Lava Agni 3 Specifications

Lava కంపెనీ నుండి వ‌స్తోన్న‌ Agni సిరీస్ సరసమైన ధరల‌తో అత్యుత్తమైన‌ ఫీచర్లు, స్పెసిఫికేషన్‌లను అందిస్తోన్న విష‌యం తెలిసిందే. ఈ సిరీస్ మంచి పనితీరు, సెగ్మెంట్-లీడింగ్ ఫీచర్‌లను అందించడం ద్వారా టెక్ ఔత్సాహికులతోపాటు మొబైల్ ప్రియుల‌ను ఆక‌ర్షిస్తోంది. ఈ సిరీస్ కొన‌సాగింపుగా Lava Agni 3 స్మార్ట్‌ఫోన్‌ను దేశీయ మార్కెట్‌లోకి అక్టోబర్ 04న తీసుకువ‌చ్చేందుకు కంపెనీ స‌న్న‌ద్ధ‌మైంది. Lava ఇంటర్నేషనల్ ప్రొడక్ట్ హెడ్ సుమిత్ సింగ్.. గాడ్జెట్స్ 360తో ప్రత్యేకమైన ఇంటరాక్షన్ సందర్భంగా Lava Agni 3 అధికారిక లాంచ్‌కు ముందు కొన్ని కీలక ఫీచర్లు, స్పెసిఫికేషన్‌లను వెల్ల‌డించారు

అక్టోబర్ మొదటి వారంలో దేశీయ మార్కెట్‌లోకి Lava Agni 3 5G అడుగుపెట్ట‌నున్న‌ట్లు X (గతంలో ట్విట్టర్) వేదిక‌గా కంపెనీ ప్ర‌క‌టించింది. ఇప్ప‌టికే ఈ 5G ఫోన్‌కు సంబంధించిన డిజైన్, కెమెరా వివరాలను అధికారిక టీజ‌ర్లు వెల్లడిస్తున్నాయి. గ‌త సంవ‌త్స‌రం విడుద‌లైన Lava Agni 2 5G మాదిరిగానే ఈ కొత్త మోడ‌ల్ కూడా ఫీచ‌ర్స్‌ను క‌లిగి ఉంటుంద‌ని అంచ‌నా వేస్తున్నారు. Lava నుంచి రాబోయే Agni 3 స్మార్ట్‌ఫోన్ 50-మెగాపిక్సెల్ వెనుక కెమెరా సెటప్‌తో ఆక‌ర్ష‌ణీయ‌మైన‌ రెండు రంగుల‌లో రానుంది. ఇది అమెజాన్ ద్వారా విక్రయించబడుతుందని కంపెనీ ధృవీకరించింది