JBL Vienna Speakers: మ్యూజిక్ ప్లే అవుతుంటే గాల్లో తేలాడే పాటల లిరిక్స్.. స్పీకర్ మార్కెట్లో సరికొత్త ట్రెండ్

JBL Vienna Speaker with Floating lyrics Display: ప్రముఖ ప్రముఖ ఆడియో పరికరాల తయారీ సంస్థ జేబీఎల్ మార్కెట్లోకి ఎంతో వినూత్నమైన స్మార్ట్ స్పీకర్‌ను విడుదల చేసింది. జేబీఎల్ వియన్నా పేరుతో తీసుకొచ్చిన ఈ స్పీకర్, కేవలం పాటలు వినడానికే కాకుండా ఒక హోమ్ డెకర్ ఆర్ట్‌లా కనిపించేలా డిజైన్ చేయబడింది. దీనికి అత్యంత ప్రత్యేకమైన  ఫ్లోటింగ్ లిరిక్స్ ఫీచర్‌ను కంపెనీ జోడించింది. అంటే మనం వింటున్న పాటలకు సంబంధించిన లిరిక్స్ ఈ స్పీకర్ డిస్‌ప్లే స్క్రీన్‌పై గాల్లో తేలుతున్నట్లుగా చాలా ఆకర్షణీయంగా కనిపిస్తాయి.

18.5 అంగుళాల భారీ టెంపర్డ్ గ్లాస్ డిస్‌ప్లే..

ఈ స్పీకర్ ప్రధాన ఆకర్షణ దీని ముందరి భాగంలో ఉండే భారీ 18.5 అంగుళాల డిస్‌ప్లే స్క్రీన్. ఈ స్క్రీన్‌ను చాలా సురక్షితంగా, పటిష్టంగా ఉంచేందుకు కంపెనీ అల్ట్రా వైట్, హై ట్రాన్స్‌పరెంట్ టెంపర్డ్ గ్లాస్‌ను ఉపయోగించింది. ఈ గ్లాస్ వల్ల డిస్‌ప్లేపై కనిపించే లైటింగ్, వెలుగు నీడల ప్రభావం చూసేవారికి లిరిక్స్ గాల్లో తేలుతున్న అద్భుతమైన విజువల్ అనుభూతిని కలిగిస్తాయి. యూజర్లు కోరుకుంటే ఈ స్క్రీన్‌ను కేవలం లిరిక్స్ కోసమే కాకుండా, తమ సొంత జ్ఞాపకాలను తెలిపే డిజిటల్ ఫోటో ఫ్రేమ్‌గా లేదా కస్టమైజ్డ్ క్లాక్ ఫేస్‌గా మార్చుకునే సౌలభ్యం కూడా అందుబాటులో ఉంది.

100W పవర్‌ఫుల్ సౌండ్ అవుట్‌పుట్..

సౌండ్ క్వాలిటీ విషయంలో జేబీఎల్ ఏ మాత్రం రాజీ పడలేదు. జేబీఎల్ వియన్నా స్పీకర్‌లో 2.1 ఛానెల్ స్టీరియో సిస్టమ్‌ను అందించారు. ఇందులో 3.23 అంగుళాల ఫుల్ రేంజ్ డ్రైవర్లు, 8.5 అంగుళాల రేస్‌ట్రాక్ ఆకారపు బేస్ డ్రైవర్లతో పాటు 5 అంగుళాల పాసివ్ రేడియేటర్లు అమర్చబడి ఉన్నాయి. ఇవన్నీ కలిసి మొత్తంగా 100W పీక్ సౌండ్ పవర్‌ను ఉత్పత్తి చేస్తాయి. దీని ద్వారా డీప్ బేస్, చాలా స్పష్టమైన వోకల్స్, వినసొంపైన విజువల్స్ లభిస్తాయని కంపెనీ హామీ ఇస్తోంది.

Honor Robot Phone : మార్కెట్లో హల్‌చల్ చేయనున్న హానర్ రొబోటిక్ ఫోన్.. చైనాలో ప్రీ-ఆర్డర్లు షురూ

బ్లూటూత్ 5.4 కనెక్టివిటీ, కస్టమైజ్డ్ ఫీచర్లు..

ఈ స్మార్ట్ స్పీకర్‌లో లేటెస్ట్ కనెక్టివిటీ ఆప్షన్లను ఇచ్చారు. ఇందులో వేగవంతమైన కనెక్షన్ కోసం బ్లూటూత్ 5.4 తో పాటు యూఎస్‌బీ టైప్-సి, ఆక్స్ (AUX) పోర్ట్‌ల సపోర్ట్ అందుబాటులో ఉంది. దీనిని ఇంట్లో ఉన్నప్పుడు ఒక వినూత్న గడియారంలా కూడా ఉపయోగించవచ్చు. ఇందులో డ్యూయల్ టైమ్‌జోన్ స్టాండ్‌బై డిస్‌ప్లే ఫీచర్ కూడా ఉంది.

ఇంటి డెకర్, కరోకే ప్రియులకు బెస్ట్ ఆప్షన్..

ప్రస్తుతానికి ఈ జేబీఎల్ వియన్నా స్పీకర్‌ను చైనా మార్కెట్‌లో విడుదల చేశారు. అక్కడ దీని అధికారిక ధర సుమారు 6,999 యువాన్లు (రూ.82,000 కు పైగా) గా నిర్ణయించారు. ప్రపంచవ్యాప్తంగా ఇతర దేశాలతో పాటు భారత మార్కెట్లోకి ఈ వినూత్న స్పీకర్ ఎప్పుడు అందుబాటులోకి వస్తుందనే సమాచారాన్ని కంపెనీ త్వరలోనే అధికారికంగా వెల్లడించే అవకాశం ఉంది. ఇళ్లలో ప్రత్యేకమైన ఆడియో ఎంటర్‌టైన్‌మెంట్ కోరుకునే వారికి ఇది సరైన ఛాయిస్‌గా మారనుంది.