OnePlus : మార్కెట్లోకి వన్‌ప్లస్ టర్బో సిరీస్.. ఒకేసారి రెండు అదిరిపోయే స్మార్ట్‌ఫోన్లు

OnePlus : ప్రముఖ గ్లోబల్ స్మార్ట్‌ఫోన్ల తయారీ సంస్థ వన్‌ప్లస్ టెక్ ప్రియులకు అదిరిపోయే గుడ్ న్యూస్ చెప్పింది. చైనా మార్కెట్లో జూన్ 10, 2026న మధ్యాహ్నం 14:30 గంటలకు సరికొత్త వన్‌ప్లస్ టర్బో 6X సిరీస్‌ను అధికారికంగా లాంచ్ చేసింది. ఈ సిరీస్ కింద వన్‌ప్లస్ టర్బో 6X, వన్‌ప్లస్ టర్బో 6X ప్రో అనే రెండు పవర్‌ఫుల్ స్మార్ట్‌ఫోన్లను మార్కెట్లోకి తీసుకొచ్చారు. కంపెనీ తన అఫీషియల్ వెబ్‌సైట్‌లో ఒక ప్రత్యేక మైక్రోసైట్‌ను లైవ్ చేయడం ద్వారా ఈ ఫోన్ల ప్రీ-బుకింగ్స్ సౌకర్యాన్ని కూడా కల్పించింది.

లాంచ్‌కు ముందే లీకైన సీక్రెట్స్
ఈ స్మార్ట్‌ఫోన్లు అధికారికంగా మార్కెట్లోకి విడుదల కావడానికి కొద్ది రోజుల ముందే ప్రముఖ టిప్‌స్టర్ అభిషేక్ యాదవ్ సోషల్ మీడియా వేదికగా ఈ సిరీస్ పూర్తి స్పెసిఫికేషన్లను లీక్ చేసి సంచలనం సృష్టించారు. వన్‌ప్లస్ టర్బో సిరీస్‌లోని రెండు మోడళ్లలో ఎలాంటి డిస్‌ప్లే, ప్రాసెసర్, కెమెరా, బ్యాటరీలను ఉపయోగించారనే పూర్తి వివరాలను ఆయన ఎక్స్ వేదికగా పంచుకున్నారు. నిపుణుల అంచనాల ప్రకారం ఈ ఫోన్లు హెవీ పర్ఫార్మెన్స్ ఇచ్చేలా డిజైన్ చేయబడ్డాయి.

వన్‌ప్లస్ టర్బో 6X ప్రో అదిరిపోయే ఫీచర్లు
ఈ సిరీస్‌లో టాప్ ఎండ్ మోడల్‌గా వచ్చిన వన్‌ప్లస్ టర్బో 6X ప్రో ఫీచర్లు చాలా ప్రీమియంగా ఉన్నాయి. ఇందులో 144Hz రిఫ్రెష్ రేట్‌తో కూడిన 1.5K శాంసంగ్ అమోలెడ్  డిస్‌ప్లేను అందించారు. దీనివల్ల వీడియోలు, గేమింగ్ ఎక్స్ పీరియన్స్ చాలా స్మూత్‌గా ఉంటుంది. పవర్‌ఫుల్ పర్ఫార్మెన్స్ కోసం ఇందులో మీడియాటెక్ డైమెన్సిటీ 7400 సూపర్ చిప్‌సెట్‌ను ఉపయోగించారు. అన్నింటికంటే ముఖ్యంగా ఈ ఫోన్ లేటెస్ట్ ఆండ్రాయిడ్ 16 ఆపరేటింగ్ సిస్టమ్‌ ఆధారంగా పనిచేస్తుంది.

ప్రో మోడల్ కెమెరా 
ఫోటోగ్రఫీ విషయానికి వస్తే, టర్బో 6X ప్రో వెనుక భాగంలో డ్యూయల్ కెమెరా సెటప్ ఉంది. ఇందులో 50 మెగాపిక్సెల్ ప్రైమరీ కెమెరాతో పాటు 8 మెగాపిక్సెల్ సెకండరీ కెమెరాను అమర్చారు. అలాగే సెల్ఫీలు, వీడియో కాల్స్ కోసం ముందు భాగంలో 16 మెగాపిక్సెల్ కెమెరా లభిస్తుంది. ఈ ఫోన్ ప్రధాన హైలైట్ దీని బ్యాటరీ కెపాసిటీ. ఇందులో ఏకంగా 8,000mAh భారీ బ్యాటరీని ఇచ్చారు. సెక్యూరిటీ కోసం ఆప్టికల్ ఇన్-డిస్‌ప్లే ఫింగర్‌ప్రింట్ సెన్సార్ ఉంది. నీరు, ధూళి నుంచి ఫోన్‌కు గరిష్ట రక్షణ కల్పించేందుకు IP68/IP69/IP69K రేటింగ్‌ను ఇచ్చారు. ఈ ఫోన్ మందం 8.8 మిమీ, బరువు 213 గ్రాములు ఉంటుంది.

Cuktech CP25 Power Bank : ఇన్‌బిల్ట్ కేబుల్స్, స్మార్ట్ ఎల్‌సీడీ డిస్‌ప్లే.. కుక్‌టెక్ CP25 పవర్ బ్యాంక్ ప్రత్యేకతలివే

బడ్జెట్ ఫ్రెండ్లీ వన్‌ప్లస్ టర్బో 6X
ఇక ఈ సిరీస్‌లో వస్తున్న బేస్ మోడల్ వన్‌ప్లస్ టర్బో 6X విషయానికి వస్తే.. ఇందులో 144Hz రిఫ్రెష్ రేట్ కలిగిన IPS LCD డిస్‌ప్లేను అందించారు. ఈ ఫోన్ మీడియాటెక్ డైమెన్సిటీ 7360 సూపర్ ప్రాసెసర్‌తో రన్ అవుతుంది. ప్రో మోడల్ లాగే ఇది కూడా సరికొత్త ఆండ్రాయిడ్ 16 ఆపరేటింగ్ సిస్టమ్‌పైనే పనిచేస్తుంది. బడ్జెట్ పరిధిలో వన్‌ప్లస్ బ్రాండ్ నుంచి సరికొత్త ఎక్స్‌పీరియన్స్ కోరుకునే వారికి ఈ ఫోన్ ఒక మంచి ఆప్షన్ కానుంది.

టర్బో 6X కెమెరా, ఛార్జింగ్ వివరాలు
వన్‌ప్లస్ టర్బో 6X మోడల్ వెనుక వైపు 50 మెగాపిక్సెల్ ప్రధాన కెమెరాతో పాటు 2 మెగాపిక్సెల్ సెకండరీ కెమెరాను ఇచ్చారు. సెల్ఫీల కోసం 8 మెగాపిక్సెల్ ఫ్రంట్ కెమెరా అందుబాటులో ఉంటుంది. బ్యాటరీ పరంగా ఇందులో 7,000mAh కెపాసిటీ గల బ్యాటరీ ఉంది, ఇది 45W ఫాస్ట్ ఛార్జింగ్‌ను సపోర్ట్ చేస్తుంది. భద్రత కోసం దీనికి సైడ్-మౌంటెడ్ ఫింగర్‌ప్రింట్ సెన్సార్‌ను అమర్చారు. ఈ ఫోన్ మందం 8.55 మిమీ, బరువు 208 గ్రాములు ఉంటుంది. ఇది నీరు, ధూళి నుంచి రక్షణ కోసం IP64 రేటింగ్‌తో వస్తోంది. చైనాలో విడుదలైన ఈ సిరీస్ త్వరలోనే భారత మార్కెట్లోకి కూడా వచ్చే అవకాశాలు ఉన్నాయి.