Redmi Note 14 Pro Plus

ఇండియ‌న్ మొబైల్ మార్కెట్‌లో Redmi Note 14 5G డిసెంబర్ 9న Redmi Note 14 Pro+, Redmi Note 14 Proతో పాటు లాంచ్ కానుంది. ఈ లైనప్ చైనాలో సెప్టెంబరులో దుమ్ము, నీటి నియంత్ర‌ణ‌ కోసం IP68 రేటింగ్‌తో విడుద‌లైంది. ఇండియ‌న్ వేరియంట్ స్మార్ట్‌ఫోన్‌లు చైనీస్ కౌంటర్‌పార్ట్‌లను పోలి ఉండే అవ‌కాశం ఉన్న‌ట్లు మార్కెట్ వ‌ర్గాలు భావిస్తున్నాయి. అలాగే, ఇండియాలో లాంచ్‌కు ముందు అమెజాన్ బేస్ Redmi Note 14 5G స్మార్ట్ ఫోన్‌ లభ్యతతోపాటు కీలకమైన‌ ఫీచర్స్‌, కలర్ ఆప్షన్‌లను వెల్ల‌డించింది

చైనాలో లాంచ్ అయిన దాదాపు మూడు నెల‌ల త‌ర్వాత‌ Redmi Note 14 సిరీస్ భార‌తీయ మొబైల్ మార్కెట్‌లోకి అడుగుపెడుతోంది. రానున్న డిసెంబర్ 9న ఇది దేశీయ మార్కెట్‌లో విడుద‌ల కానుంది. ఈ స్మార్ట్‌ఫోన్ లైనప్ బేస్, ప్రో, ప్రో+ వేరియంట్‌తో మూడు మోడళ్లల‌లో రానున్న‌ట్లు మార్కెట్ వ‌ర్గాలు అంచ‌నా వేస్తున్నాయి. అయితే, ఈ విడుదల‌కు ముందు Xiaomi ఇండియా టాప్-ఆఫ్-ది-లైన్ Redmi Note 14 ప్రో+ మోడ‌ల్‌కు చెందిన కీల‌క‌ స్పెసిఫికేషన్‌లను బ‌హిర్గ‌తం చేసింది. ఇది చైనీస్ వేరియంట్‌ను పోలిన ఒంపు ఉన్న AMOLED స్క్రీన్, 50-మెగాపిక్సెల్ కెమెరా వంటి స్పెసిఫికేష‌న్స్‌ల‌ను చూపిస్తోంది. మ‌రెందుకు ఆల‌స్యం.. Redmi Note 14 ప్రో+ ప్ర‌త్యేక‌త‌ల‌ను తెలుసుకుందామా

భార‌త మొబైల్ మార్కెట్‌లోకి Xiaomi వచ్చే నెలలో Redmi Note 14 5G సిరీస్‌ను విడుదల చేయనున్నట్లు వెల్ల‌డించింది. ఇందుకు సంబంధించి కంపెనీ తన సోషల్ మీడియా ఛానెల్‌లో అధికారికంగా ప్ర‌క‌ట‌న విడుద‌ల చేసింది. ఇప్ప‌టికే జనవరిలో లాంచ‌యిన‌ నోట్ 13 సిరీస్‌కు ఇది కొన‌సాగింపుగా రానుంది. ఇందులో బేస్, ప్రో, ప్రో+ వేరియంట్‌ల‌లో మూడు మోడల్‌లను కలిగి ఉండవచ్చని మార్కెట్ వ‌ర్గాలు అంచ‌నా వేస్తున్నాయి. Xiaomi సబ్-బ్రాండ్ ఇప్పటికే సెప్టెంబరులో చైనాలో తాజా నోట్ 14 సిరీస్‌ను ప్రారంభించింది. భారత్‌తో సహా ఈ ఫోన్‌లను అదే త‌ర‌హాలో గ్లోబల్ లాంచ్ చేయ‌నున్న‌ట్లు భావిస్తున్నారు.