Zee5

థియేట‌ర్‌ల‌లో విడుద‌లై మంచి విజ‌యాన్ని అందుకున్న‌ సంక్రాంతికి వస్తున్నాం సినిమా డిజిటల్ రిలీజ్ అయ్యేందుకు సిద్ధ‌మ‌వుతోంది. అనిల్ రావిపూడి దర్శకత్వం వహించి, దిల్ రాజు నిర్మించిన ఈ సినిమాలో దగ్గుబాటి వెంకటేష్ ప్రధాన పాత్రలో నటించారు. బాక్సాఫీస్ వద్ద కానుల వ‌ర్షం కురిపించిన‌ ఈ సినిమా మార్చి 1, 2025న Zee5లో ప్ర‌చారం కానుంది. జనవరి 14, 2025న సంక్రాంతి స్పెషల్‌గా థియేటర్లలో విడుదలై మంచి ఆదాయాన్ని తెచ్చి పెట్టింది. తాజాగా, స్ట్రీమింగ్ ప్లాట్‌ఫామ్‌లోనూ పెద్ద సంఖ్యలో ప్రేక్షకులను సినిమాను ఆద‌రిస్తార‌ని భావిస్తున్నారు.

భారతీ ఎయిర్‌టెల్ స్ట్రీమింగ్ ప్లాట్‌ఫామ్ Zee5తో భాగ‌స్వామ్యం తీసుకున్న‌ట్లు వెల్ల‌డించింది. భారతదేశంలో ఎయిర్‌టెల్ Wi-Fi ప్లాన్‌ల‌లో రూ. 699 లేదా అంత‌కంటే ఎక్కువ మొత్తం తీసుకున్న‌ చందాదారులంద‌రూ Zee5 కంటెంట్‌ ఉచిత యాక్సెస్‌ను పొందవ‌చ్చు. ఈ OTT ప్లాట్‌ఫారమ్ 1.5 లక్షల గంటల కంటే ఎక్కువ కంటెంట్‌ను అందిస్తున్నట్లు ప్ర‌క‌టించింది. ఉదాహ‌ర‌ణ‌కు రిలయన్స్ జియో పోస్ట్‌పెయిడ్ Wi-Fi ప్లాన్ వినియోగదారులకు ఉచిత Zee5 సబ్‌స్క్రిప్షన్ రూ. 599గా ఉంది. ఎయిర్‌టెల్ బ్రాడ్‌బ్యాండ్ వినియోగదారులు ప్ర‌క‌టించిన‌ ప్లాన్‌పై ఇప్ప‌టికే డిస్నీ+ హాట్‌స్టార్, నెట్‌ఫ్లిక్స్‌తోపాటు మ‌రెన్నో స్ట్రీమింగ్ వెబ్‌సైట్‌లకు యాక్సెస్ కలిగి ఉన్నారు