Vivo : ఆడియో మార్కెట్లోకి వివో ఎంట్రీ.. ఒకేసారి 3 డివైజ్ కనెక్ట్ అయ్యే సరికొత్త హెడ్‌ఫోన్స్

Vivo : ప్రముఖ చైనా స్మార్ట్‌ఫోన్ దిగ్గజం వివో ఆడియో రంగంలో సరికొత్త చరిత్ర సృష్టించడానికి సిద్ధమైంది. ఇప్పటివరకు కేవలం ఇయర్ బడ్స్‎కే పరిమితమైన కంపెనీ, మొదటిసారిగా ప్రీమియం ఓవర్-ఈర్ వైర్‌లెస్ హెడ్‌ఫోన్స్ మార్కెట్‌లోకి ప్రవేశిస్తోంది. మే 29న చైనాలో జరగబోయే ఒక భారీ ఈవెంట్‌లో తమ సరికొత్త వివో S60 స్మార్ట్‌ఫోన్ సిరీస్‌తో పాటు ఈ హెడ్‌ఫోన్స్‌ను, బడ్జెట్ ఫ్రెండ్లీ వివో TWS 5e ఇయర్‌బడ్స్‌ను అధికారికంగా లాంచ్ చేయబోతున్నట్లు వివో ప్రకటించింది. సరికొత్త ఫీచర్లు, అద్భుతమైన నాయిస్ క్యాన్సిలేషన్ టెక్నాలజీతో వస్తున్న ఈ గ్యాడ్జెట్స్ మ్యూజిక్ లవర్లను ఎంతగానో ఆకట్టుకోనున్నాయి.

వివో విడుదల చేయబోయే ఈ సరికొత్త వైర్‌లెస్ హెడ్‌ఫోన్స్ ప్రధాన హైలైట్ ట్రిపుల్-డివైజ్ కనెక్టివిటీ. అంటే వినియోగదారులు ఒకే సమయంలో తమ ఫోన్, టాబ్లెట్, ల్యాప్‌టాప్/పీసీలకు ఈ హెడ్‌ఫోన్స్‌ను కనెక్ట్ చేసుకోవచ్చు. ప్రతిసారీ బ్లూటూత్ పెయిరింగ్ మార్చాల్సిన అవసరం లేకుండా చాలా సులభంగా ఒక డివైజ్ నుంచి మరో డివైజ్‌కు ఆడియోను మార్చుకునే వీలుంటుంది.
 

Realme : మార్కెట్లోకి రియల్‌మీ మరో కొత్త 5G అస్త్రం.. జూన్‌లో రియల్‌మీ P4s 5G గ్రాండ్ ఎంట్రీ

ఇక డిజైన్ పరంగా ఇవి చాలా లగ్జరీగా, కేవలం 238 గ్రాముల తేలికపాటి బరువుతో వస్తున్నాయి. దీనివల్ల ఎక్కువ సమయం పాటు ఎలాంటి నొప్పి లేకుండా పాటలు వినవచ్చు. ప్రయాణాల్లో లేదా ఆఫీస్ వర్క్ సమయంలో చుట్టుపక్కల శబ్దాలు వినబడకుండా చేసేందుకు ఇందులో పవర్‌ఫుల్ యాక్టివ్ నాయిస్ క్యాన్సిలేషన్ (ANC) ఫీచర్‌ను కూడా జోడించారు. ఇవి క్లౌడ్ వైట్, బ్రీజ్ పర్పుల్ కలర్ ఆప్షన్లలో లభిస్తాయి.

హెడ్‌ఫోన్స్‌తో పాటు వివో తమ ఆడియో లైనప్‌లో భాగంగా వివో TWS 5e ఇయర్‌బడ్స్‌ను కూడా అదే రోజు విడుదల చేస్తోంది. ఈ బడ్స్ ఫీచర్లు బడ్జెట్ ధరలోనే అద్భుతంగా ఉండబోతున్నాయి. ఇందులో ఏకంగా 55dB హైబ్రిడ్ అడాప్టివ్ ఏఎన్‌సీ (ANC) ఫీచర్‌ను అందించారు. ఇది సిటీ ట్రాఫిక్ లేదా ఆఫీస్ గోల నుండి మీకు పూర్తి ప్రశాంతతను ఇస్తుంది. ఇక బ్యాటరీ విషయానికొస్తే, ఛార్జింగ్ కేస్‌తో కలిపి ఇది ఏకంగా 55 గంటల లాంగ్ ప్లేబ్యాక్ టైమ్‌ను ఆఫర్ చేస్తుందని కంపెనీ క్లెయిమ్ చేసింది. టైప్-సి ఫాస్ట్ ఛార్జింగ్, పనోరమిక్ స్పేషియల్ ఆడియో సపోర్ట్ గల ఈ బడ్స్ బ్లాక్, వైట్, గ్రీన్ కలర్లలో ముందస్తు బుకింగ్స్ కోసం అందుబాటులో ఉన్నాయి.