Nothing Phone 3a Pro

ప్ర‌పంచ‌వ్యాప్తంగా మార్చి 4న Nothing Phone 3a సిరీస్ లాంచ్ కానుంది. దీని అరంగేట్రానికి ముందు, ఈ బ్రిటిష్ ఒరిజినల్ ఎక్విప్‌మెంట్ తయారీదారు (OEM) లైనప్‌లోని ప్రో మోడల్‌ కీలక కెమెరా స్పెసిఫికేషన్‌లను నిర్ధారించింది. ఈ ఫోన్‌లో 50-మెగాపిక్సెల్ ట్రిపుల్ రియర్ కెమెరా సిస్టమ్‌ను అందిస్తున్నారు. అలాగే, స్పెసిఫికేషన్‌ల‌తోపాటు కెమెరా యూనిట్ లేఅవుట్ కూడా టీజ్ చేయబడింది. సాంప్రదాయ డిజైన్‌లతో పోలిస్తే ఈ కెమెరాలు అసాధారణ రీతిలో అమర్చబడినట్లు స్ప‌ష్టంగా కనిపిస్తున్నాయి. Nothing Phone 3a సిరీస్‌కు సంబంధించిన కీల‌క అంశాలను చూద్దాం!

Nothing Phone 3a ఐఫోన్ 16 మోడళ్లలోని కెమెరా కంట్రోల్ బటన్ మాదిరిగానే కెమెరాను యాక్టివేట్ చేసే క్విక్ షట్టర్‌గా ప్ర‌చారంలో ఉంది.

మార్చి 4న జరిగే లాంచ్ ఈవెంట్‌లో రెండు హ్యాండ్‌సెట్‌ల‌ను Nothing కంపెనీ ప‌రిచ‌యం చేయ‌నున్న‌ట్లు ఓ నివేదిక ద్వారా వెల్ల‌డైంది. ఈ బ్రిటిష్ స్మార్ట్ ఫోన్ తయారీదారు ఫోన్ 2aకి కొనుసాగింపుగా Nothing ఫోన్ 3aను డెవ‌ల‌ప్ చేస్తున్న‌ట్లు వార్త‌లు వ‌చ్చాయి. ఈ మోడల్‌తోపాటు ప్రో అనే మ‌రో మోడ‌ల్‌ను కూడా తీసుకువ‌చ్చేందుకు స‌న్నాహాలు చేస్తున్న‌ట్లు తెలుస్తోంది. ఇది Nothing కంపెనీ నుంచి వ‌స్తోన్న మొద‌టి ఫోన్‌గా చెప్పొచ్చు. ఈ ఏడాది చివర్లో తన ఫ్లాగ్‌షిప్ ఫోన్ 3ని పరిచయం చేయడానికి ముందు మూడు స్మార్ట్ ఫోన్‌లను Nothing లాంచ్ చేసే యోచ‌న‌లో ఉన్న‌ట్లు గ‌తంలోనే బ‌హిర్గ‌త‌మైంది.