Download 10th, 12th Marksheet online: టెన్త్, ఇంటర్ మార్క్‌షీట్లు పోయాయని టెన్షన్ పడుతున్నారా? ఈజీగా ఫోన్ లో డౌన్లోడ్ చేసుకోండి

Download 10th, 12th Marksheet Online: విద్యార్థుల జీవితంలో 10వ తరగతి, 12వ తరగతి మార్కుల జాబితా అనేది అత్యంత విలువైన పత్రం. ఎక్కడ ఏ చిన్న ఉద్యోగానికి దరఖాస్తు చేయాలన్నా, లేదా ఉన్నత చదువులకు కాలేజీల్లో చేరాలన్నా ఈ సర్టిఫికేట్లు ఖచ్చితంగా చూపించాల్సిందే. అయితే కొన్నిసార్లు ఇవి ఎక్కడో ఒకచోట పోవడం లేదా చిరిగిపోవడం జరుగుతుంది. గతంలో అయితే కొత్త కాపీ కోసం బోర్డు ఆఫీసుల చుట్టూ రోజుల తరబడి తిరగాల్సి వచ్చేది. కానీ ఇప్పుడు డిజిటల్ ఇండియా పుణ్యమా అని, కేంద్ర ప్రభుత్వం తీసుకొచ్చిన UMANG యాప్ ద్వారా మీ మొబైల్‎లోనే ఒరిజినల్ డిజిటల్ సర్టిఫికేట్‌ను నిమిషాల్లో పొందవచ్చు.

సర్టిఫికేట్ డౌన్లోడ్ చేయడానికి ఏమేం కావాలి?

మీ ఫోన్ లో ఉమంగ్ యాప్ ద్వారా మార్క్‌షీట్ డౌన్లోడ్ చేసుకోవడానికి మీ దగ్గర కొన్ని ప్రాథమిక వివరాలు సిద్ధంగా ఉండాలి. మొదటగా ఉమంగ్ యాప్ లో రిజిస్టర్ చేసుకోవడానికి మీ యాక్టివ్ మొబైల్ నెంబర్ అవసరం. దాంతో పాటు మీ DigiLocker అకౌంట్ వివరాలు ఉండాలి (ఒకవేళ లేకపోతే అక్కడికక్కడే కొత్తది క్రియేట్ చేసుకోవచ్చు). వీటన్నింటికంటే ముఖ్యంగా మీ బోర్డు పరీక్షకు సంబంధించిన రోల్ నెంబర్, పరీక్ష రాసిన సంవత్సరం తెలుసుకోవాలి. కొన్ని బోర్డుల నిబంధనల ప్రకారం స్కూల్ నెంబర్ లేదా అడ్మిట్ కార్డ్ ఐడీ కూడా అడిగే అవకాశం ఉంది.

ఉమంగ్ యాప్ లో డౌన్లోడ్ చేసుకునే స్టెప్ బై స్టెప్ ప్రాసెస్..

* స్టెప్ 1: మొదట మీ స్మార్ట్‌ఫోన్ లో UMANG యాప్‌ను ఓపెన్ చేసి లాగిన్ అవ్వండి. కొత్త వినియోగదారులు అయితే మీ మొబైల్ నెంబర్, ఓటీపీ సాయంతో అకౌంట్ క్రియేట్ చేసుకోండి.

* స్టెప్ 2: యాప్ హోమ్ స్క్రీన్ పై కనిపించే సెర్చ్ బాక్స్ లో DigiLocker లేదా CBSE (లేదా మీ విద్యా బోర్డు పేరు) అని టైప్ చేసి సెర్చ్ చేయండి.

* స్టెప్ 3: ఇప్పుడు అక్కడ కనిపించే డిజిలాకర్ సర్వీస్ పై క్లిక్ చేసి, మీ అకౌంట్ ను ఉమంగ్ యాప్ తో లింక్ చేయండి.

* స్టెప్ 4: ఆ తర్వాత యాప్ లోని Education విభాగానికి వెళ్లి, మీ మార్క్‌షీట్ లేదా పాస్ సర్టిఫికేట్‌కు సంబంధించిన ఆప్షన్ ను ఎంచుకోండి.

* స్టెప్ 5: ఇప్పుడు స్క్రీన్ పై అడిగిన విధంగా మీ పరీక్ష రోల్ నెంబర్, ఎగ్జామ్ రాసిన సంవత్సరం, స్కూల్ ఐడీ వంటి వివరాలను తప్పులు లేకుండా ఎంటర్ చేయండి.

* స్టెప్ 6: మీరు ఇచ్చిన వివరాలన్నీ ప్రభుత్వ రికార్డులతో మ్యాచ్ అయిన తర్వాత మీ డిజిటల్ మార్క్‌షీట్ స్క్రీన్ పై ప్రత్యక్షమవుతుంది.

* స్టెప్ 7: చివరగా దాన్ని పీడీఎఫ్ ఫార్మాట్ లో మీ ఫోన్ లోకి డౌన్లోడ్ చేసుకోవచ్చు లేదా భవిష్యత్తు అవసరాల కోసం డిజిలాకర్ లోనే భద్రంగా సేవ్ చేసి ఉంచుకోవచ్చు.

Redmi Turbo 5 :165Hz రీఫ్రెష్ రేట్, 9000mAh బ్యాటరీ.. భారత మార్కెట్లోకి రెడ్‌మీ టర్బో 5 గ్రాండ్ ఎంట్రీ

ఏ ఏ బోర్డుల సర్టిఫికేట్లు అందుబాటులో ఉంటాయి?

డిజిలాకర్,  ఉమంగ్ ప్లాట్‌ఫారమ్‌ల ద్వారా దేశంలోని అతిపెద్ద విద్యా బోర్డు అయిన సీబీఎస్‌ఈతో పాటు అనేక రాష్ట్రాల విద్యా బోర్డులు తమ విద్యార్థుల డిజిటల్ మార్క్‌షీట్లను ఆన్‌లైన్ లో అందుబాటులో ఉంచాయి. అయితే, మీరు చదువుకున్న స్టేట్ బోర్డు లేదా కౌన్సిల్ ఈ డిజిటల్ సేవలతో అనుసంధానమై ఉందో లేదో యాప్ లోని లిస్ట్‌ను చూసి తెలుసుకోవచ్చు. ప్రస్తుతం మెజారిటీ బోర్డులు ఈ డిజిటల్ విధానాన్ని అమలు చేస్తున్నాయి.

ఈ డిజిటల్ మార్క్‌షీట్ చట్టపరంగా చెల్లుతుందా?

చాలా మంది మనస్సులో ఉండే ఒకే ఒక్క అనుమానం ఏంటంటే.. ఇలా ఆన్‌లైన్ లో డౌన్లోడ్ చేసిన సర్టిఫికేట్లను కంపెనీలు లేదా ప్రభుత్వ ఆఫీసులు అంగీకరిస్తాయా లేదా అని. ఐటీ చట్టం ప్రకారం డిజిలాకర్ లేదా ఉమంగ్ యాప్ ద్వారా జారీ చేయబడిన డిజిటల్ పత్రాలు, సర్టిఫికేట్లకు ప్రభుత్వం అధికారిక గుర్తింపు ఇచ్చింది. వీటిని అన్ని రకాల ప్రభుత్వ ఉద్యోగాల వెరిఫికేషన్లు, పాస్‌పోర్ట్ సేవల, విద్యాసంస్థల అడ్మిషన్లలో ఒరిజినల్స్ తో సమానంగా అంగీకరిస్తారు. అయితే ఒకవేళ మీకు ఫిజికల్ హార్డ్ కాపీనే ఖచ్చితంగా కావాలనుకుంటే మాత్రం, మీ పాత స్కూల్ లేదా సంబంధిత బోర్డు ఆఫీసును సంప్రదించి దరఖాస్తు చేసుకోవాల్సి ఉంటుంది.