Oppo Find N5

వ‌చ్చే వారం గ్లోబ‌ల్ మార్కెట్‌ల‌లో Oppo Find N5 స్మార్ట్ ఫోన్‌ లాంఛ్ కానుంది. అనేక టీజర్ల తర్వాత కంపెనీ తమ‌ తదుపరి ఫోల్డబుల్ ఫోన్ చైనాతోపాటు ఇతర మార్కెట్‌ల‌లో అదే తేదీన వస్తుందని స్ప‌ష్టం చేసింది. రాబోయే Find N5 హ్యాండ్‌సెట్ 3D-ప్రింటెడ్ టైటానియం అల్లాయ్ హింజ్‌ను కలిగి ఉంటుంది. అలాగే, ఇది ట్రిపుల్ ఔటర్ కెమెరా సెటప్‌తో రానున్న‌ట్లు మార్కెట్ వర్గాలు భావిస్తున్నాయి. కంపెనీ ఫోల్డబుల్ ఫోన్ డిజైన్‌ను మూడు రంగులలో వ‌స్తుండ‌గా, వీటిలో ఒకటి చైనా వెలుపల విడుదల కాకపోవచ్చు.

చైనాలో ఈ ఏడాది ఫిబ్రవరిలో Oppo Find N5 ఫోన్‌ లాంఛ్ కాబోతున్న‌ట్లు స్ప‌ష్ట‌మైంది. ఈ నెల మూడవ వారంలో విడుద‌ల చేయ‌నున్న‌ట్లు కంపెనీ అధికారికంగా వెల్ల‌డించింది. అయితే, ఈ ఈవెంట్ ఏ తేదీన జ‌రుగుతుంద‌నే విష‌యాన్ని Oppo ఇంకా ప్ర‌క‌టించలేదు. బుక్-స్టైల్ ఫోల్డబుల్ స్మార్ట్ ఫోన్ ప్రపంచంలోనే సన్నని ఫోల్డబుల్ ఫోన్‌గా వస్తుందని కంపెనీ చెబుతోంది. అలాగే, క్వాల్కమ్ స్నాప్‌డ్రాగన్ 8 ఎలైట్ ప్రాసెస‌ర్‌తో దీనిని అందించ‌వ‌చ్చ‌ని భావిస్తున్నారు. Oppo Find N5 ఫోన్‌ను Oppo Find N3కి కొనసాగింపుగా Oppo వాచ్ X2 స్మార్ట్‌వాచ్‌తో పాటు కంపెనీ పరిచయం చేయనుంది.

OnePlus కంపెనీ రెండవ ఫోల్డబుల్ హ్యాండ్‌సెట్‌గా OnePlus Open 2 వచ్చే ఏడాది మార్కెట్‌లోకి రానున్న‌ట్లు భావిస్తున్నారు. ఈ చైనీస్ స్మార్ట్ ఫోన్ తయారీదారు సంస్థ‌ 2024లో మొదటి జ‌న‌రేష‌న్ OnePlus Openకు కొన‌సాగింపుగా ఎలాంటి ఫోన్‌ను ప‌రిచ‌యం చేయ‌క‌పోవ‌డంతో ఈ హ్యాండ్‌సెట్ 2025లో లాంచ్ చేయ‌నున్న‌ట్లు టిప్‌స్టర్ అంచ‌నా వేస్తోంది. Qualcomm టాప్-ఆఫ్-ది-లైన్ స్నాప్‌డ్రాగన్ 8 ఎలైట్ ప్రాసెస‌ర్‌తో 2025 ప్రారంభంలో వచ్చే అవకాశ‌మున్న Oppo Find N5 ఫోన్‌ రీబ్రాండెడ్ వెర్షన్‌గా రానున్న‌ట్లు భావిస్తున్నారు. మ‌రి ఈ OnePlus Open 2కు సంబంధించిన ఆస‌క్తిక‌ర‌మైన విష‌యాల‌ను చూసేద్దామా