SVC63 : సల్మాన్ ఖాన్ రెమ్యూనరేషన్‌పై అసత్య ప్రచారాలు.. క్లారిటీ ఇచ్చిన SVC63 నిర్మాతలు

SVC63 : బాలీవుడ్ సూపర్‌స్టార్ సల్మాన్ ఖాన్, టాలీవుడ్ దర్శకుడు వంశీ పైడిపల్లి కాంబినేషన్‌లో వస్తున్న భారీ యాక్షన్ మూవీ SVC63 పై గత కొన్ని రోజులుగా సోషల్ మీడియాలో రకరకాల వార్తలు చక్కర్లు కొడుతున్నాయి. ముఖ్యంగా ఈ సినిమా కోసం సల్మాన్ ఖాన్ తీసుకుంటున్న రెమ్యూనరేషన్ పై పెద్ద ఎత్తున ఊహాగానాలు రాగా, దీనిపై శ్రీ వెంకటేశ్వర క్రియేషన్స్ నిర్మాతలు స్పందించారు. నెట్టింట వస్తున్న ఈ నివేదికలు పూర్తిగా అబద్ధమని, నిరాధారమైనవని స్పష్టం చేశారు. అనవసరమైన రూమర్లకు సమాధానం ఇవ్వడం కంటే, ప్రేక్షకులకు గొప్ప సినిమాటిక్ ఎక్స్‌పీరియన్స్ అందించడమే తమ ప్రాధాన్యత అని నిర్మాతలు తెలిపారు.

ఆగస్ట్ 6 నుంచి ముంబైలో భారీ షూటింగ్ షెడ్యూల్ 
అనుమానాలకు, రూమర్లకు చెక్ పెడుతూ ఆగస్ట్ 6, 2026 నుంచి ముంబైలో ఈ సినిమా కొత్త షెడ్యూల్ ప్రారంభం కానుంది. ఈ షెడ్యూల్‌లో సల్మాన్ ఖాన్ పాల్గొనబోతున్నారు. ఈ ప్రతిష్టాత్మక చిత్రానికి వంశీ పైడిపల్లి దర్శకత్వం వహిస్తుండగా, శ్రీ వెంకటేశ్వర క్రియేషన్స్ (SVC) పతాకంపై దిల్ రాజు నిర్మిస్తున్నారు. ఈ షెడ్యూల్ సినిమా కథలో, యాక్షన్ సన్నివేశాలలో చాలా కీలక పాత్ర పోషించనుంది.

Redmi K100 Pro Max : ఏకంగా 9000mAh బ్యాటరీ, 200MP కెమెరాతో రాబోతున్న రెడ్‌మీ K100 ప్రొ మ్యాక్స్

6 వారాల పాటు భారీ యాక్షన్ సీన్స్  
ముంబైలో జరగనున్న ఈ లేటెస్ట్ షెడ్యూల్ దాదాపు ఆరు వారాల పాటు నాన్‌స్టాప్‌గా సాగనుంది. ఇందులో భాగంగా అత్యంత అంబిషియస్ స్కేల్‌లో మూడు భారీ యాక్షన్ సీక్వెన్సులను చిత్రీకరించడానికి యాక్షన్ టీమ్ ఏర్పాట్లు చేసింది. సెప్టెంబర్ వరకు షూటింగ్ కొనసాగించి, అక్టోబర్ నాటికి మెయిన్ యాక్షన్ పార్ట్‌ను పూర్తి చేయాలని చిత్రబృందం యోచిస్తోంది. 2027 ఈద్ పండుగ కానుకగా ఈ చిత్రాన్ని థియేటర్లలోకి తీసుకురావడానికి పక్కా ప్రణాళికతో ముందడుగు వేస్తున్నారు.

హైదరాబాద్ నుంచి ముంబైకి మారిన ప్లాన్ 
ఈ షూటింగ్ ప్రణాళికల గురించి చిత్ర యూనిట్ వర్గాలు కొన్ని ఆసక్తికర విషయాలు వెల్లడించాయి. "నిర్మాతలు మొదట ఈ షెడ్యూల్‌ను హైదరాబాద్‌లో నిర్వహించాలని భావించారు, కానీ తర్వాత ముంబైకి మార్చారు. ఈ షెడ్యూల్ పూర్తిగా వందలాది మంది జూనియర్ ఆర్టిస్టులతో కూడిన క్రౌడ్ సీన్లపై ఆధారపడి ఉంటుంది. ఇందులో జనం కదలికలు సల్మాన్ ఖాన్ చేసే స్టంట్స్‌తో సమానంగా కీలక పాత్ర పోషిస్తాయి" అని ఆ వర్గాలు పేర్కొన్నాయి. అంతేకాకుండా ఈ కీలకమైన ముంబై షెడ్యూల్‌లో కథానాయిక నయనతార కూడా జాయిన్ కానుండటంతో సినిమాపై అంచనాలు మరింత పెరిగాయి.