Vivo X Fold 6 : స్మార్ట్‌ఫోన్ మార్కెట్లో వివో కొత్త సంచలనం.. జూన్ 26న వివో X ఫోల్డ్ 6 గ్రాండ్ లాంచ్

Vivo X Fold 6 : గ్లోబల్ స్మార్ట్‌ఫోన్ మార్కెట్లో ప్రీమియం ఫోల్డబుల్ విభాగంలో వివో కంపెనీ సరికొత్త రికార్డులను సృష్టించడానికి సిద్ధమైంది. తమ అప్ కమింగ్ బుక్-స్టైల్ ఫోల్డబుల్ స్మార్ట్‌ఫోన్ వివో X ఫోల్డ్ 6ను జూన్ 26న చైనా మార్కెట్లో అధికారికంగా విడుదల చేయనుంది. ఈ లాంచ్‌కు ముందే ప్రముఖ చైనీస్ టిప్‌స్టర్ లిటిల్ క్యూ ఈ ఫోన్‌కు సంబంధించిన స్టోరేజ్ వేరియంట్లు, ధరల వివరాలను లీక్ చేశారు. లగ్జరీ, ఫ్యూచరిస్టిక్ ఫీచర్లను ఇష్టపడే వారిని టార్గెట్ చేస్తూ వివో ఈ ఫోన్‌ను అత్యంత ప్రతిష్టాత్మకంగా తీసుకువస్తోంది.

లీకైన సమాచారం ప్రకారం ఈ ఫోల్డబుల్ స్మార్ట్‌ఫోన్ మొత్తం నాలుగు స్టోరేజ్ వేరియంట్లలో లభించనుంది. ఇందులో బేస్ వేరియంట్ 12GB రామ్ + 256GB స్టోరేజ్ ధర చైనా కరెన్సీలో CNY 9,999 (మన కరెన్సీలో సుమారు రూ.1,39,700)గా ఉండనుంది. అలాగే 12GB + 512GB మోడల్ ధర CNY 10,999 (సుమారు రూ.1,53,700) గా, 16GB + 512GB మోడల్ ధర CNY 11,499 (సుమారు రూ.1,60,500)గా,  టాప్-ఎండ్ వేరియంట్ అయిన 16GB రామ్ + 1TB భారీ స్టోరేజ్ మోడల్ ధర CNY 12,499 (సుమారు రూ.1,74,600)గా ఉండే అవకాశం ఉంది.

ఈ ఫోన్  అతిపెద్ద హైలైట్ దీని బ్యాటరీ కెపాసిటీ. వివో ఎగ్జిక్యూటివ్ హాన్ బాక్సియావో తెలిపిన వివరాల ప్రకారం.. ఈ ఫోల్డబుల్ కారులో ఏకంగా 7,000 mAh సామర్థ్యం గల  బ్లూ ఓషన్ బ్యాటరీని అమర్చారు. గత మోడల్ అయిన వివో X ఫోల్డ్ 5 లో 6,000 mAh బ్యాటరీ ఉండగా, ఈసారి దానికి భారీ అప్‌గ్రేడ్ ఇచ్చారు. హెవీ లోడ్ లేదా ఎక్కువ వాడుకలో ఉన్నప్పుడు కూడా ఈ బ్యాటరీ నిరంతరాయంగా 9.8 గంటల పాటు బ్యాకప్ ఇస్తుంది. అంతేకాకుండా, మైనస్ 20 డిగ్రీల సెల్సియస్ (-20°C) అత్యంత శీతల వాతావరణంలో కూడా ఈ బ్యాటరీ ఎటువంటి ఇబ్బంది లేకుండా పర్ఫెక్ట్‌గా పనిచేస్తుందని కంపెనీ స్పష్టం చేసింది.

Redmi 17C : రెడ్‌మి నుంచి సరికొత్త బడ్జెట్ ఫోన్.. చైనా మార్కెట్లో రెడ్‌మి 17C గ్రాండ్ లాంచ్

ఫోటోగ్రఫీని నెక్స్ట్ లెవెల్‌కు తీసుకువెళ్లేలా వివో ఇందులో f/1.68 అపెర్చర్, OIS (ఆప్టికల్ ఇమేజ్ స్టెబిలైజేషన్) సపోర్ట్‌తో కూడిన ఏకంగా 200 మెగాపిక్సెల్ ప్రైమరీ కెమెరాను అమర్చింది. దీనివల్ల ప్రొఫెషనల్ డీఎస్‌ఎల్‌ఆర్ రేంజ్ ఫోటోలను తీసుకోవచ్చు. డిస్‌ప్లే విషయానికి వస్తే ఇందులో 8.02 ఇంచుల భారీ ఫోల్డబుల్ స్క్రీన్‌ను అందించారు. ఎండలో కూడా స్క్రీన్ చాలా స్పష్టంగా కనిపించేలా ఏకంగా 5,000 నిట్స్ పీక్ బ్రైట్‌నెస్ లెవెల్‌ను ఇవ్వడం విశేషం. ఈ ఫోన్‌ను పట్టుకోవడానికి వీలుగా లైట్‌వెయిట్ హింజ్ (మడత పెట్టే జాయింట్),  రౌండెడ్ కార్నర్లతో కూడిన మెటల్ ఫ్రేమ్‌ను ఉపయోగించారు.

వివో X ఫోల్డ్ 6 లో మీడియాటెక్ సంస్థతో కలిసి ప్రత్యేకంగా డెవలప్ చేసిన  మీడియాటెక్ డైమెన్సిటీ 9500 సూపర్ ఎడిషన్ ప్రాసెసర్‌ను ఉపయోగించారు. ఈ మొబైల్ ప్లాట్‌ఫారమ్‌ను ఫోల్డబుల్ ఫోన్ల కోసం పర్ఫెక్ట్‌గా డిజైన్ చేయడానికి వివో, మీడియాటెక్ బృందాలు దాదాపు రెండేళ్ల పాటు కలిసి పనిచేశాయి. దీనివల్ల ఫోన్   ఏఐ ఎన్‌పీయూ (NPU) పర్ఫార్మెన్స్ భారీగా పెరిగింది. సాఫ్ట్‌వేర్ పరంగా ఇందులో అటామిక్ వర్క్‌బెంచ్ ఫీచర్‌ను ఇచ్చారు, దీని సహాయంతో సింగిల్ స్క్రీన్‌పైనే ఒకేసారి ఒకటి కంటే ఎక్కువ యాప్స్ ఓపెన్ చేసి మల్టీటాస్కింగ్ చేసుకోవచ్చు. ఈ ఫోన్ బ్లూ హోల్, పోలార్ నైట్, సాల్ట్ లేక్, బ్లాక్ గోల్డ్ వంటి నాలుగు రాయల్ కలర్స్ ఆప్షన్లలో లభించనుంది.