Oppo Reno 13 Series Launch

త్వ‌ర‌లోనే Oppo Reno 13 సిరీస్ చైనాలో లాంచ్ చేసేందుకు కంపెనీ స‌న్నాహాలు చేస్తోంది. అక్క‌డి దేశీయ మార్కెట్‌లో ఈ లైనప్ లాంచ్‌ తేదీని కంపెనీ ప్ర‌క‌టించింది. స్మార్ట్‌ఫోన్‌కు సంబంధించిన‌ డిజైన్, RAM, స్టోరేజ్ కాన్ఫిగరేషన్‌లతోపాటు సింగిల్ కలర్‌వేని కూడా వెల్ల‌డించింది. ఈ సిరీస్ బేస్ మోడల్, ప్రో వేరియంట్‌ను కలిగి ఉంటుందని మార్కెట్ వ‌ర్గాలు భావిస్తున్నాయి. ఈ సిరీస్ ఇప్ప‌టికే విజ‌య‌వంతంగా విడుద‌లైన Oppo Reno 12, Reno 12 Pro స్మార్ట్ ఫోన్‌ల కంటే అప్‌డేటెడ్‌గా వ‌స్తోంది. అలాగే, రాబోయే హ్యాండ్‌సెట్‌లలో ఒకటి బెంచ్‌మార్కింగ్ వెబ్‌సైట్‌లో దాని చిప్‌సెట్‌తో స‌హా ప్ర‌త్య‌క్ష‌మ‌య్యింది. ఈ లైనప్ గ్లోబల్ లాంచ్ టైమ్‌లైన్ కూడా టిప్‌స్టర్ ద్వారా లీక్ అయ్యింది.