Hp

Amazon గ్రేట్ ఇండియన్ ఫెస్టివల్ సేల్ తమకు అవ‌స‌ర‌మైన‌ ఎలక్ట్రానిక్ వస్తువులను కొనుగోలు చేయాల‌నుకునేవారికి గొప్ప వేదిక అని చెప్పొచ్చు. ఇది స్మార్ట్‌ఫోన్‌లు, ట్యాబ్‌లు, ల్యాప్‌టాప్‌లు, గృహోపకరణాల లాంటి అనేక వస్తువులపై ర‌క‌రకాల డిస్కౌంట్‌, డీల్‌లను అందిస్తోంది. ఈ ప్రొడ‌క్ట్స్‌పై ఎక్కువ ఖ‌ర్చు చేయ‌కుండా కొనుగోలుదారుల‌కు స‌ర‌స‌మైన ధ‌ర‌ల‌కు సొంతం చేసుకునే అవ‌కాశం క‌ల్పిస్తోంది. ఇక్క‌డ మీకోసం Amazon సేల్‌లో రూ. 50 వేల నుంచి రూ. ల‌క్ష‌లోపు ధ‌ర ఉండే బెస్డ్ బ్రాండెడ్‌ ల్యాప్‌టాప్ డీల్‌ల లిస్ట్‌ను రూపొందించాం. ఈ జాబితాలో Acer, Asus, Dell, HP లాంటి టాప్‌ కంపెనీల ల్యాప్‌ట్యాప్‌లు ఉన్నాయి. అలాగే, మీరు PC బిల్డ్‌పై ఎక్క‌వ‌ మొత్తంలో ఖర్చు చేయకూడదనుకునే గేమర్ అయినా, పవర్‌హౌస్‌గా కూడా ఉండే పోర్టబుల్ ప్రొడ‌క్ట్‌ను కోరుకున్నా ఈ ఈ-కామర్స్ ప్లాట్‌ఫాం రూ. ల‌క్ష‌ లోపు కొన్ని బెస్ట్‌ గేమింగ్ ల్యాప్‌టాప్‌లపై గొప్ప ఆఫర్‌లను ప్రవేశపెట్టింది

ప్ర‌ముఖ‌ టెక్ బ్రాండ్ HP త‌న HP Victus స్పెషల్ ఎడిషన్ ల్యాప్‌టాప్‌లను దేశీయ మార్కెట్‌లోకి విడుద‌ల చేసింది. ప్ర‌ధానంగా కాలేజీ విద్యార్థులను దృష్టిలో ఉంచుకుని ఈ ప్రత్యేక ఎడిషన్ ల్యాప్‌టాప్‌లను విడుదల చేస్తున్నట్లు కంపెనీ ప్ర‌క‌టించింది. వేగ‌వంత‌మైన‌ పనితీరు, మంచి గేమింగ్ సామర్థ్యాలను అందిస్తుందని వెల్ల‌డించింది. ఈ ల్యాప్‌టాప్‌లలో 4GB వీడియో RAMతో Nvidia GeForce RTX 3050A జీపీయూని చేర్చడానికి కంపెనీ Nvidiaతో కలిసి పనిచేసింది. కంపెనీ HP గేమింగ్ గ్యారేజ్‌కి ఉచిత యాక్సెస్‌తో పాటు ఎస్పోర్ట్స్ మేనేజ్‌మెంట్, గేమ్ డెవలప్‌మెంట్‌పై ఆన్‌లైన్ ప్రొఫెషనల్ సర్టిఫికేట్ ప్రోగ్రామ్‌ను కూడా అందిస్తోంది