Poco M7 5g Specifications

భార‌త్‌ మొబైల్ మార్కెట్‌లోకి Poco M7 Pro 5G, Poco C75 5G హ్యాండ్‌సెట్‌లు డిసెంబర్ 17న లాంచ్ కాబోతున్నాయి. ఈ Xiaomi సబ్-బ్రాండ్ రాబోయే స్మార్ట్ ఫోన్‌ల‌ కెమెరా, డిస్‌ప్లే సామర్థ్యాలతోపాటు అనేక కీల‌క‌ స్పెసిఫికేషన్‌లను వెల్ల‌డించింది. ఈ Poco M7 Pro 5G హ్యాండ్‌సెట్ సోనీ సెన్సార్‌తో 50-మెగాపిక్సెల్ ప్రైమరీ కెమెరాతో రానున్న‌ట్లు స్ప‌ష్టం చేసింది. అలాగే, Poco C75 5G ఫోన్‌ కంపెనీ C సిరీస్‌లో Xiaomi హైపర్‌ఓఎస్‌లో రన్ అవుతోన్న‌ మొదటి ఫోన్‌గా గుర్తింపు పొందుతోంది

మరికొన్ని వారాల్లోనే Poco M7 Pro 5G, Poco C75 5G ఫోన్‌లు భార‌త్‌లో విడుద‌ల‌కు సిద్ధంగా ఉన్నాయి. తాజాగా Poco సైతం ఈ కొత్త హ్యాండ్‌సెట్‌ల లాంచ్ తేదీని ధృవీకరించడంతోపాటు కొన్ని ముఖ్యమైన స్పెసిఫికేష‌న్స్‌ను వెల్ల‌డించింది. అంతేకాదు, Poco C-సిరీస్ స్మార్ట్‌ఫోన్‌ సోనీ కెమెరాతో వస్తుందంటూ టీజ్ చేసింది. అంతేకాదు, AMOLED డిస్‌ప్లేను Poco M7 Pro 5G హ్యాండ్‌సెట్‌కు అందించారు. ఈ రెండు ఫోన్‌లు కూడా ఫ్లిప్‌కార్ట్‌లో అందుబాటులో ఉండ‌నున్నాయి. అండ‌ర్ ది హుడ్‌ స్నాప్‌డ్రాగన్ 4s Gen 2 ప్రాసెస‌ర్‌తో Poco C75 5G వ‌చ్చేలా కనిపిస్తోంది. Poco C75 5G సోనీ సెన్సార్‌తో దేశంలోనే అత్యంత సరసమైన 5G ఫోన్‌గా గుర్తింపు పొందనుంది.