WhatsApp : మీ వాళ్లకు తెలియకుండా లొకేషన్ ట్రాక్ చేయడం సాధ్యమేనా? వాట్సాప్, ఇన్‌స్టాగ్రామ్ రూల్స్ ఇవే

WhatsApp : మన స్నేహితులు, కుటుంబ సభ్యులు లేదా మనకు కావలసిన వారు ఎక్కడ ఉన్నారో తెలుసుకోవాలని చాలా మంది అనుకుంటూ ఉంటారు. ఇందుకోసం ఎలాంటి దొంగ దారులు వెతకాల్సిన అవసరం లేకుండా, మనం ప్రతిరోజూ వాడే వాట్సాప్, ఇన్‌స్టాగ్రామ్‎లలోనే అఫీషియల్ ఫీచర్లు అందుబాటులో ఉన్నాయి. అయితే ఇక్కడ గుర్తుంచుకోవాల్సిన అతి ముఖ్యమైన విషయం ఏంటంటే.. అవతలి వ్యక్తి తన ప్రమేయం లేకుండా, తన స్వహస్తాలతో లొకేషన్ షేర్ చేస్తేనే మనం వారిని ట్రాక్ చేయగలం. వారి అనుమతి లేకుండా రహస్యంగా లైవ్ లొకేషన్ చూడటం ఈ యాప్స్‌లో అస్సలు సాధ్యం కాదు. ప్రైవసీకి భంగం కలగకుండా వాట్సాప్‌లో లైవ్ లొకేషన్ ఫీచర్, ఇన్‌స్టాగ్రామ్‌లో డీఎమ్ లొకేషన్ షేరింగ్ ఆప్షన్లు ఎలా పనిచేస్తాయో చూద్దాం.

వాట్సాప్‌లో లైవ్ లొకేషన్ ఎలా షేర్ చేయాలి? 
మీరు ఎక్కడికైనా వెళ్తున్నప్పుడు లేదా మీ ప్రస్తుత లొకేషన్‌ను మీ ఫ్రెండ్స్‌కు వాట్సాప్ ద్వారా పంపాలనుకుంటే ఈ క్రింది సింపుల్ స్టెప్స్ ఫాలో అవ్వండి. మొదట మీ మొబైల్‌లో వాట్సాప్ ఓపెన్ చేసి, మీరు ఎవరికైతే లొకేషన్ పంపాలనుకుంటున్నారో వారి వ్యక్తిగత చాట్ లేదా గ్రూప్ చాట్‌ను ఓపెన్ చేయాలి. ఆ తర్వాత కింద మెసేజ్ టైప్ చేసే చోట ఉండే అటాచ్‌మెంట్ (పేపర్ క్లిప్ లాంటి) ఐకాన్‌పై ట్యాప్ చేయాలి. అక్కడ మీకు కనిపించే ఆప్షన్లలో  లొకేషన్‎ను సెలెక్ట్ చేసుకోవాలి. ఆ వెంటనే స్క్రీన్‌పై  షేర్ లైవ్ లొకేషన్ అనే ఆప్షన్ కనిపిస్తుంది, దానిపై క్లిక్ చేయాలి.

సమయం సెట్ చేసుకునే వెసులుబాటు..  
 షేర్ లైవ్ లొకేషన్ పై క్లిక్ చేసిన తర్వాత, మీ లొకేషన్ అవతలి వారికి ఎంత సమయం పాటు కనిపించాలో మీరే నిర్ణయించుకోవచ్చు. ఇందుకోసం వాట్సాప్ మనకు 15 నిమిషాలు, 1 గంట లేదా 8 గంటల సమయ పరిమితిని ఆప్షన్లుగా ఇస్తుంది. మీ అవసరాన్ని బట్టి ఒక సమయాన్ని ఎంచుకుని, కింద ఏమైనా మెసేజ్ రాయాలనుకుంటే రాసి  సెండ్ బటన్ నొక్కాలి. దీనివల్ల అవతలి వ్యక్తి మీరు సెట్ చేసిన సమయం ముగిసే వరకు మీరు ఎక్కడెక్కడికి వెళ్తున్నారో లైవ్‌లో మ్యాప్ ద్వారా చూస్తూ ఉండవచ్చు. ఒకవేళ మీరు అనుకున్న సమయం కంటే ముందే లొకేషన్ షేరింగ్‌ను ఆపేయాలనుకుంటే.. చాట్‌లో ఉండే స్టాప్ షేరింగ్ బటన్‌పై ట్యాప్ చేస్తే లొకేషన్ ట్రాకింగ్ వెంటనే క్లోజ్ అయిపోతుంది.

ఇన్‌స్టాగ్రామ్ డైరెక్ట్ మెసేజ్‎లో లొకేషన్ షేర్ చేయడం ఎలా?
ఇన్‌స్టాగ్రామ్ కూడా తన వినియోగదారుల కోసం డైరెక్ట్ మెసేజెస్‎లో లైవ్ లొకేషన్ షేరింగ్ ఫీచర్‌ను అందుబాటులోకి తెచ్చింది. దీని ద్వారా చాటింగ్‌లోనే మీ ఫ్రెండ్స్‌కు లొకేషన్ పంపవచ్చు. దీనికోసం ముందుగా ఇన్‌స్టాగ్రామ్ యాప్ ఓపెన్ చేసి, కుడివైపు పైన ఉండే డీఎమ్ (ఇన్‌బాక్స్) సెక్షన్‌కు వెళ్లాలి. మీరు లొకేషన్ షేర్ చేయాలనుకుంటున్న వ్యక్తి లేదా గ్రూప్ చాట్‌ను ఓపెన్ చేయాలి. అక్కడ కింద కనిపించే ప్లస్ (+) ఐకాన్ లేదా చాట్ ఆప్షన్లలో లొకేషన్ ఆప్షన్‌ను ఎంచుకోవాలి. ఆ తర్వాత  షేర్ లైవ్ లొకేషన్ పై ట్యాప్ చేసి కన్ఫర్మ్ చేస్తే సరిపోతుంది.

Xiaomi : టెక్ మార్కెట్లోకి షావోమి నయా వైర్‌లెస్ మౌస్.. క్లిక్ చేసినా అస్సలు శబ్దం రాదు

డిఫాల్ట్‌గా లొకేషన్ ఆఫ్‌లోనే ఉంటుంది 
ఇన్‌స్టాగ్రామ్‌లో కూడా ఈ లైవ్ లొకేషన్ ఫీచర్ నిర్దిష్ట సమయం వరకు మాత్రమే పనిచేస్తుంది. అలాగే ఆ చాట్ రూమ్‌లో ఉన్న సభ్యులు మాత్రమే ఆ లొకేషన్‌ను చూడగలరు. ఈ ఫీచర్ యాప్‌లో ఎప్పుడూ డిఫాల్ట్‌గా ఆఫ్‌లోనే ఉంటుంది. అంటే మీ అనుమతి లేకుండా లేదా మీరు పొరపాటున క్లిక్ చేయకుండా ఇన్‌స్టాగ్రామ్ మీ లొకేషన్‌ను ఎవరికీ షేర్ చేయదు. కాబట్టి దీనివల్ల మీ వ్యక్తిగత సమాచారానికి ఎలాంటి భద్రతా సమస్యలు తలెత్తవు.

గుర్తుంచుకోవాల్సిన ముఖ్యమైన జాగ్రత్తలు 
ఈ లొకేషన్ షేరింగ్ ఫీచర్లను ఉపయోగించేటప్పుడు కొన్ని విషయాలను కచ్చితంగా గుర్తుంచుకోవాలి. మొదటిది, అవతలి వ్యక్తి అనుమతి లేకుండా లేదా వారు స్వయంగా లొకేషన్ పంపకుండా మనం ఎవరి అడ్రస్‌ను కనిపెట్టలేము. మీ లొకేషన్ ట్రాకింగ్‌ను మీరు ఎప్పుడైనా, ఏ క్షణంలోనైనా స్వయంగా బంద్ చేసే పూర్తి నియంత్రణ మీ చేతుల్లోనే ఉంటుంది. మీరు ఎంచుకున్న నిర్దిష్ట వ్యక్తి లేదా గ్రూప్‌కు మాత్రమే ఈ లొకేషన్ వెళ్తుంది. ఏవైనా పబ్లిక్ ప్రొఫైల్స్ ఉన్నవారి లొకేషన్‌ను లేదా అపరిచిత వ్యక్తుల లొకేషన్‌ను ఈ అఫీషియల్ ఫీచర్ల ద్వారా తెలుసుకోవడం అస్సలు కుదరదు. కాబట్టి ప్రైవసీ పరంగా ఈ రెండు ఫీచర్లు చాలా సురక్షితమైనవిగా గుర్తింపు పొందాయి.