూట్, ఓవర్ వోల్టేజ్, ఓవర్ కరెంట్ రక్షణలు కూడా ఉన్నాయి. వేగవంతమైన ఛార్జింగ్ కోసం ఇది PD 3.0, PPS, QC 3.0, AFC, FCP వంటి అనేక పాపులర్ ఫాస్ట్ ఛార్జింగ్ ప్రోటోకాల్స్‌కు సపోర్ట్ చేస్తుంది.