Amazon Great Summer Sale 2026 : అమెజాన్ సమ్మర్ సేల్ షురూ.. గెలాక్సీ S25 అల్ట్రా, ఐప్యాడ్లపై భారీ తగ్గింపు

Amazon Great Summer Sale 2026 : వేసవి తాపాన్ని తగ్గించేలా అమెజాన్ అదిరిపోయే వార్త చెప్పింది. ప్రతిష్టాత్మక గ్రేట్ సమ్మర్ సేల్ 2026ను ప్రారంభించింది. ప్రస్తుతం ఈ సేల్ అమెజాన్ ప్రైమ్ సభ్యులకు మాత్రమే అందుబాటులో ఉంది. స్మార్ట్‌ఫోన్లు, ల్యాప్‌టాప్‌లు, స్మార్ట్ టీవీలు, ఇతర ఎలక్ట్రానిక్ వస్తువులపై కళ్లు చెదిరే ఆఫర్లను అమెజాన్ ప్రకటించింది. కేవలం ధరల తగ్గింపు మాత్రమే కాకుండా, హెచ్‌డిఎఫ్‌సి బ్యాంక్ కార్డులు వాడే వారికి అదనంగా 10 శాతం ఇన్‌స్టంట్ డిస్కౌంట్ (గరిష్టంగా రూ.9,500 వరకు) లభిస్తోంది.

శాంసంగ్ గెలాక్సీ S25 అల్ట్రాపై కళ్లు చెదిరే డీల్ 
ప్రీమియం స్మార్ట్‌ఫోన్ ప్రియులు ఎంతగానో ఎదురుచూస్తున్న శాంసంగ్ గెలాక్సీ S25 అల్ట్రా 5G ధర ఈ సేల్‌లో భారీగా తగ్గింది. రూ.1,29,999 విలువైన ఈ ఫోన్ ఇప్పుడు రూ.99,999 లకే లభిస్తోంది. అంతేకాకుండా, పాత ఫోన్ ఎక్స్ఛేంజ్ చేయడం ద్వారా రూ.70,000 వరకు అదనపు డిస్కౌంట్ పొందే అవకాశం ఉంది. అదనంగా రూ.2,000 కూపన్ డిస్కౌంట్ కూడా ఉంది. అంటే ఆండ్రాయిడ్ కింగ్‌ను సొంతం చేసుకోవడానికి ఇదే సరైన సమయం.

బడ్జెట్ ఫోన్లు, ఐప్యాడ్‌ల హవా..
తక్కువ బడ్జెట్‌లో మంచి ఫోన్ కోసం చూస్తున్న వారికి రెడ్‌మీ A7 ప్రో 5G ఒక మంచి ఆప్షన్. రూ.15,999 విలువైన ఈ ఫోన్ ఇప్పుడు కేవలం రూ.11,999లకే అందుబాటులో ఉంది. ఇందులో 6,300mAh భారీ బ్యాటరీ ఉండటం విశేషం. ఇక ఆపిల్ ప్రియుల కోసం 11-అంగుళాల ఐప్యాడ్ (A16 చిప్) రూ.32,900 ధర వద్ద లభిస్తోంది. పాత వస్తువులను ఎక్స్ఛేంజ్ చేయడం ద్వారా ఈ ధరను మరింత తగ్గించుకోవచ్చు.

ల్యాప్‌టాప్‌లు, స్మార్ట్ టీవీలపై విందు..
విద్యార్థులు, ఆఫీస్ పనుల కోసం ల్యాప్‌టాప్ కొనాలనుకునే వారికి అసూస్ వివోబుక్ 15 రూ.59,990 కే దొరుకుతోంది. ఇది 13వ జనరేషన్ ఇంటెల్ కోర్ i5 ప్రాసెసర్ మరియు 16GB రామ్‌తో వస్తుంది. అటు వినోదం కోసం ఎదురుచూసే వారికి శాంసంగ్ 43-అంగుళాల క్రిస్టల్ UHD 4K విజన్ AI స్మార్ట్ టీవీపై రూ.2,000 ఫ్లాట్ డిస్కౌంట్ లభిస్తోంది. క్రెడిట్ కార్డు ఆఫర్లు కలిపితే దీనిని రూ. 28,990 కి సొంతం చేసుకోవచ్చు.