iPhone 17 Price Hiked: 17 ఐఫోన్ కొనాలనుకునే వారికి ఆపిల్ ఊహించని షాక్.. ఒకేసారి 11 శాతం పెరిగిన ధరలు!

Apple Hikes iPhone 17 Prices by up to 11%: గ్లోబల్ ఆపిల్ ప్రియులకు దిమ్మతిరిగే వార్త వెలువడింది. మ్యాక్‌బుక్స్, ఐప్యాడ్‌ల ధరలను పెంచిన ఆపిల్, ఇప్పుడు జపాన్‌లో ఐఫోన్ల ధరలను కూడా భారీగా పెంచేసింది. ఐఫోన్ 16 సిరీస్‌తో పాటు సరికొత్త ఐఫోన్ 17, ఐఫోన్ ఏరియా, ఐఫోన్ 17 ప్రో, ప్రో మాక్స్ వరకు అన్ని రకాల ఐఫోన్ మోడళ్లపై ఈ ధరల పెంపు ప్రభావం పడింది. జపాన్‌లో పెరిగిన ధరల వల్ల రాబోయే ఐఫోన్ 18 ప్రో మోడళ్ల ధరలు కూడా భవిష్యత్తులో ఆకాశాన్ని తాకుతాయా అనే అనుమానాలు వ్యక్తమవుతున్నాయి.  

జపాన్‌లో షాకిచ్చిన ఆపిల్.. ఎంత పెరిగాయి..?

ఆపిల్ కంపెనీ జపాన్‌లో తమ ఐఫోన్‌ల ధరలను గరిష్టంగా 11.3% వరకు పెంచేసింది. జపనీస్ కరెన్సీ (యెన్) విలువ పడిపోవడం, విడిభాగాల వ్యయం పెరగడమే ఇందుకు కారణం.  

ఐఫోన్ 17: పాత ధర 1,29,800 యెన్ల నుంచి కొత్తగా 1,42,800 యెన్లకు (సుమారు రూ.84,600) పెరిగింది.  

ఐఫోన్ ఏర్: 1,59,800 యెన్ల నుంచి 1,77,800 యెన్లకు (సుమారు రూ.1,05,336) ఎగబాకింది.  

ఐఫోన్ 17 ప్రో: 1,79,800 యెన్ల నుంచి ఏకంగా 1,94,800 యెన్లకు (సుమారు రూ.1,15,400) పెరిగింది.  

ఐఫోన్ 17 ప్రో మాక్స్: 1,94,800 యెన్ల నుంచి 2,14,800 యెన్లకు (సుమారు రూ.1,27,000) చేరింది.  

ఎంట్రీ లెవెల్ మోడల్స్ ఐఫోన్ 17e ధర 1,07,800 యెన్లు (సుమారు రూ.63,865) కాగా, ఐఫోన్ 16 ధర 1,14,800 యెన్లకు (సుమారు రూ.68,012) పెరిగింది.  

Samsung Galaxy Unpacked Event: జూలై 22న శామ్‌సంగ్ గెలాక్సీ అన్‌ప్యాక్డ్ ఈవెంట్.. కొత్త ఫోల్డబుల్ ఫోన్లు సిద్ధం

భారత్‌లోనూ ఐఫోన్లు ప్రియం కానున్నాయా..?

గ్లోబల్‌గా మెమరీ చిప్‌ల కొరత, విడిభాగాల తయారీ వ్యయం గణనీయంగా పెరగడం వల్లనే ఈ ధరల భారాన్ని కస్టమర్లపై వేయక తప్పడం లేదని ఆపిల్ సీఈఓ టిమ్ కుక్ ముందే సూచించారు. ఈ ప్రభావంతో భారత్‌లోనూ ఇప్పటికే ఆపిల్ వన్, ఆపిల్ మ్యూజిక్ ప్లాన్‌ల ధరలను కంపెనీ సవరించింది. ప్రస్తుతం భారత్‌లో ఐఫోన్ల ధరల పెంపుపై ఆపిల్ ఎలాంటి అధికారిక ప్రకటన చేయనప్పటికీ, త్వరలోనే గ్లోబల్ మార్కెట్‌తో పాటు భారతదేశంలోనూ ఐఫోన్ల ధరలు పెరిగే అవకాశం ఉందనే ఊహాగానాలు గట్టిగా వినిపిస్తున్నాయి.