Xiaomi Smart Camera C401 Launched: చిన్న మూలపైనా డేగ కన్ను వేస్తుంది.. మోడరన్ సెక్యూరిటీ కెమెరాను తెచ్చిన షియోమీ!

Xiaomi Smart Camera C401 Launched: ప్రస్తుత రోజుల్లో ఇళ్లు, ఆఫీసుల భద్రత అనేది ప్రతి ఒక్కరికీ అత్యంత కీలకంగా మారింది. దీనిని దృష్టిలో ఉంచుకుని ప్రముఖ చైనీస్ టెక్ బ్రాండ్  షియోమీ అంతర్జాతీయ మార్కెట్లో తన సరికొత్త అడ్వాన్స్‌డ్ హోమ్ సెక్యూరిటీ కెమెరాను పరిచయం చేసింది.  షియోమీ స్మార్ట్ కెమెరా C401 పేరుతో విడుదలైన ఈ డివైజ్.. నిఘా వ్యవస్థలో సరికొత్త బెంచ్‌మార్క్ సెట్ చేయడానికి రెడీ అయింది. మోడ్రన్ ఏఐ ఫీచర్లు, అద్భుతమైన వీడియో క్వాలిటీతో కూడిన ఈ సెక్యూరిటీ కెమెరా ప్రస్తుతం కంపెనీ గ్లోబల్ వెబ్‌సైట్‌లో లిస్ట్ చేయబడింది.

పాత మోడల్ C400కు అదిరిపోయే సక్సెసర్..

ఈ సరికొత్త స్మార్ట్ కెమెరా C401 అనేది గతంలో మార్కెట్లో సూపర్ హిట్ అయిన పాపులర్  స్మార్ట్ కెమెరా C400కు అప్‌గ్రేడెడ్ సక్సెసర్‌గా వస్తోంది. పాత మోడల్‌తో పోలిస్తే ఇందులో డిజైన్ పరంగా, ఫీచర్ల పరంగా చాలా మెరుగైన అప్‌డేట్స్ ఇచ్చారు. ఈ కెమెరాను రన్ చేయడానికి నిరంతర వైర్డ్ పవర్ కనెక్షన్ అవసరమవుతుంది. సేఫ్టీ విషయంలో ఎక్కడా రాజీ పడకుండా, ఇంటి లోపల జరిగే ప్రతి చిన్న విషయాన్ని కూడా ఎప్పటికప్పుడు రికార్డ్ చేసేలా షియోమీ దీనిని మోడరన్ టెక్నాలజీతో రూపుదిద్దింది.

2K క్వాలిటీతో క్రిస్టల్ క్లియర్ రికార్డింగ్..

ఈ కెమెరాలో ఉన్న అతిపెద్ద ప్లస్ పాయింట్ దీని 2K వీడియో రికార్డింగ్ సామర్థ్యం. సాధారణ కెమెరాల లాగా కాకుండా, ఇది ఏకంగా 2560 x 1440 పిక్సెల్స్ హై-రెజల్యూషన్‌తో క్రిస్టల్ క్లియర్ ఫుటేజ్‌ను రికార్డ్ చేస్తుంది. దీనివల్ల రికార్డ్ అయిన వీడియోను జూమ్ చేసినా కూడా ముఖాలు లేదా వస్తువులు బ్లర్ అవ్వకుండా చాలా స్పష్టంగా కనిపిస్తాయి. దీనితో పాటు ప్రయాణాల్లో ఉన్నప్పుడు లేదా బయట ఉన్నప్పుడు ఇంటి దగ్గర ఉన్నవారితో మాట్లాడటానికి వీలుగా ఇందులో బిల్ట్-ఇన్ మైక్రోఫోన్, టూ వే కమ్యూనికేషన్ సపోర్ట్ చేసే పవర్‌ఫుల్ స్పీకర్‌ను కూడా అమర్చారు.

రూమ్ మొత్తం ఒకే కెమెరాతో కవర్..

ఈ స్మార్ట్ కెమెరాలో అద్భుతమైన పాన్ అండ్ టిల్ట్ కవరేజ్ సదుపాయం ఉంది. ఇది 360 డిగ్రీల హారిజాంటల్ రొటేషన్, 101 డిగ్రీల వర్టికల్ టిల్ట్ ఫీచర్‌ను సపోర్ట్ చేస్తుంది. దీనివల్ల మనం ఎలాంటి మ్యాన్యువల్ అడ్జస్ట్‌మెంట్లు చేయకుండానే, రూమ్‌లోని ప్రతి మూలను ఒకే చోటు నుంచి క్లియర్ గా క్యాప్చర్ చేయవచ్చు. రికార్డ్ అయిన ఫుటేజ్ స్టోరేజ్ కోసం షియోమీ కస్టమర్లకు మూడు రకాల ఆప్షన్లు ఇచ్చింది. వినియోగదారులు తమ డేటాను మైక్రోఎస్‌డీ  కార్డ్, క్లౌడ్ స్టోరేజ్ లేదా నెట్‌వర్క్ అటాచ్డ్ స్టోరేజ్ లలో సేవ్ చేసుకోవచ్చు. నెట్‌వర్క్ కనెక్టివిటీ వేగంగా ఉండటానికి ఇది 2.4 GHz, 5 GHz డుయల్ బ్యాండ్ వై-ఫైని సపోర్ట్ చేస్తుంది.

మనిషి కదలికలను ఆటోమేటిక్‌గా ట్రాక్ చేసే స్మార్ట్ AI..

టెక్నాలజీ పరంగా ఈ కెమెరా చాలా తెలివైంది. ఇందులో అమర్చిన స్మార్ట్ ఏఐ ఫీచర్ల సహాయంతో రూమ్‌లోకి ఎవరైనా మనుషులు వస్తే వారి కదలికలను ఇది సొంతంగానే గుర్తిస్తుంది. కేవలం గుర్తించడమే కాకుండా, వారు ఎటువైపు వెళ్తే అటువైపు కెమెరా ఆటోమేటిక్‌గా రొటేట్ అవుతూ వారిని లైవ్‌గా ట్రాక్ చేస్తుంది. అదే సమయంలో ఏదైనా అపరిచిత కదలిక కనిపిస్తే కస్టమర్ కనెక్టెడ్ స్మార్ట్‌ఫోన్‌కు వెంటనే అలర్ట్ నోటిఫికేషన్ మెసేజ్ పంపిస్తుంది. దీనివల్ల ఇంట్లో దొంగతనాలు లేదా అనవసర సంఘటనలు జరగకుండా ముందే జాగ్రత్త పడవచ్చు.

Electric Bike : ఈవీ మార్కెట్లోకి స్టైలిష్ ఎలక్ట్రిక్ బైక్.. ఒక్కసారి చార్జ్ చేస్తే 100 కిలోమీటర్ల మైలేజ్

గాజు ముక్కలు పగిలినా, పిల్లలు ఏడ్చినా కనిపెట్టేస్తుంది..

షియోమీ స్మార్ట్ కెమెరా C401 లో కదలికలనే కాకుండా శబ్దాలను కూడా పసిగట్టే ప్రత్యేక వినికిడి టెక్నాలజీ ఉంది. ఇంట్లో చిన్న పిల్లలు ఎవరైనా గట్టిగా ఏడ్చినా, ఎవరైనా గట్టిగా కేకలు వేసినా లేదా భయాందోళనతో అరిచినా ఈ కెమెరా వెంటనే అలర్ట్ అవుతుంది. అంతేకాకుండా కిటికీ అద్దాలు లేదా గాజు సామాన్లు పగిలిపోయే  ప్రమాదకర శబ్దాలను కూడా ఇది వెంటనే పసిగట్టి యజమానికి సమాచారం అందిస్తుంది. చిన్న పిల్లలు ఉన్న వర్కింగ్ పేరెంట్స్ కు లేదా వృద్ధులు ఒంటరిగా ఉండే ఇళ్లకు ఈ ఫీచర్ ఒక అద్భుతమైన రక్షణ కవచం లాంటిది.

ధర ఎంత ఉండబోతోంది..?

ఫీచర్లు అన్నింటినీ అధికారికంగా వెల్లడించిన షియోమీ.. ఈ కెమెరా ధరను మాత్రం ప్రస్తుతానికి గుప్తంగా ఉంచింది. గ్లోబల్ వెబ్‌సైట్‌లో ప్రొడక్ట్ లిస్ట్ అయినప్పటికీ ప్రైసింగ్ వివరాలను ఇంకా అప్‌డేట్ చేయలేదు. అయితే షియోమీ నుంచి వచ్చే మిగతా సెక్యూరిటీ డివైజ్‌ల తరహాలోనే ఇది కూడా కస్టమర్ల బడ్జెట్‌కు అందుబాటులో ఉండే రీజనబుల్ ధరలోనే లాంచ్ అయ్యే అవకాశం ఉందని మార్కెట్ నిపుణులు అంచనా వేస్తున్నారు. రాబోయే కొద్ది రోజుల్లోనే దీని ధర, అమ్మకాల తేదీల వివరాలు వెల్లడి కానున్నాయి.