Mad For Each Other : క్లైమాక్స్‌కు చేరిన లవ్ రియాలిటీ షో.. విన్నర్స్ ఎవరో తెలిసింది భయ్యా!

 Mad For Each Other : తెలుగు బుల్లితెర హిస్టరీలోనే సరికొత్త ట్రెండ్‌ను సెట్ చేసిన రియాలిటీ షో మ్యాడ్ ఫర్ ఈచ్ అదర్ ప్రస్తుతం సోషల్ మీడియాలో, ప్రేక్షకులలో హాట్ టాపిక్‌గా మారింది. కేవలం గ్లామర్, గొడవలు మాత్రమే కాకుండా.. నిజమైన ప్రేమ, బంధాల వెనుక ఉండే ఎమోషన్స్‌ను చూపిస్తూ సాగిన ఈ లవ్ రియాలిటీ షో విజయవంతంగా ముగింపు దశకు చేరుకుంది. స్టార్ యాంకర్ శ్రీముఖి తనదైన హోస్టింగ్‌తో షోను నెక్స్ట్ లెవెల్‌కు తీసుకువెళ్లగా, పాపులర్ డైరెక్టర్ అనిల్ రావిపూడి ఈ సరికొత్త ఫార్మాట్‌ను రూపొందించి ప్రొడ్యూస్ చేయడం విశేషం.

ఈ సరికొత్త లవ్ అండ్ కాంపిటీషన్ షో మార్చి 15, 2026న అత్యంత గ్రాండ్‌గా ప్రారంభమైంది. ప్రముఖ ఓటీటీ ప్లాట్‌ఫామ్ జియోహాట్‌స్టార్‎తో పాటు ప్రముఖ వినోద ఛానల్ స్టార్ మాలోనూ ప్రసారమవుతూ బుల్లితెర ప్రేక్షకులను విపరీతంగా ఆకట్టుకుంది. ఐఎమ్‌డీబీలో ఈ షో ఏకంగా 10 కి 7.9 రేటింగ్ సాధించి, మిగతా సాధారణ షోల కంటే తానేంటో నిరూపించుకుంది. టెలివిజన్ రేటింగ్‌లలోనూ దూసుకుపోతూ భారీ రెస్పాన్స్ సొంతం చేసుకుంది.

ఈ షో కాన్సెప్ట్ విషయానికి వస్తే.. సమాజంలో మంచి గుర్తింపు ఉన్న 10 మంది సెలబ్రిటీ జంటలను ఒకే లగ్జరీ విల్లాలో దాదాపు 70 రోజుల పాటు ఉంచారు. ఒకే ఇంట్లో కలిసి ఉంటూ, రోజువారీ జీవితంలో ఎదురయ్యే ఒత్తిడిని, మానసిక సంఘర్షణలను వారు ఎలా తట్టుకుంటారు? అనే థీమ్‌తో ఈ షో సాగింది. నిరంతరం కెమెరాల నిఘాలో ఉంటూ వివిధ రకాల కఠినమైన టాస్కులు ఆడటం ద్వారా వారి మధ్య ఉన్న కమ్యూనికేషన్ స్కిల్స్, ఒకరిపై ఒకరికి ఉన్న నమ్మకం, ప్రేమ ఎంతవరకు నిజమైనదో ఈ షో ద్వారా పరీక్షించారు.
 

Xiaomi : మార్కెట్లోకి షియోమీ లగ్జరీ స్మార్ట్‌ఫోన్ల సిరీస్.. సరికొత్త డిజైన్, అదిరిపోయే కలర్స్‌తో ఎంట్రీ

ఈ షోలో ప్రముఖ దర్శకుడు అనిల్ రావిపూడితో పాటు సీనియర్ నటీమణులు రాధ, లయ జడ్జీలుగా వ్యవహరించి కపుల్స్‌కు విలువైన సలహాలు, మార్కులు ఇచ్చారు. కంటెస్టెంట్ల విషయానికి వస్తే జబర్దస్త్ ఫేమ్ నూకరాజు - ఆసియా, సుభాశ్రీ - అజయ్, అంజలి - సంతోష్, కళ్యాణ్ - వాసంతి వంటి పాపులర్ జోడీలు ఈ షోలో పాల్గొని సందడి చేశారు. ప్రతీ వారం సరికొత్త ట్విస్టులు, రూమ్ స్వాప్‌లు, ఎమోషనల్ బ్రేకప్‌లతో ఈ విల్లా కాస్తా ప్రేమ, గొడవల నిలయంగా మారింది.

70 రోజుల పాటు ఎంతో ఉత్కంఠభరితంగా సాగిన ఈ మ్యాడ్ ఫర్ ఈచ్ అదర్ షో ఇప్పుడు ముగింపుకు వచ్చింది. ఫినాలే ఎపిసోడ్ షూటింగ్ పూర్తయినట్లు ఇండస్ట్రీ వర్గాల సమాచారం. అందుతున్న లీకుల ప్రకారం.. ఈ ప్రతిష్టాత్మకమైన సీజన్ టైటిల్‌ను కళ్యాణ్ - వాసంతి జంట కైవసం చేసుకుని భారీ ప్రైజ్ మనీని గెలుచుకున్నట్లు తెలుస్తోంది. అలాగే మొదటి నుంచి స్ట్రాంగ్ కపుల్‌గా పేరు తెచ్చుకున్న నూకరాజు - ఆసియా జోడీ రన్నరప్‌గా నిలిచారు. ఈ లవ్ అండ్ డ్రామా షో మొత్తాన్ని మిస్ అవ్వకుండా చూడాలనుకునే వారు జియోహాట్‌స్టార్ యాప్‌లో ప్రసారమయ్యే ఎపిసోడ్లను వీక్షించవచ్చు.