Nothing

మార్చి 4న జరిగే లాంచ్ ఈవెంట్‌లో రెండు హ్యాండ్‌సెట్‌ల‌ను Nothing కంపెనీ ప‌రిచ‌యం చేయ‌నున్న‌ట్లు ఓ నివేదిక ద్వారా వెల్ల‌డైంది. ఈ బ్రిటిష్ స్మార్ట్ ఫోన్ తయారీదారు ఫోన్ 2aకి కొనుసాగింపుగా Nothing ఫోన్ 3aను డెవ‌ల‌ప్ చేస్తున్న‌ట్లు వార్త‌లు వ‌చ్చాయి. ఈ మోడల్‌తోపాటు ప్రో అనే మ‌రో మోడ‌ల్‌ను కూడా తీసుకువ‌చ్చేందుకు స‌న్నాహాలు చేస్తున్న‌ట్లు తెలుస్తోంది. ఇది Nothing కంపెనీ నుంచి వ‌స్తోన్న మొద‌టి ఫోన్‌గా చెప్పొచ్చు. ఈ ఏడాది చివర్లో తన ఫ్లాగ్‌షిప్ ఫోన్ 3ని పరిచయం చేయడానికి ముందు మూడు స్మార్ట్ ఫోన్‌లను Nothing లాంచ్ చేసే యోచ‌న‌లో ఉన్న‌ట్లు గ‌తంలోనే బ‌హిర్గ‌త‌మైంది.

Nothing Phone 2కి కొనసాగింపుగా రాబోయే నెలల్లో స‌రి కొత్త స్మార్ట్ ఫోన్‌లను లాంచ్ చేయనున్నట్లు పెద్ద ఎత్తున కంపెనీ ప్ర‌చారం చేస్తూ వ‌స్తోంది. ఇందులో భాగంగా ఈ UK-ఆధారిత Original Equipment Manufacturer (OEM) తన సోషల్ మీడియా పేజీ ద్వారా రాబోయే ప్రొడ‌క్ట్‌ను మరోసారి టీజ్ చేసింది. ఇది రాబోయే తదుపరి స్మార్ట్ ఫోన్ కావచ్చని మార్కెట్ వర్గాలు భావిస్తున్నాయి. ఇందులో డ్యూయల్ రియర్ కెమెరా యూనిట్‌తో ట్రాన్స‌ప‌రెంట్‌ డిజైన్‌ను కలిగి ఉన్నట్లు కనిపిస్తోంది. ఈ డిజైన్ ఇటీవ‌ల కాలంలో కంపెనీ నుంచి వ‌స్తోన్న ఫోన్‌ల‌కు త‌ప్ప‌నిస‌రి అనేలా వ‌స్తోంద‌నే చెప్పాలి.