IRCTC : రైలు ప్రయాణికులకు అదిరిపోయే ట్రిక్.. మీ మొబైల్ లోనే ఖాళీ బర్త్‌ల వివరాలు

IRCTC : మన దేశంలో దూరప్రాంత ప్రయాణాలకు రైలు ప్రయాణాన్ని అత్యంత ఆదరణీయమైనదిగా, సౌకర్యవంతమైనదిగా భావిస్తారు. అయితే రైళ్లు పరిమితంగా ఉండటం, ప్రయాణించే వారి సంఖ్య ఎక్కువగా ఉండటం వల్ల రిజర్వేషన్ ఓపెన్ అయిన వెంటనే టికెట్లు బుక్ చేసుకోకపోతే కన్ఫర్మ్ సీటు దొరకడం చాలా కష్టం. ఇలాంటి సమయంలో చాలా మంది కస్టమర్లు వెయిటింగ్ లిస్ట్ టికెట్లతోనే ప్రయాణం చేయాల్సి వస్తుంది. ఒకవేళ మీరు కూడా వెయిటింగ్ టికెట్‌తో ప్రయాణిస్తూ, కూర్చోవడానికి లేదా పడుకోవడానికి సీటు దొరక్క ఇబ్బంది పడుతుంటే.. ఐఆర్‌సీటీసీ తీసుకొచ్చిన ఒక అద్భుతమైన ఫీచర్ మీ సమస్యను చిటికెలో తీర్చేస్తుంది.

టీటీఈల చుట్టూ తిరిగే తిప్పలు తప్పుతాయి
సాధారణంగా ట్రైన్ ఎక్కిన తర్వాత సీటు ఖాళీ ఉందో లేదో తెలుసుకోవడానికి ప్రయాణికులు టీటీఈ కోసం వెతకడం, ఆయన వెనుక తిరగడం చేస్తుంటారు. కానీ ఇకపై ఆ అవసరం లేదు. ప్రయాణికులు తమ మొబైల్ ద్వారా ఆన్‌లైన్‌లోనే నేరుగా ఐఆర్‌సీటీసీ అధికారిక వెబ్‌సైట్ లేదా యాప్‌ని ఉపయోగించి రైలులో ఏ కోచ్‌లో, ఏ సీటు ఖాళీగా ఉందో స్వయంగా చూసుకోవచ్చు. ఆ వివరాలను నోట్ చేసుకుని నేరుగా టీటీఈకి చూపిస్తే, ఆయన ఆ సీటును మీకు కేటాయిస్తారు. ఈ సింపుల్ ట్రిక్ ఎలా పని చేస్తుందో ఇప్పుడు వివరంగా తెలుసుకుందాం.

ఆన్‌లైన్‌లో ఖాళీ సీట్లను వెతికే సింపుల్ ప్రాసెస్
రైలులో ఖాళీ సీట్లను కనుగొనడానికి ముందుగా మీరు మీ మొబైల్ లో ఐఆర్‌సీటీసీ అధికారిక వెబ్‌సైట్ లేదా యాప్‌ను ఓపెన్ చేయాలి. హోమ్ పేజీ ఓపెన్ అవ్వగానే మీకు అక్కడ చార్ట్స్/వేకెన్సీ అనే ఒక ప్రత్యేకమైన ఆప్షన్ కనిపిస్తుంది, దానిపై క్లిక్ చేయాలి. ఆ తర్వాత ఓపెన్ అయ్యే కొత్త పేజీలో మీరు ప్రయాణిస్తున్న రైలు పేరు లేదా నంబర్ ఎంటర్ చేయాలి. దాంతో పాటు మీ ప్రయాణ తేదీ, మీరు ఏ స్టేషన్ నుంచి రైలు ఎక్కారో ఆ బోర్డింగ్ పాయింట్ వివరాలను నమోదు చేసి  గెట్ ట్రైన్ చార్ట్ పై క్లిక్ చేయాలి.

E85 Ethanol Fuel : ఢిల్లీలో మొట్టమొదటి E85 ఫ్యూయల్ స్టేషన్ ప్రారంభం.. లీటర్ పెట్రోల్‌పై ఏకంగా రూ.20 ఆదా

బోర్డింగ్ స్టేషన్ల వారీగా పూర్తి వివరాలు
మీరు డీటెయిల్స్ సబ్మిట్ చేయగానే ఆ రైలుకు సంబంధించిన అఫీషియల్ చార్ట్ మీ స్క్రీన్ మీద ప్రత్యక్షమవుతుంది. ఇందులో స్లీపర్ క్లాస్, థర్డ్ ఏసీ, సెకండ్ ఏసీ, ఫస్ట్ ఏసీ ఇలా అన్ని రకాల క్లాసుల వివరాలు విడివిడిగా కనిపిస్తాయి. మీరు ప్రయాణించే కోచ్ రకాన్ని సెలెక్ట్ చేసుకుంటే, ఆ కోచ్ నంబర్, ఖాళీగా ఉన్న సీటు నంబర్ల జాబితా స్పష్టంగా కనిపిస్తుంది. ఏ స్టేషన్ నుంచి ఏ స్టేషన్ వరకు ఆ సీటు ఖాళీగా ఉందో కూడా అక్కడ రాసి ఉంటుంది. మీకు నచ్చిన, సౌకర్యవంతంగా ఉన్న సీటు నంబర్‌ను, కోచ్ నంబర్‌ను గుర్తు పెట్టుకోవాలి లేదా ఒక పేపర్ మీద రాసుకోవాలి.

రైల్వే రూల్స్ ప్రకారం సీటు కేటాయింపు ఇలా
మీరు ఖాళీ సీటు వివరాలను సేకరించిన తర్వాత రైల్లో ఉండే టీటీఈని కలిసి ఆ సమాచారాన్ని అందించాలి. అవసరమైతే మీ ఫోన్ లో ఉన్న ఆన్‌లైన్ చార్ట్‌ను కూడా ఆయనకు చూపించవచ్చు. అయితే ఇక్కడ గుర్తుంచుకోవాల్సిన ముఖ్యమైన విషయం ఏంటంటే, ఈ సదుపాయం పూర్తిగా  మొదట వచ్చిన వారికి మొదటి ప్రాధాన్యత ప్రాతిపదికన మాత్రమే లభిస్తుంది. ఆ సీటు ఇంకా ఎవరికీ కేటాయించకపోతే, టీటీఈ చట్టబద్ధంగా ఆ సీటును మీ పేరు మీదకు మారుస్తారు.

నియమ నిబంధనల ప్రకారం రశీదు తప్పనిసరి
టీటీఈ ఆ ఖాళీ సీటును మీకు అలాట్ చేసిన తర్వాత, నిబంధనల ప్రకారం ఆ సీటుకు సంబంధించిన మిగిలిన టికెట్ ధర వ్యత్యాసాన్ని లేదా ఫైన్ అమౌంట్‌ను మీరు చెల్లించాల్సి ఉంటుంది. డబ్బులు చెల్లించిన వెంటనే టీటీఈ నుండి అధికారిక రశీదును ఖచ్చితంగా తీసుకోవాలి. ఆ రశీదు తీసుకున్న తర్వాత ఆ సీటుపై ప్రయాణించే పూర్తి హక్కు మీకు లభిస్తుంది. ఇక ఎలాంటి టెన్షన్ లేకుండా మీ ప్రయాణాన్ని హ్యాపీగా ఎంజాయ్ చేయవచ్చు.